କୋଭିଡ-19ର ପରିଚାଳନା ପାଇଁ ଦେଶରେ ଆବଶ୍ୟକ ଚିକିତ୍ସା ସୁବିଧା ଓ ସ୍ୱାସ୍ଥ୍ୟ ଭିତ୍ତିଭୂମି ସୃଷ୍ଟି କରାଯାଇଛି । ସର୍ବ ସାଧାରଣଙ୍କ ପାଇଁ ଉଦ୍ଦିଷ୍ଟ ସମର୍ପିତ କୋଭିଡ ସ୍ୱାସ୍ଥ୍ୟସେବା ବ୍ୟବସ୍ଥାକୁ ତିନି ଶ୍ରେଣୀରେ ନିମ୍ନମତେ ବିଭକ୍ତ କରାଯାଇଛି ।

ପ୍ରଥମ ଶ୍ରେଣୀରେ ରହିଛି ଉତ୍ସର୍ଗୀକୃତ କୋଭିଡ-19 ହସପିଟାଲ ବା ଡିସିଏଚ । ଏଠାରେ ଗୁରୁତ୍ୱର କରୋନା ସଂକ୍ରମିତଙ୍କୁ ରଖି ପୂର୍ଣ୍ଣାଙ୍ଗ ଚିକିତ୍ସା ଓ ସେବାଯତ୍ନ ଯୋଗାଇ ଦେବାର ବ୍ୟବସ୍ଥା କରାଯାଇଛି । ଏଥିରେ ସଂପୂର୍ଣ୍ଣ ସୁବିଧା ସୁଯୋଗ ଥିବା ଆଇସିୟୁ, ଭେଂଟିଲେଟର ଓ ଅକ୍ସିଜେନ ବ୍ୟବସ୍ଥା ଥିବା ବେଡ(ଶଯ୍ୟା) ରହିଛି । ଏହି ହସପିଟାଲରେ ସନ୍ଦିଗ୍ଧ ଓ ସଂକ୍ରମିତ ପ୍ରମାଣିତ କରୋନା ରୋଗୀଙ୍କ ପାଇଁ ଦୁଇଟି ସ୍ୱତନ୍ତ୍ର ବିଭାଗ ରହିଛି । ଏହିସବୁ ହସପିଟାଲ କୋଭିଡ-19 ଆକ୍ରାନ୍ତଙ୍କ ପାଇଁ ରେଫରାଲ ହସପିଟାଲ ଭାବେ କାମ କରୁଛି ।

ଦ୍ୱିତୀୟ ଶ୍ରେଣୀରେ ରହିଛି ଉତ୍ସର୍ଗୀକୃତ କୋଭିଡ ହେଲ୍ଥ ସେଣ୍ଟର (ଡିସିଏଚସି) ଏହି  ବର୍ଗର ହସପିଟାଲରେ ମଧ୍ୟମ ସ୍ୱଳ୍ପ ସଂକ୍ରମିତ କୋଭିଡ ରୋଗୀଙ୍କ ଚିକିତ୍ସା ଓ ଯତ୍ନର ବ୍ୟବସ୍ଥା ରହିଛି । ଏଥିରେ ମଧ୍ୟ ଉଭୟ ସଂକ୍ରମିତ ଓ ସନ୍ଦିଗ୍ଧଙ୍କ ପାଇଁ ସ୍ୱତନ୍ତ୍ର ଇଲାକାର ବ୍ୟବସ୍ଥା କରାଯାଇଛି । ଏଠାରେ ଅକ୍ସିଜେନ ଯୋଗାଣର ସୁବିଧା ଥିବା ବେଡ ରହିଛି । ଏସବୁ ଚିକିତ୍ସା କେନ୍ଦ୍ର କୋଭିଡ ହସପିଟାଲ ବା ଡିସିଏଚ ସହ ସଂପୃକ୍ତ ।

ତୃତୀୟ ବର୍ଗରେ ରହିଛି ଉତ୍ସର୍ଗୀକୃତ କୋଭିଡ କେୟାର ସେଣ୍ଟର ବା ଡିସିସିସି ।   ଏହିସବୁ ସେଣ୍ଟରରେ ସ୍ୱଳ୍ପରୁ ଅତିସ୍ୱଳ୍ପ ସଂକ୍ରମିତ ରୋଗୀଙ୍କ ସେବା ଯତ୍ନ ଓ ଚିକିତ୍ସା ପାଇଁ ଉଦ୍ଦିଷ୍ଟ । ମୁଖ୍ୟତଃ ସନ୍ଦିଗ୍ଧ ସଂକ୍ରମିତଙ୍କ ପାଇଁ ଏଠାରେ ପରୀକ୍ଷା ଓ ଚିକିତ୍ସାର ବ୍ୟବସ୍ଥା  ରହିଛି । ଏସବୁ ଅସ୍ଥାୟୀ ହସପିଟାଲ ଏବଂ ରାଜ୍ୟ ସରକାରମାନେ ସ୍ୱତନ୍ତ୍ର ଆବଶ୍ୟକତା ପୂରଣ କରିବାକୁ ଏସବୁ ଖୋଲିଛନ୍ତି । ବିଭିନ୍ନ ହଷ୍ଟେଲ, ସ୍କୁଲ, ଷ୍ଟାଡିୟମ, ଲଜ ଆଦିରେ ଏହି ଅସ୍ଥାୟୀ ହସପିଟାଲ ନିର୍ମିତ । ଏଥିରେ ମଧ୍ୟ ଉଭୟ ସନ୍ଦିଗ୍ଧ ଓ ସଂକ୍ରମିତ ରୋଗୀଙ୍କ ପାଇଁ ଭିନ୍ନ ଭିନ୍ନ ଚିକିତ୍ସା ଅଂଚଳର ବ୍ୟବସ୍ଥା ରହିଛି । ଏହିସବୁ ଡିସିସିସି ଗୋଟିଏ ଗୋଟିଏ କୋଭିଡ ହସପିଟାଲ ଓ କୋଭିଡ ହସପିଟାଲ ସହ ସନ୍ଦିଗ୍ଧ । ରେଫରାଲ ପାଇଁ ଏସବୁ କେନ୍ଦ୍ର ଉପର ଦୁଇ ହସପିଟାଲର ପରାମର୍ଶ ନେଇ କାମ କରିବେ ।

ମେ’ 10 ସୁଦ୍ଧା ଦେଶର 483 ଜିଲ୍ଲାରେ 7740 ଏଭଳି ହସପିଟାଲ, ଚିକିତ୍ସାକେନ୍ଦ୍ର ଓ ସ୍ୱାସ୍ଥ୍ୟ ଭିତ୍ତିଭୂମି ନିର୍ମିତ ହୋଇଛି । ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କର ଏଥିରେ ଅବଦାନ ରହିଛି । ଏଥିରେ ମୋଟ 656769 ଆଇସୋଲେସନ ବେଡ, ସଂକ୍ରମିତଙ୍କ ପାଇଁ 305567 ବେଡ, ସନ୍ଦିଗ୍ଧ ରୋଗୀଙ୍କ ପାଇଁ 351204 ବେଡ, 99492 ଅକ୍ସିଜେନ ଯୋଗାଣ ସୁବିଧା ଥିବା ବେଡ, 1696 ଅକ୍ସିଜେନ ମେନିଫୋଲ୍ଡ ସୁବିଧା ଓ 34076 ଆଇସିୟୁ ବେଡ ରହିଛି ।

ନିଜ ଅଂଚଳରେ ଥିବା ଏସବୁ ହସପିଟାଲର ସଂଖ୍ୟା ବେଡ ଆଇସିୟୁ ଓ ଅନ୍ୟାନ୍ୟ ସୁବିଧା ଆଦି ସଂପର୍କରେ ସବୁ ରାଜ୍ୟ ସରକାର ନିଜ ୱେବସାଇଟରେ ଏମାନଙ୍କ ସ୍ୱାର୍ଥରେ ଉଲ୍ଲେଖ କରିବାକୁ କେନ୍ଦ୍ର ସରକାର ଅନୁରୋଧ କରିଛନ୍ତି । ଏପର୍ଯ୍ୟନ୍ତ 32ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳ ଏହି ତଥ୍ୟ ୱେବସାଇଟରେ ଅପଲୋଡ କରିସାରିଲେଣି । ଅନ୍ୟମାନେ ଏ କାର୍ଯ୍ୟ ସାରିବା ଉପରେ ।

କୋଭିଡ ଟେଷ୍ଟିଂ ଦକ୍ଷତା ବୃଦ୍ଧି ପାଇଁ ଜାତୀୟ ବ୍ୟାଧି ନିୟନ୍ତ୍ରଣ କେନ୍ଦ୍ର (ଏନସିଡିସି) ନିମନ୍ତେ ଅତ୍ୟାବଶ୍ୟକ ମେସିନ କ୍ରୟ ସଂକ୍ରାନ୍ତ ଏକ ପ୍ରସ୍ତାବ ଅନୁମୋଦିତ ହୋଇଛି । ଏନସିଡିସିରେ ଇତିମଧ୍ୟରେ କୋବାସ 6500 ଟେଷ୍ଟିଂ ମେସିନ ସଫଳତାର ସହ ସ୍ଥାପନ  କରାଯାଇଛି । ଏଥିରେ ଦିଲ୍ଲୀ, ଜାତୀୟ ରାଜଧାନୀ କ୍ଷେତ୍ର, ଲଦାଖ, ଜମ୍ମୁ ଓ କଶ୍ମୀର ସମେତ ବିଭିନ୍ନ ରାଜ୍ୟ, କେନ୍ଦ୍ର ଶାସିତ ଅଂଚଳର ନମୁନା ପରୀକ୍ଷା କରାଯାଉଛି ।  ଏବେ ଏନସିଡିସିର ଦୈନିକ ଟେଷ୍ଟିଂ ଦକ୍ଷତା 300 ରୁ 350 ରହିଛି । ଅତ୍ୟାଧୁନିକ କୋବାସ 6500 ମେସିନ କାର୍ଯ୍ୟକ୍ଷମ ହେବାପରେ 24 ଘଂଟାରେ 1200 ସ୍ୱାବ (ନମୁନା) ପରୀକ୍ଷା ହୋଇ ପାରିବ ।

ଏପର୍ଯ୍ୟନ୍ତ ସମଗ୍ର ଦେଶରେ 19,357 ଜଣ କରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ଗତ ୨୪24 ଘଂଟା ମଧ୍ୟରେ 1511 ରୋଗୀ ସୃଷ୍ଟି ହୋଇଥିଲେ । ଏହା  ଫଳରେ ମୋଟ ଆରୋଗ୍ୟ ହାର 30.76%ରେ ପହଁଚିଛି । ଦେଶରେ ଏବେ ମୋଟ କରୋନା ଆକ୍ରାନ୍ତ (ପ୍ରମାଣିତ)ଙ୍କ ସଂଖ୍ୟା 62,939 ଜଣ । ଗତକାଲି ଠାରୁ ଏହି ସଂଖ୍ୟା 3277 ବଢିଛି ।

କୋଭିଡ-19 ସଂକ୍ରାନ୍ତ ନିର୍ଭୁଲ ଓ ସରକାରୀ ତଥ୍ୟ ପାଇଁ https://www.mohfw.gov.in/

ଏବଂ @MoHFW_INDIA ଭିଜିଟ କରିବାକୁ ପରାମର୍ଶ ଦିଆଯାଇଛି ।

**********