লৈবাক অসিদা কোবিদ-১৯গী ওইবা থৌশিল-থৌরাংগীদমক মতীক চাবা হকশেলগী ইনফ্রাস্ত্রকচর অমদি ফেসিলিতীশিং মশক খঙদোক্তুনা থমখ্রে।  কোবিদ-১৯গী কেসকী থৌশিল-থৌরাংগীদমক্তা মীয়ামদা পীবা হকশেলগী ফেসিলিতীশিং অদু কাংলুপ অহুম থোক্না মখাদা পীরিবা অসিগুম্না খায়খোকখ্রেঃ

১. কেতেগোরী I দেদিকেতেদ কোবিদ হোস্পিতাল  (দি.সি.ঐচ.) – দেদিকেতেদ কোবিদ হোস্পিতালশিং অসি হকশেলগী ওইবা মওংদা অকক্ননা মওংদা কুপ্না য়েংশিন্নবা হায়রক্লবশিং অদুগীনি। মসিগী হোস্পিতালশিং অসিদা আই.সি.ইয়ু.শিং মপুং ফানা লৈগদবনি। ভেন্তিলেতরশিং অমসুং ফমুংশিং অদুদা ওক্সিজেন্না ঙাক্লৌ পীবা ওইগদবনি। মসিগী হোস্পিতালশিং অসিদা কনফর্ম কেসশিংগী মফম তৌঙান্না থম্বা ওইগদবনি। দেদিকেতেদ কোবিদ হোস্পিতালশিং অসি কোবিদ হেল্থ সেন্তরশিং অমসুং কোবিদ কেয়র সেন্তরশিংদা থৈদোরকপা য়াবা সেন্তরশিংগী মওংদা থবক তৌবা ওইগদবনি।

২. কেতেগোরী II দেদিকেতেদ কোবিদ হেল্থ সেন্তর  (দি.সি.ঐচ.সি) -দেদিকেতেদ কোবিদ হেল্থ সেন্তরশিং অসি ময়াই ওইনা হকশেলগী ওইবদা  চেকশিন্না য়েংশিন্নবা হায়রক্লবশিং অদুগীনি। দেদিকেতেদ কোবিদ হেল্থ সেন্তরশিং অসিদা চিংনবা অমদি কনফর্ম কেসশিংগীদমক্তা তোঙানবা মফম লৈগদবনি। মসিগী হোস্পিতালশিং অসিদা ওক্সিজেন্না ঙাক্লৌ পীবা ফমুং শোয়দনা লৈগদবনি। দেদিকেতেদ কোবিদ হেল্থ সেন্তরশিং খুদিংমক অমা নত্ত্রগা অমদগী হেনবা দেদিকেতেদ কোবিদ হোস্পিতালশিংনা মফম খঙনবা ওইগদবনি।         

৩. কেতেগোরী III দেদিকেতেদ কোবিদ কেয়র সেন্তর হোস্পিতাল ( দি.সি.সি.সি.) – কোবিদ কেয়র হোস্পিতালশিং অসি হকশেলগী ওইবা মওংদা খরদং লৈবা নত্ত্রগা য়াম্না লৈবা কেসশিং নত্ত্রগা কোবিদকী চিংনবা লৈবশিংগীখক্তমক অকক্ননা চেকশিন্না য়েংশিন্নবা থমখ্রবা হোস্পিতালনি। হায়রিবশিং অসি হোস্তেলশিং, হোতেলশিং, মহৈলোয়শঙশিং, স্তদিয়মশিং, লোজশিংনচিংবদা ময়ামগী অমদি লন্নাই অনিমক্কীদমক রাজ্যশিং/য়ুনিয়ন তেরিতোরীশিংনা মফম হোং-হোংদুনা ফেসিলিতীশিং থম্বা য়ানবনি। মসিগী খুদোংচাবশিং অসিদা চিংনবা অমদি কনফর্ম তৌরবা কেসশিংগীদমক্তা তোঙানবা মফম লৈগদবনি। দেদিকেতেদ কোবিদ কেয়র সেন্তর খুদিংমক অমা নত্ত্রগা অমদগী হেনবা দেদিকেতেদ কোবিদ হেল্থ সেন্তরশিংগা মফম খঙনা মরী লৈনবা ওইগদবনি অমসুং থৈদোকখিবা য়ানবগীদমক য়ামদ্রবদা দেদিকেতেদ কোবিদ হোস্পিতাল অমা লৈগদবনি। 

