রেলৱে মন্ত্রালয়
ইন্দিয়ন রেলৱেনা লৈবাক পুম্বদা ২০২০গী মে ১২ (পুং ০৯:৩০) ফাওবদা “শ্রমিক স্পিসিয়েল” ত্রেন ৫৪২ ওপরেৎ তৌরি
পেসেঞ্জর লাখ ৬.৪৮ ত্রান্সপোর্ত তৌখ্রে
পেসেঞ্জরশিংদা চাকলেন অমসুং ঈশিং লেম্না পীরি
ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুং খক্তদা চেল্লি
সোসিয়েল দিস্তেন্সিং ঙাক্না চৎলি
Posted On:
12 MAY 2020 12:50PM by PIB Imphal
তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু অখন্নবা ত্রেনশিংনা পুথোক-পুশিন তৌবনবা গৃহ মন্ত্রালয়গী পাউতাক মতুং ইন্না ইন্দিয়ন রেলৱেনা “শ্রমিক স্পিসিয়েল” ত্রেনশিং ওপরেৎ তৌনবা ৱারেপ লৌখি।
২০২০গী মে ১২ ফাওবদা, লৈবাক অসিগী তোঙান-তোঙানবা রাজ্যশিংদগী “শ্রমিক স্পিসিয়েল” ত্রেন পুন্না ৫৪২ ওপরেৎ তৌরি, মদুগী মনুংদা ত্রেন ৪৪৮দি মখোয়গী পন্থুংফম য়ৌখ্রে অমদি ত্রেন ৯৪না লম্বীদা লৈরি।
মসিগী ত্রেন ৪৪৮ অসি আন্ধ্র প্রদেশ (ত্রেন ১), বিহার (ত্রেন ১১৭), ছতিসগর (ত্রেন ১), হিমাচল প্রদেশ (ত্রেন ১), ঝার্খন্দ (ত্রেন ২৭), কর্নাতকা (ত্রেন ১), মধ্য প্রদেশ (ত্রেন ৩৮), মহারাস্ত্রা (ত্রেন ৩), ওরিশা (ত্রেন ২৯), রাজস্থান (ত্রেন ৪), তমিল নাদু (ত্রেন ১), তেলঙ্গনা (ত্রেন ২), উত্তর প্রদেশ (ত্রেন ২২১), ৱেস্ত বেঙ্গল (ত্রেন ২)গুম্বা তোঙান-তোঙানবা রাজ্যশিংদা তর্মিনেৎ তৌরি।
ত্রেনশিং অসিনা তিরুচিরাপল্লি, তিতলাগর, বরাওনী, খানদ্বা, জগন্নাথপুর, খুর্দা রোদ, প্রয়াগরাজ, ছাপ্রা, বলিয়া, গয়া, পুর্নিয়া, বরানসী, দর্বঙ্গা, গোরখপুর, লখনৌ, জোনপুর, হাতিয়া, বস্তী, কতিহার, দানাপুর, মুজাফরপুর, শহরসা অসিনচিংবা শহরশিংদা মাইগ্রেন্তশিং পুদুনা চৎখি।
মসিগী শ্রমিক স্পিসিয়েল ত্রেনশিং অসিদা য়াম্লবদা চাউরাক্না পেসেঞ্জর ১২০০না সোসিয়েল দিস্তেন্সিং ঙাক্না তোংদুনা চৎপা য়াহল্লি। ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।
****
(Release ID: 1623263)
Visitor Counter : 207
Read this release in:
Tamil
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam