ঙাকশেল মন্ত্রালয়না ইন্দিয়ন এয়র ফোর্স (আই.এ.এফ.), ইন্দিয়ন নেভী (আই.এন.) অমসুং ইন্দিয়ন কোস্ত গার্দ (আই.সি.জি.)গী এয়র্ফিল্দ ৩৭ অসিগী মোদর্নাইজেসন ওফ এয়র ফিল্দ ইনফ্রাস্ত্রকচর (এম.এ.এফ.আই.)গী লুপা কোতি ১,২০০গী কন্ত্রেক্ত অমা এম./এস. তাতা পাৱর এস.ই.দি. (তি.পি.এস.ই.দি.)গা খুৎয়েক পীনখ্রে। ঙাকশেল মন্ত্রী শ্রী রাজনাথ সিংহনা হৌদোকপা অসিগী অয়াবা পীখিবনি।

এম.এ.এফ.আই. ফেজ-২ অসি আই.এ.এফ.কী এয়র্ফিল্দ ৩০ হেন্না ফগৎহনবগী থৌরাং য়াওবা এম.এ.এফ.আই. ফেজ-১দা য়ুম্ফম ওইদুনা মখা চত্থরক্কদবা থৌরাং অমনি। এম.এ.এফ.আই. ফেজ-১দা মতম চান্নহনখ্রবা এয়র্ফিল্দশিং অসিনা মিলিতরী অমসুং সিবিলগী মীওইশিংদা য়াম্না কান্নবা পীখ্রে।

কেৎ - ২ ইন্সত্রুমেন্ত লেন্দিং সিস্তেম (আই.এল.এস.) অমসুং কেৎ - ২ এয়র ফিল্দ লাইতিং সিস্তেম (এ.এফ.এল.এস.)নচিংবা হৌজিক্কী মতমগী ওইবা এয়র্ফিল্দগী খুৎলাই কয়া অমা থমদুনা শিজিন্নবা য়াহনগদবা অনৌবা মখলগী থৌওং অমনি। এয়র্ফিল্দ অসিগী অকোইবদা লৈগদবা হৌজিক্কী মতমগী খুৎলাইশিং অসি এয়র ত্রাফিক কন্ত্রোল (এ.তি.সি.)গা হকথেংননা শম্নদুনা পাউ ফাওনগনি অমসুং মসিনা এয়র ত্রাফিক শেন্নরিবা মীওইশিংদা এয়র্ফিল্দগী সিস্তেম শেন্নবগী নীংথিরবা মওং অমা পীদুনা মতেং পাংগনি। প্রোজেক্ত অসিগী মখাদা নেভিগেসন তৌবদা তেংবাংবা খুৎলাইশিং অমসুং ইনফ্রাস্ত্রকচরশিং ফগৎহনবা অসিনা শেংনা উদবা মতম অমসুং ঈশিং নুংশিৎকী ফিভম খুদিংমক্তা এরোস্পেস তেক্ত কাইদনা থম্না থম্না মিলিতরীগী নোংথক্কী ওইবা ওপরেসনশিং অমসুং সিবিলগী এয়রক্রাফতশিং পাইথোক পাইশিন তৌবদসু মতেং য়াম্না পাংগনি।

হৌজিক্কী ওইরিবা মতম অসিদা কন্ত্রেক্ত অসিনা লৈবাক মনুংগী ওইবা ইন্দস্ত্রীদদি অনৌবা ইথিল অমা পীগনি। প্রোজেক্ত অসিগী মনুং চনবা থবক কয়াদা হকথেংননা থবক তৌবা মাইক্রো, স্মোল অমসুং মেদিয়ম ইন্তর্প্রাইস ২৫০ হেনবদি প্রোজেক্ত অসিনা য়াম্না চাউখৎহল্লগনি। কন্ত্রেক্ত অসিনা কৈথেলদা তঙাইফদবা শেল থাদবদসু মতেং পাংগনি অমসুং সিবিল, ইলেক্ত্রিকেল ইকুইপমেন্ত অমসুং কন্সত্রক্সনগী মথক্তা কম্ম্যুনিকেসন, এবিওনিক্স অমসুং ইনফোর্মেসন তেক্নোলোজী লমদসু থবক য়াম্না পীরগনি।

****