১০/০৫/২০২০ ফাওবদা, রাজ্যশিং/য়ুনিয়ন তেরিতোরীশিং অপুম্বগী ওইনা জীলা ৪৮৩দা খুদোংচাবা ৭৭৪০ মশক খঙদোকখ্রে মদুগীশিং অদুদা  রাজ্যশিং/য়ুনিয়ন তেরিতোরীশিংগী সরকারশিংগা লোয়ন-লোয়ননা কেন্দ্র সরকারগী ফেসিলিতীশিং অমদি হোস্পিতালশিং য়াওরি। মদুদা তোখাইনা থম্বা ফমুং ৬৫৬৭৬৯, কনফর্ম ওইরবা কেসশিংগীদমক্তা ফমুং ৩০৫৫৬৭, চিংনবা কেসশিংগীদমক্তা ফমুং ৩৫১২০৪, ওক্সিজেন্না ঙাক্লৌ পীবা ফমুং ৯৯৪৯২, মখল-মখলগী ওইনা ওক্সিজেনগী খুদোংচাবা ১৬৯৬ অমসুং আই.সি ইয়ু. ৩৪০৭৬১ লৈ।  

ভারত সরকারনা রাজ্যশিং/য়ুনিয়ন তেরিতোরীশিং পুম্নমক্তা মীয়াম্না ই-পাউ খঙনবগীদমক মখল অহুমগী কোবিদ দেদিকেতেদকী ফেসিলিতীশিং মখোয়-মখোয়গী ৱেবসাইত্তা পাউ পীদুনা অপলোদ তৌনবা খঙহনখ্রে। হান্না মাংজৌননা রাজ্যশিং/য়ুনিয়ন তেরিতোরী ৩২না মখোয়-মখোয়গী ৱেবসাইত্তা/মীয়াম্না ই-পাউ ফংফমশিংদা ই-পাউশিং অপলোদ তৌখ্রে অমসুং অতৈ মফমশিংদসু মান্ননা থবকশিং পাংথোক্লি। 

নেস্নেল সেন্তর ফোর দিজিজ কন্ত্রোল (এন.সি.দি.সি.)দা কোবিদ-১৯গী তেস্ত তৌবগী চাং মখা তানা হেনগৎলকপা মথৌ তাবদা য়েংলগা,  শক্তি পীথোক্লবা গ্রুপ-২না হায়রকপা ৱাফমগী মতুং ইন্না হাই থ্রুপুৎ মেচিন অমা লাংদুনা থম্নবগী অয়াবা পীখ্রে। এন.সি.দি.সি.দা তেস্ত তৌনবা মেচিন কোবা ৬৮০০ ইন্সতোল তৌখ্রে। এন.সি.দি.সি.না দেল্লী, এন.সি.আর., লদাখ, জম্মু অমসুং কশ্মীর অমদি তোঙান-তোঙানবা রাজ্যশিংদগী মথৌ তাবগী মতুং ইন্না তেস্তিং সেম্পলশিং ফংহনবদা মতেং পাংলি।  হৌজিক্কী ওইনা এন.সি.দি.সি.দা তেস্তিংগী চাং অসি নোংমদা তেস্ত ৩০০-৩২০নি। পুং ২৪ দা চাউরাক্না সেম্পল ১২০০গী চাংদা হাই থ্রুপুৎ মেচিন অমা ওইরিবা কোবা ৬৮০০গা লোয়ননা এন.সি.দি.সি.দা কোবিদ-১৯ তেস্ত তৌবগী চাং অসি অখন্না ৱাংখৎহনখ্রে।  

হৌজিক ফাওবদা, পুন্না মী মশিং ১৯,৩৫৭ লায়েংখ্রে। হৌখিবা পুং ২৪সিদা, অনাবা মী ১৫১১ লায়েংলগা ফগৎহনখ্রে। মসিনা পুন্না ফগৎপগী চাং অসি চাদা ৩০.৭৬ ওইখ্রে। কনফর্ম ওইরবা কেসশিংগী অপুনবা মশিং অসি হৌজিক ৬২,৯৩৯নি। ভারত্তা ঙরাংদগী কোবিদ-১৯ কনফর্ম ওইবা কেসশিং অসি ৩২৭৭  হেনগৎলে হায়বগী খুদম ফংখ্রে।

কোবিদ-১৯গা মরী লৈনবা তেক্নিকেলগী ওইবা খুদোংচাদবশিং, গাইদলাইনশিং অমদি পাউতাক পীনীংবশিংগা থাজনীংঙাই ওইবা অমদি হৌজিক-হৌজিক্কী ওইবা ই-পাউশিংগীদমক্তা চাং নাইনা : https://www.mohfw.gov.in/ অমসুং  @MoHFW_INDIAদা য়েংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিং অদু totechnicalquery.covid19[at]gov[dot]in অমসুং অতৈ ৱাহংশিংগীদমক্তা ncov2019[at]gov[dot]in অমসুং @CovidIndiaSevaদা থাবা য়াগনি।

কোবিদ-১৯গা মরী লৈনবা ৱাহংশিংগীদমক হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর : +৯১-১১-২৩৯৭৮০৪৬ নত্ত্রগা ১০৭৫  (তোল-ফ্রী)দা কোল তৌবীয়ু। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিংগী লিস্ত অসি -https://www.mohfw.gov.in/pdf/coronvavirushelplinenumber.pdfতা ফংবিগনি।

****