সিবিল এবিয়েসন মন্ত্রালয়

মে ৭, ২০২০দগী হৌদুনা বন্দে ভারত মিশনগী মখাদা ফ্লাইৎ ৩১দা মপান লমদগী ভারত মচা ৬০৩৭ হল্লকখ্রে

Posted On: 12 MAY 2020 2:15PM by PIB Imphal

মে ৭, ২০২০দগী হৌদুনা নুমিৎ ৫নিদা বন্দে ভারত মিশনগী মখাদা এয়র ইন্দিয়া অমসুং এয়র ইন্দিয়া এক্সপ্রেসনা চলাইবা হল্লক্লিবা ফ্লাইৎ ৩১দা ভারত মচা ৬০৩৭ পুরকখ্রে।

মে ৭, ২০২০দা, লৈবাক অসিগী মীওইশিং অদুবু ভারত্তা অমুক হন্না পুরক্নবা লৌখৎলকপা চাউরবা খোংথাংশিং অদুগী মনুংদা অমনি। মিশন অসিগী মখাদা সিবিল এভিয়েসন মন্ত্রালয়না ভারত মচাশিং অদুবু মশাগী মরমদা পুরক্নবগীদমক্তা এক্সতর্নেল এফিয়র্স মন্ত্রালয় অমসুং রাজ্য সরকারশিংগা পুন্না  থবক তৌমিন্নরি।

এয়র ইন্দিয়ানা মাগী মখাদা লৈরিবা এয়র ইন্দিয়া এক্সপ্রেসকা লোইননা অহানবা তাংকক্তা ভারত মচা ১৪,৮০০ পুরক্নবা লৈবাক ১২দা খুদম ওইনা য়ু.এস.এ., য়ু.কে., বঙ্গলাদেশ, সিঙ্গাপুর, সাউদী অরাবিয়া, কুৱেৎ, ফিলিপিন্স, য়ু.এ.ই. অমসুং মলেসিয়াদা পুন্না ফ্লাইৎ ৬৪ (এয়র ইন্দিয়ানা ৪২ অমসুং এ.আই. এক্সপ্রেসনা ২৪) মথৌ তৌহল্লি।

নোংথক্কী লম্বীদা মী থাংদোকপগী য়াম্না চাউরবা মিশন অসিগী থবক থৌরম খুদিংমক সরকার অমসুং দি.জি.সি.এ.না পীবা অশোই অঙাম য়াওদনবা অমসুং লু-নানবগী প্রোতোকোলশিং অদু চেকশিন্না ঙাক্তুনা চৎলি। এম.ও.সি.এ., এ.এ.আই. অমসুং এয়র ইন্দিয়ানা মসিগী য়াম্না লুরবা মেদিকেল ইভাক্যুএসন মিশন অসিদা পেসেঞ্জরশিং, ক্রু অমসুং মখাদা শেন্নরিবা স্তাফশিংগী অশোই অঙাম য়াওদবনা মরু ওইনা লৌদুনা তৌবা য়াবা খুদিংমক অমত্তা খাক্তনা পাংথোকখি।

সরকারগী গাইদলাইনশিং অদুগী মতুং ইন্না অচৌবা অমসুং কুপথনা অশোই অঙামশিং য়াওদনবা চেকশিন-থৌরাংশিং লৌখৎখ্রে।

****



(Release ID: 1623267) Visitor Counter : 100