সাইন্স অমসুং তেক্নোলোজী বিভাগ (দি.এস.তি.)কী স্তেত্যুতরী বোদী অমা ওইরিবা তেক্নোলোজী দিবেলপমেন্ত বোর্দ (তি.দি.বি.)  অমসুং কনফিদরেসন ওফ ইন্দিয়ন ইন্দস্ত্রী (সি.আই.আই.)না  ‘রিস্তার্ত হায়না মিংথোনবা রিবুত্তিং দি ইকোনোমী থ্রু সাইন্স, তেক্নোলোজী এন্দ রিসর্চ ত্রান্সলেসন’দা অৱাংবা থাক্কী দিজিতেল কনফরেন্স অমা মে ১১, ২০২০, নিংথৌকাবা নুমিৎ নেস্নেল তেক্নোলোজীগী নুমিৎতা পাংথোক্লগনি।  

সাইন্স অমসুং তেক্নোলোজী, হকশেল অমসুং য়াইফ-য়ুম্বাল অমসুং আর্থ সাইন্সকী কেন্দ্র মন্ত্রী দা. হর্শ বর্ধন্না থৌরম অসিগী অথোইবা মীথুংলেন ওইদুনা নেস্নেল তেক্নোলোজী নুমিৎকী ৱারোল থমগনি। মসিগী থৌরম অসিদা সাইন্স, নীতি অয়োগকী মেম্বর দা. সরস্বতকী অথোইবা ৱারোল থমগনি; ভারত সরকারগী প্রীন্সিপল সাইন্তিফিক এদভাইজর প্রোফেসর অশুতোশ শর্ম অমসুং তি.দি.বি., দি.এস.তি. অমসুং সি.আই.আই.দগী অতোপ্পা ওফিসিএলশিং য়াওগনি। বাইওতেক্নোলোজী বিভাগকী সেক্রতরী দা. রেনু স্বরুপ, সি.এস.আই.আর.গী দি.জি. দা. শেখর সি. মান্দে, অমসুং ভারত্তা ইতলিগী এম্বাসেদর ঐচ.ই. শ্রী ভিন্সেঞ্জো দে লুকানা তোঙান-তোঙানবা সেসন্দা অখন্নবা ৱারোল থমগনি।

কোবিদ-১৯ থোরকপসিদা, তেক্নোলোজীনা তমথিরবা লায়না অসিগী মায়োক্তা মমাং থানা লান্থেংনরি। মালেম পুম্বনা মশা-মশানা অনৌবা ফিভমদা চুশিন্ননবা হোৎনরিবা মতমসিদা মালেম পুম্বগী লল্লোন-ইতিক্কী মকোকশিংনা তেক্নোলোজীশিং শিজিন্ননবা অমুক নৌনা  ৱাখল খন্দুনা  অমসুং থোক্লিবা অরুবা ফিভমসিদা কন্না লান্থেংনদুনা অমুক হন্না নেমথহল্লকপা ঙম্ননবা অনৌবা লাল্লোংশিং  শেম-শারি।

ৱাফম অসি ৱাখলদা থমদুনা শেন্মিৎলোন হেনগৎহন্নবা মতিং লৈবা থবক তৌবা হায়বসি মতম অসিগী মথৌ তাবা ওইরি, তি.দি.বি.না লোইশিল্লক্নবগী মায়কৈরোমদা তেক্নোলোজীগী ওইবা সোলুসনশিংদা মায় ওনশিন্দুনা নেস্নেল তেকেনোলোজীগী নুমিৎ পাংথোক্লি। মসিগী তেক্নোলোজীশিং অসিদা ভারতপু কোবিদ-১৯গী মতমগী তুংগীদমক শেম-শাগদবা মেদিকেল তেক্নোলোজীশিং, এদভান্স তেক্নোলোজীশিং অমসুং মেনুফেকচরিং তেক্নোলোজীশিং য়াওগনি।

