ঙাকশেল মন্ত্রালয়
মিশন সাগর – মে ১০, ২০২০
Posted On:
10 MAY 2020 3:30PM by PIB Imphal
ভারত সরকারনা কোবিদ-১৯গী লাইচৎ অসিগীদমক্তা মতেং পাংবগী শরুক অমা ওইনা ইন্দিয়ন নেভেল শিপ কেসরীনা চানবা পোৎশিং, ঐচ.সি.ক্যু. তেব্লেৎ অমসুং অখন্নবা অয়ুর্বেদকী হিদাক য়াওবা কোবিদকা মরী লৈনবা হিদাকশিং পুদুনা মেদিকেল এসিস্তেন্স তীম অমগা লোইননা মে ১০, ২০২০দা মালিদব, মোরিসস, সেচিলস, মদাগাস্কার অমসুং কোমোরোসকীদমক্তা খোংশানখ্রে। ‘মিশন সাগর’ হায়রিবা থৌওং অসি মফমশিং অসিদা ভারতনা ফর্স্ত রেস্পোন্দর ওইবগী থৌদাং অমসুং লৈবাকশিং অসিগা লৈনরিবা ফজবা মরী অসিগী মতুং ইন্না কোবিদ-১৯ লাইচৎ অমসুং মসিগী মখা তারক্কদবা অৱাবা কয়াবু থেংনমিন্ননবগীদমক্তা পাইখৎপা খোংথাং অমনি।
UQCE.jpeg)
খোংশানখ্রিবা অসি প্রধান মন্ত্রীগী সেক্যুরিতী এন্দ গ্রোথ ফোর ওল ইন দ রীজন, “এস.এ.জি.এ.আর.”গী মনুং চল্লি অমসুং মসিনা ভারতনা য়ুমলোন্নবা লৈবাকশিংদা মরু ওইনা খনবা অমসুং লৈরিবা মরীবু হেন্না ফগৎহন্নীংবগী ৱাখল্লোন অদু উৎখি। খোংথাং অসি ঙাকশেল মন্ত্রালয় অমসুং এক্সতর্নেল এফিয়র্স অমসুং ভারত সরকারগী অতোপ্পা বিভাগশিংগা মরী লৈনদুনা লৌখৎপনি।
মিশন সাগরগী শরুক অমা ওইনা ইন্দিয়াগী নেভেল জহাজ কেসরীনা রিপব্লিক ওফ মালদিবকী মালে হিথাংফমদা চংদুনা মীয়ামগী চাননবা চিঞ্জাক তোন ৬০০ পীগনি। ভারত অমসুং মালদিব অসি ঈশিং লম্বী য়াম্না নক্ননা লৈবা য়ুমলোন্নবা লৈবাক অমা ওইবতা নত্তনা য়াম্না ফজবা ঙাকশেল অমসুং দিপ্লোমেতিক্কী মরীসু লৈনরি।
****
(Release ID: 1622705)
Visitor Counter : 214
Read this release in:
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam