(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি)

• হৌজিক ফাওবদা কোবিদ-১৯ কনফার্ম্দ কেস ৫৬,৩৪২গী মনুংদগী মীওই ১৬,৫৪০ নাবা ফখ্রে; মসিনা কোবিদ-১৯দগী ফগৎলকপগী চাং ২৯.৩৬% য়ৌরে;
• ঙরাংদগী কোবিদ-১৯ কেস ৩৩৯০ রিপোর্ত তৌরকখ্রে।
• দিস্ত্রিক্ত ২১৬তা কোবিদ কেস অমত্তা রিপোর্ত তৌরক্ত্রি, হৌখিবা নুমিৎ ২৮ অসিদা দিস্ত্রিক্ত ৪২দা অনৌবা কেস অমত্তা লৈত্রি, নুমিৎ ২১নি অসিদা দিস্ত্রিক্ত ২৯দা অনৌবা কেস অমত্তা লাক্ত্রে অমসুং নুমিৎ ১৪নি অসিদা দিস্ত্রিক্ত ৩৬তা অনৌবা কেস অমত্তা লাক্ত্রে।
• লৈবাক অসিনা কোবিদ-১৯ লাইচৎ থেংনবদা মতেং ওইনবা অমসুং মীয়ামগী হকশেলদা অশোই অঙাম য়াওদনবগী শেম শাবদা মতেং ওইনবা ভারতনা এ.আই.আই.বি.গা  দোল্লর মিলিয়ন ৫০০গী খুৎয়েক পীনখ্রে
• লোকদাউন মরকসিদা হৱাই-চেংৱাই খোগৎপগী থবক্তা খোংজেল য়াংখৎলক্লি
• লৈবাক শীনবা থুংনা ইন্দিয়া পোস্তনা কোবিদ-১৯ তেস্ত তৌনবা কিৎশিং য়ৌহল্লি।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

দিস্ত্রিক্ত ২১৬তা কোবিদ কেস অমত্তা রিপোর্ত তৌরক্ত্রি, হৌখিবা নুমিৎ ২৮ অসিদা দিস্ত্রিক্ত ৪২দা অনৌবা কেস অমত্তা লৈত্রি, নুমিৎ ২১নি অসিদা দিস্ত্রিক্ত ২৯দা অনৌবা কেস অমত্তা লাক্ত্রে। নুমিৎ ১৪নি অসিদা দিস্ত্রিক্ত ৩৬তা অনৌবা কেস অমত্তা লাক্ত্রে অমসুং নুমিৎ ৭নি অসিদা দিস্ত্রিক্ত ৪৬তা অনৌবা কেস অমত্তা লাক্ত্রে। হৌজিক ফাওবদা, অপুনবা মীওই ১৬,৫৪০ নাবা ফখ্রে। হৌখিবা পুং ২৪ অসিদা, মীওই ১২৭৩ নাবা ফখ্রে, মসিনা ঐখোয়গী নাবা ফবগী চাং ২৯.৩৬% য়ৌরে। হৌজিক লৈরিবা অপুনবা কনফার্ম্দ কেস অসি ৫৬,৩৪২নি। ঙরাংদগী ভারত্তা কোবিদ-১৯ কনফার্ম্দ কেস ৩৩৯০ হেনগৎলে। কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না তমিল নাদু, করনাতকা অমসুং তেলঙ্গনাগী রাজ্যগী হকশেল মন্ত্রীশিংগা উন্নদুনা কোবিদ-১৯গী মতাংদা লৌখৎলিবা থৌরাংশিং অমসুং শেম শারিবশিং য়েংশিনখ্রে। আই.সি.এম.আর.না য়াইমরপ ওইবা লাইনাশিংদা কোবিদ-১৯ চংবা থিংনবা কনবালেসেন্ত প্লাজমাগী চেকশিল-থৌরাং অমসুং কান্নবশিং য়েংশিন্নবা প্লাসিদ ত্রাইএল কৌবা মলতি-সেন্তর ক্লিনিকেল ত্রাইএল অমা হৌদোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622160

ভারত সরকার অমসুং এ.আই.আই.বি.না ভারতকী কোবিদ-১৯ থেংননবা হোৎনরিবা অসিদা মতেং ওইনবা দোল্লর মিলিয়ন ৫০০গী খুৎয়েক পীনখ্রে

ভারতনা কোবিদ-১৯ লাইচৎ থেংনবদা মতেং ওইনবা অমসুং মীয়ামগী হকশেলদা অশোই অঙাম য়াওদনবগী শেম শাবদা মতেং ওইনবা ভারত সরকার অমসুং এজিয়ন ইনফ্রাস্ত্রকচর ইনবেস্তমেন্ত বেঙ্ক (এ.আই.আই.বি.)গা "কোবিদ-১৯ ইমর্জেন্সি রেস্পোন্স অমসুং হেলথ সিস্তেম প্রিপেয়র্দনেস প্রোজেক্ত" হায়বসিদা দোল্লর মিলিয়ন ৫০০গী খুৎয়েক পীনখ্রে। মসিনা বেঙ্ক অসিদগী ভারত্তা থাদবা অহানবা হকশেলগী সেক্তরদা সপ্পোর্ত পীবা ওইরে। হায়রিবা অনৌবা সপোর্ত অসিনা রাজ্য অমসুং য়ুনিয়ন তেরিতোরী পুম্নমক কোনশিনগনি অমসুং অনাবা মীওইশিং, খুদোংথীনিঙাই ওইরিবা মীয়াম, হিদাক লাংথক অমসুং খুদক্কী ওইবা পর্সোনেল অমসুং সর্বিস পীরিবশিং, হিদাক অমসুং তেস্তিং ফেসিলিতীশিং, অমসুং নেসনেল অমসুং শা ষনগী হেলথ এজেন্সীশিং কোনশিনগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622145

লোকদাউন মরকসিদা হৱাই চেংৱাই খোমগৎপগী থবক্তা খোংজেল য়াংখৎলক্লি

সেন্ত্রেল পুলগীদমক্তা গেহু ৪০০ এল.এম.তি.খোমগৎনবগী পান্দম থম্লিবা অসিগী তংখাইগী মথক্তা খোমগৎবা ঙমখ্রে। ফৌ ৪৫ এল.এম.তি.সু খোমগৎখ্রে, তেলঙ্গানানা মসিদা ৩০ এল.এম.তি. পুথোক্তুনা মাংজিল থারি। রাজ্যশিং/য়ু.তি.শিংনা পি.এম.জি.কে.ৱাই.গী মখাদা ৭০ এল.এম.তি.গী হৱাই চেংৱাই লৌখ্রে, মসি থা ৩গীদমক্তা খাইদোকখিবা অপুনবা অদুগী চাউরাক্না শরুক ৫৮%নি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621875

কেন্দ্রগী ফুদ অমসুং পব্লিক দিস্ত্রিব্যুসন মন্ত্রীনা লৈবাক অসিদা লৈরিবা মীওই করোর ৮০ রোমদা হৱাই-চেংৱাই লেম্না ফংহনবগী থবক পি.এম.-জি.কে.এ.ৱাইগী মখাদা পাক শন্না চত্থরি

এফ.সি.আই.না মমাংদা অমুক্তা তৌখিদ্রিবা মওংদা মেত্রিক তন লাখ ৭৪রোমগী হৱাই চেংৱাই পুদুনা রেক ২৬৪১ থাখ্রে হায়না শ্রী রাম বিলাস পাস্বন্না হায়খ্রে। নাফেদনা হৱাই চেংৱাই লেম্না থা ৩গী ইমুং করোর ১৯.৫০দা পীখ্রে হায়না মন্ত্রীনা হায়খ্রে। "লৈবাক অমা রাসন কার্দ অমা" হায়বা প্লান অসিগী মখাদা, রাজ্য/য়ু.তি. ৫গসু নেসনেল ক্লস্তরগা পুনশিন্নবা খঙহনখ্রে। ক্লস্তর অসিদা মাংজৌননা রাজ্য ১২ লৈরে। হৌজিক, কেন্দ্র/রাজ্যশিংগী মরক্তা ফংগদবা পোর্তেবিলিতী অসি নফসাগী বেনিফিসরী করোর ৬০না মখোয়গী হৱাই চেংৱাইগী কোতা অদু মখোয়না পামজবা ফেয়র প্রাইজ সোপ অমহেক্তগী মখোয়দা হৌজিক লৈরিবা রাসন কার্দ/চপ মান্নবা রাসন কার্দ শিজিন্নদুনা লৌবা য়াবা নেসনেল ক্লস্তর অসিদা রাজ্য/য়ু.তি. ১৭কা পুনশিনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622147

দা. হর্শ বর্ধন্না ইন্দিয়ন রেদ ক্রোস সোসাইতীনা লুরবা তানফম অসিদা পাইখৎলিবা থবকশিংগীদমক থাগৎপা ফোংদোকখ্রে

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না ইন্দিয়ন রেদ ক্রোস সোসাইতীগী চহী চাম্মা শুবগী  ঙসি পাংথোকপা ' ৱার্লদ রেদ ক্রোস দে'গী থৌরমদা দিল্লীদা শরুক য়াদুনা ৱা ঙাংখ্রে। মহাক্না ভোলুন্তরী ওর্গনাইজেসনশিং, এন.জি.ও.শিং অমসুং মীচম প্রজাশিংদা ঈ দান তৌবীনবা হায়জখি। মহাক্না মীয়ামদা চহী অমগী মনুংদা মখোয়গী পোকপা নুমিত্তা ওইরবসু নত্ত্রগা লুহোংবা নুমিৎ নিংশিংবগী হরাউবা ফোংদোকপদবু ওইরবসু ঈ দান তৌবীদুনা মশাগীতা নত্তনা ঈ মথৌ তারবা মীশিংগীসু মরু ওইবা থৌরম ওইহন্নবা হায়খি। মহাক্না আই.আর.সি.এস.তা কোরোনা লান্মীশিং, দোক্তরশিং, হকশেলগী শিন্মী অসিনচিংবা য়াওনা কোরোনানা নারবা অনাবশিংবু হন্থনা য়েংবীদনবগীদমক মীয়াম পুম্নমক ভাপ তাহন্নবা থবক লৌখৎনবা অমসুং মখোয়না থবক শুবদা ইনোৎ কয়াগা লোইননা অকি-অখঙ য়াওদনা থবক শুজবা ফংনবা খঙহনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622157

ইন্দিয়ন নেভীগী পর্সোনেল প্রোতেক্তিব ইক্যুইপমেন্ত (পি.পি.ই.) আই.এন.এম.এ.এস.না সর্তিফিকেসন পীখ্রে

ইন্দিয়ন নেভীনা দিজাইন তৌবা অমসুং পুথোকপা পর্সোনেল প্রোতেক্তিব ইক্যুইপমেন্ত (পি.পি.ই.) অসি দিল্লীগী আই.এন.এম.এ.এস. (ইন্সতিত্যুৎ ওফ ন্যুক্লিয়র মেদিসিন এন্দ এলাইদ সাইন্সেস)না তেস্ত তৌখ্রে, মসি পি.পি.ই.বু তেস্ত তৌনবা অমসুং সর্তিফিকেসন পিনবগী থবক তৌরিবা দি.আর.দি.ও.গী. ওর্গনাইজেসননি অমসুং মশীং য়াম্না পুথোক্নবা অমসুং ক্লিনিকেলগী ওইবা কোবিদকী ফিভমশিংদা শিজিন্ননবগী সর্তিফাই তৌখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621823

ইন্দিয়া পোস্তনা আই.সি.এম.আর. রিজনেল দিপোৎশিংদগী কোবিদ-১৯ তেস্তিং কিৎশিং মনুং হঞ্জিনবা মফমশিং য়াওনা লৈবাক অসিগী মফম কয়াদা য়ৌহল্লি

ইন্দিয়া পোস্তনা কোবিদ-১৯ তেস্ত তৌনবা কিৎশিং রিজনেল দিপোত ১৬তগী কোবিদ-১৯ তেস্ত তৌনবগীদমক লৈবাক অসিগী মফম কয়াদা লৈরিবা অহেনবা লেব ২০০দা থান্ননবা আই.আই.এম.আর.গা খুৎশম্নখ্রে। ইন্দিয়ন কাউন্সিল ওব মেদিকেল রিসর্স (আই.সি.এম.আর.)না লৈবাক অসিগী মফমশিংদা নোংমদা তেস্ত তৌনবা কিৎ লাখ ১ থানবা পান্দম থম্লি। মসিগী মুরু ওইবা থবক অসি পায়খৎনবগীদমক, ইন্দিয়া পোস্তনা মসিগী পাক শল্লবা ১,৫৬,০০০ পোস্ত ওফিসকী  নেৎৱার্ককা লোইননা মথৌনা লৈরবা কোবিদ লান্মী অমগী শক্লোন লৌদুনা পাংথোক্নবা লেপখ্রে। ইন্দিয়া পোস্তনা পোৎচৈ পুবা গারীশিং মনুং হঞ্জিনবা মফমশিংদা থারি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622143

প্রধান মন্ত্রী শ্রী নরেন্দ্র মোদী অমসুং য়ুরোপিয়ান কাউন্সিলগী প্রসিদেন্ত হিজ এক্সিলেন্সী চার্লস মাইকেলগী মরক্তা ফোন তৌনখ্রে

প্রধান মন্ত্রী শ্রী নরেন্দ্র মোদীনা ঙসি য়ুরোপিয়ান কাউন্সিলগী প্রসিদেন্ত হিজ এক্সিলেন্সী চার্লস মাইকেলগা লোয়ননা তেলিফোন্দা ৱারী শানখ্রে। লুচিংবা অনিনা ভারত অমসুং য়ুরোপিয়ান য়ুনিয়ন্দা কোবিদ-১৯ লাইচৎকী ফিভম অমসুং লৌখৎলিবা খোঙথাংশিংদা খন্ন-নৈনখি। মখোয়না মরুওইবা ফার্মাস্যুতিকেল প্রদক্তশিংগী সপ্লাই তৌবা য়াওনা লাইচৎ অসি মায়োক্নবদা নাকল অনিগী ওইবা তেঙবাং পীনবা হেঙ্গৎপদা অপেনবা ফোংদোক্নখি। লুচিংবশিংনা কোবিদ-১৯গী হকশেল অমসুং ইকোনোমিক ইম্পেক্ত থেংননবা মনুংগী, লমদম অসোমগী অমসুং মালেমগী কোওর্দিনেসনগী মরুওইবা অদু খঙমিন্নখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621897

ঙাকশেল মন্ত্রী শ্রী রাজনাথ সিংহনা জাপানগী ঙাকশেল মন্ত্রীগা কোবিদ-১৯ লাকশিন্নবগী মতাংদা ফোন্দা ৱারী শানখ্রে

ঙাকশেল মন্ত্রী অনীনা কোবিদ-১৯ লাইচৎ অসিদা মখোয়-মখোয়না পায়খৎলিবা থৌরাংশিংগী মতাংদা খন্নখি। শ্রী রাজনাথ সিংহনা মিস্তর কোনো তারোদা ভারতনা কোবিদ-১৯ থেংননবা হোৎনবদা মালেমগী থাক্তা পায়খৎলিবা থবকশিংগী মতাংদা তমখি অমসুং লাইচৎ অসি থেংননবা হোৎনবদা মালেমগী থাক্তা লৌখৎপা য়াবশিংগী মতাংদা খন্নখি। মখোয় অনীনা কোবিদ-১৯ লোইরবা মতুংদা লাক্কদবা শিংনবশিংদগী থেংননবা হোৎনবদা ভারত-জাপান স্পেসল স্ত্রেতেজিক অমসুং গ্লোবেল পার্তনর্সিপনা লৈবাক অনীনা অতোপ্পা লৈবাকশিংগা লোইননা পুন্না থবক তৌমিন্ননবা হোৎনবদা মতেং পাংলগনি হায়না য়ানখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622162

শ্রী গরকারীনা ইবেন্ত অমসুং ইন্তর্তেনমেন্ত মেনেজমেন্ত ইন্দস্ত্রী অমসুং অপীকপা ফাইনান্সিং ইন্তর্প্রাইজশিংদা পোজিতিব ওইনা লৈনবা অমসুং হৌজিক লৈরিবা ফিবম অসিদা চনিং তানা লৈবা য়ানবা থবক থিদোক্নবা খঙহনখ্রে

