সিবিল এবিয়েসন মন্ত্রালয়
মে ২০, ২০২০দগী বন্দে মাতরম ভারত মিশনগী মখাদা ভারতকী মী ৮৫০৩ ফ্লাইৎ ৪৩দা মীরৈবাক্তগী হল্লকখ্রে
Posted On:
13 MAY 2020 11:58AM by PIB Imphal
মে ২০, ২০২০দগী হৌদুনা নুমিৎ ৬নিসিদা বন্দে মাতরম ভারত মিশনগী মখাদা এয়র ইন্দিয়া অমসুং এয়র ইন্দিয়া এক্সপ্রেসকী ইনবাউন্দ ফ্লাইৎ ৪৩দা ভারতকী মী ৮৫০৩ মীরৈবাক্তগী হল্লকখ্রে
বন্দে মাতরম মিশন অসি মে ৭, ২০২০দা হৌখিবা মীরৈবাক্তা লৈরিবা ভারতকী মীশিংবু ভারত্তা হল্লক্নবগী ভারত সরকারনা পায়খৎপা খ্বাইদগী চাউবা খোংথাং অমনি। মিশন অসিগী মখাদা, ভারতকী মীশিংবু মখোয়গী মরৈবাক্তা হল্লকহন্নবা সিবিল এবিএসনগী মন্ত্রালয়না এক্সতর্নেল এফেয়র্স অমসুং রাজ্য সরকারশিংগা খুৎশম্নদুনা থবক তৌরি।
এয়র ইন্দিয়ানা মাগী সবসিদিয়রী এয়র ইন্দিয়া এক্সপ্রেসকা লোয়ননা লৈবাক ১২ দা হায়বদি য়ু.এস.এ., য়ু.কে. বঙ্গলাদেশ, সিঙ্গাপুর, সাউদী অরাবিয়া, কুৱেৎ, ফিলিপিন্স, য়ু.এ.ই. অমসুং মলয়েসিয়াদগী মীরৈবাক্তা লৈবা ভারতকী মী ১৪,৮০০ পুন্না ফ্লাইৎ ৬৪ (এয়র ইন্দিয়ানা ৪২ অমসুং এয়র ইন্দিয়া এক্সপ্রেসনা ২৪)তা অহানবা ফেজদা ময়ুমদা হল্লকহন্নবগী থবক তৌরি ।
পুন্না মালংদা মী হোনবগী মিশন অসি ভারত সরকার অমসুং দি.জি.সি.এ.না থমখিবা শোই-ঙামদনা অমদি লু-নানবগী প্রোতোকোল অদু চেকশিন্না ঙাক্তুনা থবক খুদিংমক পাংথোক্লি।
মসিগী হকশেলগী ওইনা মী হোনবগী মিশন অসিদা সিবিল এবিএসন মন্ত্রালয়, এ.এ.আই. অমসুং এয়র ইন্দিয়ানা পেসেঞ্জরশিং, ক্র্যু অমসুং গ্রাওন্দ শেন্নরিবা স্তাফশিং শোই-ঙামদনবা থবক অমফাওবা খাক্তনা তৌখি। সরকারনা পীবা লমজিং-লমতাকশিংগা মরী লৈনবা পাক-শন্না অমদি শোই-ঙামদনবা থবকশিং পাংথোকখি।
****
(Release ID: 1623515)
Visitor Counter : 227
Read this release in:
Punjabi
,
Telugu
,
Assamese
,
English
,
Urdu
,
Marathi
,
Hindi
,
Bengali
,
Gujarati
,
Odia
,
Odia
,
Tamil
,
Kannada
,
Malayalam