ନୂତନ ଓ ଅକ୍ଷୟ ଶକ୍ତି ମନ୍ତ୍ରଣାଳୟ
ନୂତନ ଓ ଅକ୍ଷୟ ଶକ୍ତି ମନ୍ତ୍ରଣାଳୟର ସଚିବ ଭାବେ ଇନ୍ଦୁ ଶେଖର ଚତୁର୍ବେଦୀଙ୍କ ଦାୟିତ୍ଵ ଗ୍ରହଣ
प्रविष्टि तिथि:
11 MAY 2020 3:24PM by PIB Bhubaneshwar
ଶ୍ରୀ ଇନ୍ଦୁ ଶେଖର ଚତୁର୍ବେଦୀ (ଆଇଏଏସ) ଆଜି ନୂତନ ଓ ଅକ୍ଷୟ ଶକ୍ତି ମନ୍ତ୍ରଣାଳୟର ସଚିବ ଭାବେ ଦାୟିତ୍ଵ ଗ୍ରହଣ କରିଛନ୍ତି । ଶ୍ରୀ ଚତୁର୍ବେଦୀ 1987 ବ୍ୟାଚ ଝାଡଖଣ୍ଡ କ୍ୟାଡରର ଆଇଏଏସ ଅଧିକାରୀ । ସେ ଏହି ମନ୍ତ୍ରଣାଳୟର ସଚିବ ଥିବା ଶ୍ରୀ ଆନନ୍ଦ କୁମାରଙ୍କ ଉତ୍ତରାଧିକାରୀ ହୋଇଛନ୍ତି, ଯିଏକି ପୂର୍ବରୁ ସଂସ୍କୃତି ମନ୍ତ୍ରଣାଳୟର ଦାୟିତ୍ୱ ଗ୍ରହଣ କରିଛନ୍ତି ।
ଆନୁଷ୍ଠାନିକ ଭାବେ ଦାୟିତ୍ୱ ଗ୍ରହଣ କରିବା ପରେ ଶ୍ରୀ ଚତୁର୍ବେଦୀ ମନ୍ତ୍ରଣାଳୟର ବରିଷ୍ଠ ଅଧିକାରୀମାନଙ୍କୁ ଭେଟିଥିଲେ ଏବଂ ମନ୍ତ୍ରଣାଳୟ ସମ୍ମୁଖରେ ଥିବା କାର୍ଯ୍ୟ ଏବଂ ପ୍ରସଙ୍ଗଗୁଡ଼ିକର ହିସାବ ରଖିଥିଲେ ।
ଏହି ନିଯୁକ୍ତି ପୂର୍ବରୁ ଶ୍ରୀ ଚତୁର୍ବେଦୀ ଝାଡଖଣ୍ଡ ସରକାରଙ୍କ ପରିବେଶ ଓ ଜଙ୍ଗଲ ମନ୍ତ୍ରଣାଳୟର ଅତିରିକ୍ତ ମୁଖ୍ୟ ସଚିବ ତଥା ଅତିରିକ୍ତ ସଚିବ (ଜଳବାୟୁ ପରିବର୍ତ୍ତନ ବିଭାଗ) ଭାବରେ କାର୍ଯ୍ୟ କରୁଥିଲେ ।
ଶ୍ରୀ ଚତୁର୍ବେଦୀ ଆଇଆଇଟି-କାନପୁରରୁ ଇଲେକ୍ଟ୍ରିକାଲ୍ ଇଞ୍ଜିନିୟରିଂରେ ବି.ଟେକ ଏବଂ ହାର୍ଭାର୍ଡ ବିଶ୍ୱବିଦ୍ୟାଳୟ(ଯୁକ୍ତରାଷ୍ଟ୍ର)ରୁ ଅନ୍ତର୍ଜାତୀୟ ବିକାଶରେ ପି.ଜି. ଡିଗ୍ରୀ ହାସଲ କରିଛନ୍ତି । ସେ ଝାଡଖଣ୍ଡ ଏବଂ କେନ୍ଦ୍ର ସରକାରଙ୍କ ବିଭିନ୍ନ ପଦ ପଦବୀରେ କାର୍ଯ୍ୟ କରିଛନ୍ତି । ସେ ମଧ୍ୟ ଅର୍ଥ ମନ୍ତ୍ରଣାଳୟ ଅଧିନସ୍ଥ ଅର୍ଥନୈତିକ ବ୍ୟାପାର ବିଭାଗର ଯୁଗ୍ମ ସଚିବ ରୂପେ କାର୍ଯ୍ୟ କରିଛନ୍ତି । ଯୋଜନା ଆୟୋଗ, କୃଷି ମନ୍ତ୍ରଣାଳୟ ଏବଂ କାର୍ମିକ, ସାଧାରଣ ଅଭିଯୋଗ ଓ ପେନସନ ମନ୍ତ୍ରଣାଳୟ ଭଳି ଅନ୍ୟ ବିଭାଗଗୁଡିକରେ କାର୍ଯ୍ୟ କରିବାର ତାଙ୍କର ବ୍ୟାପକ ଅଭିଜ୍ଞତା ରହିଛି । ଶ୍ରୀ ଚତୁର୍ବେଦୀ ଆର୍ଥିକ ପରିଚାଳନା, କମ୍ୟୁନିଟି ମୋବିଲାଇଜେସନ ଏବଂ ଅଂଶଗ୍ରହଣକାରୀ ପରିଚାଳନା କୌଶଳ ଉପରେ ମଧ୍ୟ ତାଲିମ ନେଇଛନ୍ତି ।
**********
(रिलीज़ आईडी: 1623102)
आगंतुक पटल : 204