রোদ ত্রান্সপোর্ত অমসুং হাইৱেগী কেন্দ্র মন্ত্রী অমদি এম.এস.এম.ই. শ্রী নীতিন গদকরীনা ঙসি ওতো সেক্তরদা কোবিদ-১৯না চৈথেংগী মতাংদা এস.আই.এ.এম. ইন্সতিত্যুতকী মেম্বরশিংগা ভিদিও কনফরেন্সিংগী খুত্থাংদা মীতিং পাংথোকখ্রে। মদুদা রাজ্য মন্ত্রী রিতায়র্দ জেনরেল ভি.কে. সিংহ, আর.তি.ঐচ.কী সেক্রতরী শ্রী গীরিধর অরামানে অমসুং আর.তি.ঐচ.কী মন্ত্রালয়গী সেনিয়র ওফিসরশিং য়াওখি।

মায়কৈ অনীনা ৱারী শান্নরিঙৈগীদা, মেম্বরশিংনা ইন্দস্ত্রীনা তমথিরবা কোবিদ-১৯ লান্থেংনবদা থম্লকপা ৱাফম কয়াগা কোন্ননা মখল কয়াগী শিংননিংঙাই ওইবা  থবকশিংগী মতাংদা ফোংদোকখি অমসুং সেক্তর অদু করিশু তৌদনা লৈথোক্তনবা সরকারনা শৌগৎপীনবা হায়জখ্রে।   

শ্রী গদকরীনা লল্লোন-ইতীক হায়বসি  অকা-অকুম নাইবনা মচাকশিং হেনগৎলক্নবদা মায় ওনশিনগদবনি হায়বগী ৱাফম থমখি।  চাওখৎনবগীদমক থবক তৌরিঙৈদা ফত্তবা মতমগীদমক্তা থৌরাং তৌদুনা লৈগদবনি হায়না মহাক্না মখা তারদুনা হায়খি । মালেমগী কৈথেলদা হেন্না হীদান্নবা ঙম্নবা ইন্দস্ত্রীনা ইন্নোভেসন, তেক্নোলোজী অমসুং থীজিন-খোৎচিনবগী লমদা  হেন্না মায় ওনশিন্নবসু শ্রী গদকরীনা হায়খি।  মথংগী চহী অনীগী ওইনা লুপা ক্রোর লাক্ষ ১৫ চংগদবা লম্বী শেম্নবা পান্দম থম্লিবা ৱাফমসু লেপথোক্তুনা থম্লে হায়না হায়খি। মহাক্কী মন্ত্রালয় অসিনা লল্লোন-ইতীক তