ରେଳ ମନ୍ତ୍ରଣାଳୟ

ମେ 12 ପୂର୍ବାହ୍ନ 9.30 ସୁଦ୍ଧା ଭାରତୀୟ ରେଳବାଇ ପକ୍ଷରୁ ଦେଶବ୍ୟାପୀ 542 ଶ୍ରମିକ ସ୍ପେଶାଲ ଟ୍ରେନ ଚଳାଚଳ

• ମୋଟ 6.48 ଲକ୍ଷ ଯାତ୍ରୀଙ୍କୁ ପରିବହନ ସେବା ମିଳିଛି
• ଓଡିଶାରେ ପହଞ୍ଚିଛି 29ଟି ଟ୍ରେନ
• ସବୁ ଯାତ୍ରୀଙ୍କୁ ମାଗଣା ଖାଦ୍ୟ ଓ ପାନୀୟ ଦିଆଯାଉଛି
• ଟ୍ରେନ ଚଳାଚଳ ସମୟରେ ସାମାଜିକ ଦୂରତ୍ୱ ରକ୍ଷା ନିୟମ ପାଳନ କରାଯାଉଛି

प्रविष्टि तिथि: 12 MAY 2020 12:50PM by PIB Bhubaneswar

ଲକଡାଉନ ଯୋଗୁଁ ବିଭିନ୍ନ ସ୍ଥାନରେ ଅଟକି ରହିଥିବା ପ୍ରବାସୀ ଶ୍ରମିକ, ତୀର୍ଥଯାତ୍ରୀ, ପର୍ଯ୍ୟଟନ, ଛାତ୍ରଛାତ୍ରୀ ଓ ଅନ୍ୟାନ୍ୟ ଲୋକଙ୍କୁ ନିଜ ନିଜ ରାଜ୍ୟକୁ ଫେରାଇ ଆଣିବା ପାଇଁ ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ନିର୍ଦ୍ଦେଶନାମା ଜାରି ହେବା ପରେ ଭାରତୀୟ ରେଳବାଇ ଶ୍ରମିକ ସ୍ପେଶାଲ ଟ୍ରେନ ଚଳାଚଳ କରାଇବାକୁ ନିଷ୍ପତ୍ତି ନେଇଥିଲା ।

ମେ 12 ତାରିଖ ପୂର୍ବାହ୍ନ 9.30 ମିନିଟ ସୁଦ୍ଧା ଦେଶର ବିଭିନ୍ନ ପ୍ରାନ୍ତରେ 542ଟି ଶ୍ରମିକ ସ୍ପେଶାଲ ଟ୍ରେନର ଚଳାଚଳ ଆରମ୍ଭ ହୋଇଛି । ସେଥି ମଧ୍ୟରୁ 448ଟି ଟ୍ରେନ ନିଜ ନିଜର ଗନ୍ତବ୍ୟ ସ୍ଥଳରେ ପହଞ୍ଚିଥିବାବେଳେ ଅନ୍ୟ 94ଟି ଯାତ୍ରା ଜାରି ରଖିଛନ୍ତି ।

ଇତି ମଧ୍ୟରେ ଆନ୍ଧ୍ରରେ ଗୋଟିଏ, ବିହାରରେ 117ଟି , ଛତିଶଗଡରେ 1, ହିମାଚଳ ପ୍ରଦେଶରେ 1, ଝାଡ଼ଖଣ୍ଡରେ 27, କର୍ଣ୍ଣାଟକରେ 1, ମଧ୍ୟପ୍ରଦେଶରେ 38, ମହାରାଷ୍ଟ୍ରରେ 3, ଓଡ଼ିଶାରେ 29, ରାଜସ୍ଥାନରେ 4, ତାମିଲନାଡୁରେ 1, ତେଲଙ୍ଗାନାରେ 2, ଉତ୍ତରପ୍ରଦେଶରେ 221 ଓ ପଶ୍ଚିମବଙ୍ଗରେ 2ଟି ଟ୍ରେନ ପହଞ୍ଚିସାରିଛି ।

ତିରୁଚିରାପଲ୍ଲୀ, ଟିଟିଲାଗଡ ବାରାଉଣି, ଖଣ୍ଡୱା, ଜଗନ୍ନାଥପୁର, ଖୋର୍ଦ୍ଧାରୋଡ, ପ୍ରୟାଗରାଜ, ଛାପ୍ରା, ବଲିଆ, ଗୟା, ପୂର୍ଣ୍ଣିଆ, ବାରଣାସୀ, ଦରଭଙ୍ଗା, ଗୋରଖପୁର, ଲକ୍ଷ୍ନୌ, ଜଉନପୁର, ହଟିଆ, ବସ୍ତି, କଟିହାର, ଦାନାପୁର, ମୁଜାଫରପୁର, ସହରସା ଆଦି ଷ୍ଟେସନରେ ପ୍ରବାସୀ ଶ୍ରମିକ ଓ ଅଟକ ଯାତ୍ରୀମାନେ ଇତି ମଧ୍ୟରେ ପହଞ୍ଚିଛନ୍ତି । ସେଠାରୁ ସେମାନଙ୍କୁ ନିଜନିଜ ଘରକୁ ନେବା ଲାଗି ରାଜ୍ୟ ପ୍ରଶାସନ ତରଫରୁ ବ୍ୟବସ୍ଥା ହୋଇଛି ।

ଏସବୁ ଶ୍ରମିକ ସ୍ପେଶାଲ ଟ୍ରେନରେ ଯାତ୍ରୀମାନଙ୍କର ସ୍ୱାସ୍ଥ୍ୟ ପରୀକ୍ଷା ଉପଯୁକ୍ତ ଭାବେ କରାଯାଇ ଯାତ୍ରା ପାଇଁ ଅନୁମତି ଦିଆଯାଇଥିଲା । ଯାତ୍ରା ସମୟରେ ଯାତ୍ରୀମାନଙ୍କୁ ରେଳବାଇ ପକ୍ଷରୁ ମାଗଣାରେ ଖାଦ୍ୟ ଓ ପାନୀୟ ଯୋଗାଣର ବ୍ୟବସ୍ଥା କରାଯାଇଥିଲା । ଯାତ୍ରା ସମୟରେ ଯାତ୍ରୀଙ୍କ ମଧ୍ୟରେ ସାମାଜିକ ଦୂରତ୍ୱ ରକ୍ଷା ଓ ଅନ୍ୟାନ୍ୟ ସ୍ୱାସ୍ଥ୍ୟ ରକ୍ଷା ନିୟମମାନ ଉପଯୁକ୍ତ ଭାବେ ପାଳନ କରାଯାଇଛି ।

ନିଜ ନିଜ ରାଜ୍ୟର ଲୋକଙ୍କୁ ଫେରାଇ ନେବାକୁ ସଂପୃକ୍ତ ସରକାରଙ୍କ ଅନୁରୋଧ କ୍ରମେ ଏବଂ ଯେଉଁ ରାଜ୍ୟରୁ ଶ୍ରମିକ ଆସିବେ ସେଠାରେ ସରକାରଙ୍କ ଅନୁମତି ଅନୁସାରେ ଏହି ସ୍ୱତନ୍ତ୍ର ଟ୍ରେନ ସବୁ ଚଳାଚଳ କରୁଛି ।

 

***************


(रिलीज़ आईडी: 1623294) आगंतुक पटल : 308
इस विज्ञप्ति को इन भाषाओं में पढ़ें: Tamil , English , Urdu , हिन्दी , Marathi , Manipuri , Bengali , Assamese , Punjabi , Gujarati , Telugu , Kannada , Malayalam