আধারগা লিঙ্ক তৌদবা রাসন কার্দশিং অদু ককথৎলগনি হায়বা ঙসি পাউ-চেগী সেক্সন অমদা ফোংলকখ্রে।

ফুদ অমসুং পব্লিক দিস্ত্রিব্যুসন বিভাগনা আধারগী মতাংদা থোকপা নোতিস্তা রাজ্যশিং/য়ুনিয়ন তেরিতোরীশিংদা রাসন কার্দশিং/বেনিফিসরীশিং পুম্নমক আধারদা লিঙ্ক তৌনবা পীখিবা মতম  (তাং ০৭.০২.২০১৭) অদু বিভাগনা তাং ৩০/০৯/২০২০ ফাওবা শাংদোকখ্রে। মতমদু ফাওবদা বিভাগ অসিনা ইনগদবশিং ময়েক শেংনা তাং ২৪.১০.২০১৭ অমসুং ০৮.১১.২০১৮গী লেতরশিংদা বেনিফিসরী/ইমুংশিংনা চে-হৱাইশিংগী কোতা লৌবা য়ারোই, নত্ত্রগা মখোয়গী মমিংশিং/রাসন কার্দশিং অদু আধার নম্বরনা য়াওদ্রবদি ককথৎকনি হায়খ্রে। মসিদা নত্তনা, বেনিফিসরীশিংগী বায়োমেত্রিক/আধার শেংই-শেংদে য়েংনবা অদু য়াদবদগী নত্ত্রগা নেতৱর্ক শোনবদগী মায় পাক্তবা তারগদি মদুনা মরম ওইরগা মখোয়শিং অদু এন.এফ.এস.এ.তগী খুদোংচাবা লৌবদা য়াদবা লৈরোই।

হৌজিক্কী লুরবা মতমসিদা, লাইরবা নত্ত্রগা ফংফম থোকপা মীওইশিং নত্ত্রগা ইমুংগীদমক্তা চেং-হৱাই ফংবদা অপনবা ওইদনবা মতমসিগা চুনবা মিৎয়েংদা থবক তৌবগী মথৌ তাই। আধারবু রাসন কার্দ নত্ত্রগা কান্নবা ফংলিবশিংগা শম্নবনা অসিগুম্বা মখলগী রাসন ফংবগী খুদোংচাবা ফংবদা করিগুম্বা মখল অমত্তগী অথিংবা অমত্তা লৈররোই।

কেন্দ্র অমসুং রাজ্য/য়ুনিয়ন তেরিতোরীগী সরকারনা চোকথবা লৈতনা হোৎনবনা, হৌজিক-হৌজিক চাউরাক্না রাসন কার্দ ক্রোর ২৩.৫কী চাদা ৯০ রাসন কার্দ পায়বশিং (হায়বদি য়ামদ্রবদা ইমুং অমদগী মী অমা)গী আধার নম্বরগা মাংজৌননা শমজিন্নখ্রে; তাঞ্জা অসিদা, চাউরাক্না বেনিফিসরী ক্রোর ৮০গী চাদা ৮৫না মখোয়-মখোয়গী আধার কার্দশিংগা শম্নখ্রে। মখা তানা, মরি লৈনবা রাজ্যশিং/য়ুনিয়ন তেরিতোরীশিংনা এন.এফ.এস.এ.গী মখাদা লেমহৌরিবা রাসন কার্দশিং/বেনিফিসরীশিংগী আধারশিং শম্ননবা লেপ্পা লৈতনা হোৎনরি। 

বিভাগ অসিনা লাইরবশিং অমসুং য়ুম হোংগনবা বেনিফিসরীশিংবু ঙাক-শেন্নবা ‘ইন্তিগ্রেতেদ মেনেজমেন্ত ওফ পব্লিক দিস্ত্রিব্যুসন সিস্তেম’গী শরুক অমা ওইনা “ৱান নেসন ৱান রাসন কার্দ”কী থৌশিলদা এন.এফ.এস.এ.গী রাসন কার্দ পায়বশিংদা পুথোক-পুশিন য়াবা  নেস্নেল/ইন্তর-স্তেৎ চৎনহনবা হৌখ্রে হায়বা তাক্লে।

রাজ্য অমদগী অতোপ্পা রাজ্য অমদা পুথোক-পুশিন তৌবা য়াবা রাসন কার্দ অমা ফংবদা এন.এফ.এস.এ.গী মখাদা লৈবা রাজ্যশিং/য়ুনিয়ন তেরিতোরীশিংগী অখন্নবা রাসন কার্দশিং/বেনিফিসয়রীশিংগী দেতা লৈবা হায়বসি য়াম্না মরুওই। মরম অসিনা আধার নম্বরগা শম্নবা অসি রাসন কার্দ পায়বশিং/বেনিফিসরীশিংগী তোপ-তোপ্পা রেকোর্দ অমা শেমগৎপদা মরু ওইরক্লি,  মসিনা মহাক্কী লৈরিবা মমিং অদু কায়দনা থমগনি।

****