কেন্দ্রগী এম.এস.এম.ই. অমসুং রোদ ত্রান্সপোর্ত অমসুং হায়ৱেজ মন্ত্রীনা ঙসি ভিদিও কনফরেন্সিংগী খুথাংদা ইবেন্ত অমসুং ইন্তর্তেনমেন্ত মেনেজমেন্ত এসোসিএসন অমসুং ফাইনান্স ইন্দস্ত্রী দিবেলপমেন্ত কাউন্সিলগী মীহুৎশিংগা কোবিদ-১৯না মখোয়গী সেক্তরদা পীরিবা শাফুশিংগী মতাংদা খন্নখ্রে। শ্রী গরকারীনা মসিগী সেক্তর অসিনা ফজবা থবক কয়া অমা তৌরি অমসুং মখোয়গী হৈশিংবা অমসুং মমি শানবা মীৎয়েংবু মীয়াম পুম্বনা খঙনরি হায়না শিংথাখি।

অকুপ্পা  ৱারোলগীদমক, https://pib.gov.in/PressReleseDetail.aspx?PRID=1622164

তুরিজম মন্ত্রালয়না "দেখো অপ্না দেশ" সেরিজকী মখাদা 'গোৱা-ক্রুসিবল ওফ কলচর' হায়বসিদা ১৬শুবা ৱেবিনার পাংথোকখ্রে

তুরিজম মন্ত্রালয়গী দেখো অপ্না দেশ ৱেবিনার সেরিজতা 'গোৱা-ক্রুসিবল ওফ কলচর' হায়বা মমিং থোন্দুনা মে ৭, ২০২০দা ভারতকী খ্বাইদগী ময়াম্না পাম্নবা লম কোইবশিংগী মফম অমা ওইরিবা গোৱানা পীরিবা 'কা হেন্না খঙনদবা' নত্ত্রগা খঙদ্রিবা' ত্রাবেল এক্সপরিএন্সশিং উৎখ্রে, মসিনা শরুক য়ারিবশিংদা মফম অসিগী হান্না খঙনদ্রিবা, খঙদোক্কদবগী ঙাইদুনা লৈরিবা মফমশিং উৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622121

পি.আই.বি. ফিল্দ ওফিসশিংদগী ফংবা পাউ

•   পঞ্জাবঃ পঞ্জাব সরকারনা কোবিদ-১৯ লাইচৎকী মনুংদা মাইগ্রেন্ত/পেসেঞ্জরশিংবু পুরিবা স্তেত ত্রান্সপোর্ত অন্দর্তেকিং (পঞ্জাব রোদৱেজ/পি.আর.তি.সি./পনবস) অমসুং প্রাইবেত বস ওপরেতরশিংবু হকচাং নাহন্দনবা অমসুং সেনিতাইজেসন নিংথীনা তৌনবা খঙহনখ্রে। রাজ্য অসিদা গেহু মরাং কাইনা পুথোকপগা লোইননা, কোবিদ-১৯না মরম ওইদুনা লোকদাউন/কর্ফিয়ু লৈরিঙৈ মনুংদা মেত্রিক তন লাখ ১০০ লান্না মাই পাক্না গেহু লৈশিনখ্রে।    

•   হরিয়ানাঃ কোবিদ-১৯গী মরমদা লাকপা ৱাকৎশিং মতম চানা লোইশিনবগীদমক কেন্দ্র সরকারনা হরিয়ানা সরকারবু অৱাংবা থাক্তা থাগৎপা ফোংদোকখ্রে। মার্চ ৩০, ২০২০দগী মে ৬, ২০২০ ফাওবদা লাকপা ৱাকৎ ২৮২৭কী মনুংদা ৱাকৎ ২৪৩৬ লোইশিনখ্রে। https://saralharyana.gov.in/ হায়বা পোর্তেল অসিদা ওতোমেতিক ওইবা মওংদা অয়াবা পীদুনা হরিয়ানা সরকারনা থবক পীদুনা রাজ্য অসিগী শেন্মিৎলোন্দা থুনা য়াংনা ফগৎহনখ্রে অমসুং য়ুনিত ১৯,৬২৬ অয়াবা পীখ্রে অমসুং শিন্মী ১১,২১,২৮৭ দা থবক শুবগী অয়াবা পীখ্রে।

• হিমাচল প্রদেশঃ রাজ্য অসিদা ওইরিবা ফিবম নৈননবা রাজ্য সরকারগী মকোক থোংবা ওফিসিএলশিংগা ফম্বা মীফম অমদা ময়াই তাংবল লৌরদুনা মুখ্য মন্ত্রীনা কোরানা লাইচৎকী মনুংদা অতোপ্পা লমদগী লাক্লিবা রাজ্য অসিগী মীওইশিংনা ক্বারেন্তিনগী কাংলোনশিং মপুং ফানা ইলহনগদবনি হায়খ্রে। মহাক্না হায়মদুদি রাজ্য অসিদা মপান্দগী হল্লক্লিবা মীওই খুদিংমক কুপ্না য়েংগদবনি অমসুং মখোয়শিং অদু হোম ক্বারেন্তিন তৌগদ্রা নত্ত্রগা ইন্সতিত্যুসনেল ক্বারেন্তিন তৌগদ্রা হায়বদু লেপকদবনি হায়খি।

•   কেরলাঃ বাহরেন্দগী ভারত মচা ১৭৭ পুরকপা অমসুং সৌদী অরাবিয়াদা পন্দুনা লৈরুবা ভারত মচা ১৬২ পুরকপা প্লেন অনী কোচি অমসুং কোঝিকোদেদা ঙসি অহিং মথং শিৎনা থুংলগনি। ঙসি নুমিদাং ৱাইরমদা মাইগ্রেন্ত লেবরর ১,১৫০ পুবা শ্রামিক স্পেসল ত্রেন অমা থ্রিসুরদগী উত্তর প্রদেশ তম্না থাদোক্লগনি। রাজ্য অসিদা কোবিদ কেস ২৬ তমক লৈ।

•   তমিল নাদুঃ মীওই লিশিং অমরোম্ননা রাজ্য অসিগী য়ু য়োনবা দুকানশিংদা সোসিএল দিস্তেন্সিং কাংলোন ইন্দনা থোমজিল্লকখ্রে; তাস্মাক আউতলেৎ হাংবগীদমক মফম কয়াদা য়ানিংদবা ফোংদোকখ্রে। রাজ্য অসিদা লোকদাউন মতুংদা পব্লিক ত্রান্সপোর্ততা চাদা ৫০ তমক তোংহন্দুনা হাংদোক্নবা হোৎনরি অমসুং কোবিদ লান্মীশিংগীদি তোঙান্না শিনগনি হায়রি। ঙরাংদগী লৈরিবা অপুনবা কেস মশীং; ৫৪০৯, এক্তিব কেসঃ ৩৮২২, লৈখিদ্রবাঃ ৩৭, দিসচার্জ তৌখ্রবাঃ ১৫৪৭। নৌনা লাকপা কেস অয়াম্বদি কোয়েম্বদু কৈথেল হাংদোক্লুবগা মরী লৈনৈ।

•   করনাতকাঃ ঙসি অনৌবা কেস ৪৫ রিপোর্ত তৌরক্তুনা রাজ্য অসিগী নোংমদা রিপোর্ত তৌরকপদা খ্বাইদগী য়াম্বা ওইরে; বেঙ্গলোর ৭, বেল্লারী ১, বেলাগাবী ১১, দবঙ্গিরী ১৪ অমসুং উত্তারা কনাদা কেস ১২ রিপোর্ত তৌরকখি। ঙসি অমা লৈখিদবগা লোইননা ১৪ দিসচার্জ তৌখি। হৌজিকফাওবগী অপুনবা কেস মশীং ৭৫০নি।  হৌজিক ফাওবদা মীওই ৩০ লৈখিদ্রে অমসুং মীওই ৩৭১ নাবা ফদুনা দিসচার্জ তৌখ্রে। মরক অসিদা রাজ্য অসিদা হয়েংদগী হৌদুনা য়ু য়োনবা দুকান, পবশিং, অমসুং বারশিং য়ু য়োন্নগীদমক হাংলগনি।

•   আন্ধ্রা প্রদেশঃ চিতুর দিস্ত্রিক্তকী পুলিসনা চেনাইগী কোয়াম্বদু কৈথেলদগী হন্দক্তা নৌনা হল্লকখিবা লৌমীশিং য়াওনা পোৎচৈ পুবা গারী থৌবা দ্রাইবরশিং অমসুং ক্লিনরশিংগী মরী মখোং থিদোকপা হৌখ্রে। হৌখিবা পুং ২৪দা সেম্পল ৭৩২০ তেস্ত তৌরবা মতুংদা কোবিদ পোজিতিব কেস ৫৪ লাকখি, মীওই ৬২ দিসচার্জ তৌখি অমসুং মীওই অহুম্না লৈখিদ্রে। অপুনবা কেস মশীং ১৮৮৭ য়ৌখ্রে। এক্তিব কেসঃ ১০০৪, নাবা ফরবাঃ ৮৪২, লৈখিদ্রবা ৪১। পোজিতিব ওইবা কেস্তা মাং থারিবা জিলাঃ কুর্নুল (৫৪৭), গুন্তুর (৩৭৪) অমসুং কৃষ্ণ (৩২২)।

•   তেলঙ্গানাঃ মাইগ্রেন্ত শিন্মীশিংবু লোকদাউন্না মরম ওইদুনা পন্দুনা লৈরুবা মতুং ময়ুমদা হল্লক্নবগীদমক শ্রামিক স্পেসল ত্রেন্না মাইগ্রেন্ত ২২৫ তোম বিহারদগী ইরাই নুমিত্তা তেলঙ্গানা য়ৌরকখ্রে। কোবিদ-১৯ থেরাপীগীদমক হায়দ্রবাদতা লৈবা তিকা অমসুং বাইও-থেরাপ্যুতিক্স মেনুফেকচরর ভারত বাইওতেকনা মীওইবগী এন্তিবোদীশিং পুথোক্কদৌরি। হৌজিকফাওগী অপুনবা কেস মশীং:  ১১২২, এক্তিব কেসঃ ৪০০, লৈখিদ্রবাঃ ২৯, নাবা ফরবাঃ ৬৯৩।  

•   অসমঃ অসমদা মীওই অহুম অমগসু কোবিদ-১৯ পোজিতিব ওইরে। অপুনবা কেস ৫৬ শুজল্লক্লে, এক্তিব কেস ২১, দিসচার্জ ৩৪ অমসুং লৈখিদবা ১নি হায়না অসমগী হকশেল মন্ত্রীনা ত্বীৎ তৌখ্রে। গৌহাতীদা অনৌবা কোবিদ-১৯ কেস লাক্লিবসিগী য়েংদুনা মখাগী মফমশিং অসি কন্তেনমেন্ত জোননি হায়না লাউথোকখ্রেঃ আমিয়ো নাগর, চান্দমারি, দা. বি. বরুৱা কেন্সর হোস্পিতালগী অকোইবা অমসুং গৌহাতী মেদিকেল কোলেজ অমসুং হোস্পিতালনি।

•   মনিপুরঃ এগ্রিকলচর দিরেক্তোরেতনা খারিফ কুম ২০২০গী মনুংদা মমাং চহীদা ফংহনখিবগুম হন্দকসু য়ুরিয়া হার মরাং কায়না ফংহন্নবা হোৎনরি হায়না ফোংদোকখ্রে। মনিপুর সোসিএল ৱেলফিয়র বিভাগনা আই.সি.দি.এস.-সি.এ.এস. এপ্লিকেসনগা লোইননা দিস্ত্রিক্ত খুদিংমক্তা লৈবা অঙ্গনৱাদী ৱার্করশিং অমসুং সুপরবাইজরশিংদা অঙ্গনৱাদীগী থবক থৌরমশিং অমসুং বেনিফিসরীশিংদা রাসন পেবগী থবকশিং খুদক খুদক্কী ওইনা য়েংশিনবা য়ান্ননবা স্মার্ত ফোনশিং য়েনখ্রে।

•   মিজোরমঃ সরকারনা রাজ্য অসিগী ওথোরিতীশিংদা তাক্লমদনা হনলকখিবা মীওই ১৫০ রোম ক্বারেন্তিন তৌহনখ্রে।

•   নাগালেন্দঃ মুখ্য মন্ত্রীনা হায়খ্রে মদুদি নোংমগী লাকপা কেস রিপোর্তকী মতুং ইন্না তাংকক-তাংকক খাইদোক্তুনা লোকদাউন কোম্থোক্কনি। নাগালেন্দ সরকারনা থবক্তগী পোথারবা ইমপ্লোয়ীশিংদা মখোয়গী বেঙ্ক ইকাউন্তদা হকথেংননা পেন্সন হাপকনি। পেন্সনরশিংনা মশা মশাগী বেঙ্ক একাউন্ত এস.বি.আই.দা হাংনবা খঙহনখ্রে।

•   মহারাস্ত্রঃ রাজ্য অসিদা অনৌবা কোবিদ-১৯ কেস ১,২১৬ শগোলশেল নুমিত্তা রিপোর্ত তৌদুনা অপুনবা কেস মশীং ১৭,৯৭৪ য়ৌখ্রে। মসিগী মনুংদগী মুম্বাইদগী কেস ১১,৩৯৪ নি।  মীওই ৪৩ শিদুনা নোংমদা খ্বাইদগী য়াম্না শিবা ওইবগা লোইননা অপুনবা অশিবা মশীং ৬৯৪ য়ৌখ্রে। মরক অসিদা, রাজ্য অসিদা তেস্ত তৌখ্রবা অপুনবা মশীং লাখ ২ য়ৌরে। মহারাস্ত্র সরকার অমসুং মধ্য প্রদেশ সরকারনা ঔরাঙ্গবাদ ত্রেনগী থৌদোক্তা লৈখিদ্রবা শিন্মীশিংগী ইমুং মনুংদা লুপা ৫গী খেতিপুরোন পীগনি হায়না লাউথোকখ্রে। ঙসি অয়ুক অঙনবদা ঔরাঙ্গবাদকী ময়াদা লৈবা কর্মদতা মাইগ্রেন্ত শিন্মী ১৬ রেল তালীদা তুমদুনা লৈরিঙৈদা পোৎচৈ পুবা ত্রেন্না শমখিবনি।

•   গুজরাতঃ অনৌবা কোবিদ কেস ৩৮৮ লাকখিবগা লোইননা, গুজরাত্তা লৈবা অপুনবা কেস মশীং অসি লিশিং তরেত লান্দুনা ৭,০১৩ য়ৌখ্রে। মসিগী মনুংদগী য়ুমশকৈশ অহিংদগী অনৌবা কেস ৩৮৮ লাকখ্রে, ২৭৫না অহ্মেদবাক দিস্ত্রিক্তখক্তদগী লাকখি। গুজরাত্তা কোবিদকা মরী লৈননা লৈখিদবা মশীং ৪২৫ য়ৌরে। কোবিদনা নারবা মীওইশিং অমসুং লাইওং লৈত্রিবা অনাবশিংগী ক্বারেন্তিন ফেসিলিতী মতীক চানা লৈনবগীদমক অহমেদাবাদ ম্যুনিসিপাল কাউন্সিলনা ফমুং ৮০০ লৈবা প্রাইবেত হোস্পিতাল অমসুং মী ৩০০০ চনবা হোতেল ৬০ লৌশিনখ্রে।

•   রাজস্থানঃ রাজস্থান্দগে অনৌবা কোরোনাভাইরস কেস ২৬ লাকপগা লোইননা রাজ্য অসিগী অপুনবা পোজিতিব কেস মশীং ৩,৪৫৩ ওইরে হায়না রাজ্য অসিগী হকশেল বিভাগনা ফোংদোকখ্রে। হৌজিক ফাওবদা রাজ্য অসিদা মীওই ১,৫৯৬ নাবা ফখিবা তারবসু মীওই ৯৭ লৈখিদ্রে।

•   মধ্য প্রদেশ: মধ্য প্রদেশ্তা পোজিতিব ওইবা কেস মশীং ৩,২৫২ য়ৌখ্রে। মীওই ১,২৩১ নাবা ফখ্রে, অমসুং মীওই ১৯৩না রাজ্য অসিদা লৈখিদ্রে। এম.পি.দা খ্বাইদগী ফিবম শোক্লিবা শহরশিংদি ইন্দোর, বোপাল অমসুং উজৈন্নি।

****