কনফরেন্স অসিনা নেস্নেল অমসুং ইন্তর্নেস্নেল ইন্দস্ত্রীশিং, রিসর্চ ইন্সতিত্যুৎশিং অমসুং একাদমিক ইন্সতিত্যুসনশিংদগী সাইন্তিস্তশিং, তেক্নোক্রেৎশিং, সরকারগী ওফিসিএলশিং, দিপ্লোমেৎশিং, ৱর্ল্দ হেল্থ ওর্গনাইজেসনগী ওফিসিএলশিং অমসুং দিগ্নিতরীশিংবু পুন্না ফম্বাক অমত্তদা পুশিল্লক্তুনা সাইন্স অমসুং তেক্নোলোজীনা মালেমগী ওইবা হকশেলগী অরুবশিং অমদি সোলুসনশিংদা লৌরিবা থৌদাংশিংগী মতাংদা মখোয়গী ওইবা মিৎয়েংশিংদা নত্তনা হৌজিক থৌক্লিবা তমথিরবা লায়না অসিদগী খক্তা নত্তনা মসিগী মতুংদা লান্থেংনরক্কদবশিংদসু তেংবাং ওইগদবা ৱাফমশিং থমগনি।

কনফরেন্স অসিদা ‘মেদিসিন অমসুং মেদিকেল তেক্নোলোজীস’; ‘চাউখৎলবা পোৎলমশিং-অনৌবা তেক্নোলোজীগী ’; ‘সস্তেনেবল ফ্যুচরগীদমক্তা অমদি মালেমদা অনৌবা ওইনা চাউখৎপা মওংদা শানবা তেক্নোলোজীশিং’ অমসুং মালেমগী শেন্মিৎলোনবু লমজিংনবা পুনশিন্নবা য়াবা তেক্নোলোজীদা  তেক্নিকেলগী সেসনশিং লৈগনি।

সাইন্স অমসুং তেকেনোলোজী মন্ত্রালগী মায়কৈদগী তি.দি.বি.না লৈবাক অসিদা অনৌবা মওংদা শেমগৎপশিং অমদি তেক্নোলোজীদা খ্বাইদগী হেন্না ফবা মওংদা চাউখৎপা পুরক্নবা চহী খুদিংগী মে ১১ অসি নেস্নেল তেকেনোলোজীগী নুমিৎ ওইনা পাংথোকই। নুমিৎ অসি পুৱারীগী  ওইবা মরমগীসুনি, মরমদি মে ১১, ১৯৯৮তা ভারতকী পোখ্রান্দা ন্যুক্লিয়র চাংয়েং মায় পাক্না পাংথোক্তুনা চাউনা মায় পাকপা অমা পুরকখি। মখা তানা, খ্বাইদগী অহানবা ইরমদা শাবা এয়রক্রাফ “হন্স-৩” অসি নুমিৎ অসিদা বেঙ্গলোরদা চাংয়েংগী ওইনা পাইখি; অমসুং মসিগী নুমিৎ অসিদা ভারতনা ত্রিশুল মিসাইলগী চাংয়েং মায় পাক্না পাংথোকখি। মসিগী নুমিৎ অসি ১৯৯৯দগী নেস্নেল তেক্নোলোজীগী নুমিৎ হায়না পাংথোক্তুনা লাক্লি।

তেক্নোলোজীগী নুমিৎ পাংথোকপা অসিনা সাইন্তিফিক ওইনা থিগৎপা, তেক্নোলোজীগী ওইবা মওংদা ভারতনা  শেম-শাবা অমসুং নৌনা শেম-শাবশিং, অমদি জাতীসিগী খুন্নাইগী-শেন্মিৎলোন্দা মসিগী শেমগৎলকপশিং অসিনা কান্নবা পুরক্নবা অমদি মালেমসিদা য়াওরি হায়বগী খুদম্নি।

দিজিতেল কনফরেন্সতা নত্তনা কম্পনীশিং অদুগা তি.দি.এ.না শৌগৎপা তেক্নোলোজীশিং লোয়ননা তশেংনা মরু ওইবা মওংদা উহন্নবা থৌরাংশিং শেমখি। তোঙান-তোঙানবা ওর্গনাইজেসনশিং অমসুং কম্পনীশিংনা মখোয়গী প্রদক্তশিং অদু দিজিতেল বি.২.বি. লোঞ্জ অমদগী উহন্নবা থম্লিবশিং অদুদা উৎকনি। মালেমগী অকোয়বদগী মীশিংনা কনফরেন্স অদুগী স্তোলশিং অদু য়েংবা য়াগনি।

য়াওনীংবা পার্তিসিপেন্তশিংনা কনফরেন্স অমসুং একজিবিসন অদু য়াওনবা লিঙ্ক অসি শিজিন্নদুনা মাংজৌননা রেজিস্তর তৌবা য়াগনি: https://www.ciidigitalevents.in/SignUp.aspx?EventId=E000000003