نئی دہلی،8مئی 2020/  ایم ایس ایم ای اور روڈ ٹرانسپورٹ قومی شاہراہوں کے مرکزی وزیر جناب نتن گڈکری نے آج تقریبات اور تفریحی انتظامیہ ایسوسی ایشن کے نمائندوں اور فنانس انڈسٹری ڈویلپمنٹ کونسل کے ممبروں کے ساتھ ان کے شعبوں پرکووڈ- 19 کے اثرات پر ویڈیو کانفرنسنگ کے ذریعے ملاقاتیں کیں۔

 اس بات چیت کے دوران، نمائندوں نے کووڈ- 19 وبائی مرض کے درمیان ایم ایس ایم ایز کو درپیش مختلف چیلنجوں کے بارے میں تشویش کا اظہار کیا اور اس کے ساتھ ساتھ کچھ تجاویز بھی پیش کیں اور اس شعبے کو تیز تر رکھنے کے لئے حکومت سے تعاون کی درخواست کی۔

جناب  گڈکری نے اس بات پر زور دیا کہ یہ شعبہ بہت عمدہ کام کر رہا ہے اور ان کی صلاحیتوں اور وژن کو وسیع پیمانے پر پہچانا جاتا ہے۔ چونکہ ہم کورونا کے خلاف جنگ لڑ رہے ہیں ، انہوں نے ایونٹ اور تفریحی شعبے کے ممبروں سے کہا کہ وہ اس سلسلے میں اسکیموں سے استفادہ کرنے کے لئے خود کو ایم ایس ایم ای کے طور پر رجسٹر کریں۔

اس شعبے میں کاروباری اداروں کے لئے ہندوستان میں بہت بڑی صلاحیت ہے۔ بھارت پرگتی میدان کو بین الاقوامی نمائش سینٹر کے طور پر دوبارہ تعمیر کررہا ہے۔ حکومت ہر سطح پر صنعتوں کو زیادہ سے زیادہ مدد فراہم کرنے کے لئے تیار ہے۔ انہوں نے ان سے تفصیلی پرزینٹیشن پیش کرنے کو کہا جو وہ دیگر وزارتوں/محکموں کے ساتھ مشترک کرسکتے ہیں۔

مسٹر گڈکری نے صنعت کو اس بحران پر قابو پانے کے لئے اس وقت مثبت رویہ اپنانے کی بھی اپیل کی۔

وزیر موصوف نے یاد دلایا کہ حکومت جاپان نے چین سے جاپانی سرمایہ کاری واپس نکالنے کے لئے کہیں اور منتقل کرنے کے  لئے اپنی صنعتوں کو خصوصی پیکیج کی پیش کش کی ہے۔ انہوں نے کہا کہ یہ ہندوستان کے لئے ایک موقع ہے جس کو ہمیں چھوڑنا نہیں چاہئے۔

کچھ اہم مسائل جن پر روشنی ڈالی گئی اور تجاویز دی گئی میں ایم ایس ایم ای کے طور پر اندراج کرنے کے لئے ایونٹ اور انتظامیہ کے لئے ایک زمرہ متعارف کرانا ، ایم ایس ایم ای کے لئے ریاست / ضلعی سطح پر سرگرم افسروں کی ضرورت ، سورسنگ فنڈز میں چھوٹے فنانسنگ یونٹوں کو مدد ، کریڈٹ ریٹنگ کی ضرورت کو ختم اور متعلقہ اسکیم کے تحت پیش کردہ گارنٹیوں سے فائدہ اٹھانے کے لئے چھوٹے فنانسنگ یونٹ وغیرہ کرنا شامل ہیں۔

 جناب  گڈکری نے نمائندوں کے سوالوں کا جواب دیا اور ہر ممکن مدد کا یقین دلایا۔ انہوں نے بتایا کہ وہ اپنی وزارت سے متعلق غور و فکر کے لئے ان کی ریپریزینٹیشن کی جانچ کریں گے اور دیگر متعلقہ محکموں / حکومتوں تک بھی انہیں لے کر کریں گے۔

انہوں نے اس بات پر زور دیا کہ صنعت کو ایک مثبت نقطہ نظر اپنانا چاہئے اور مواقع کو استعمال کرنا چاہئے جو کووڈ -19 کا بحران ختم ہونے پر پیدا ہوں گے۔

م ن۔   ش ت  ۔ ج

Uno-2378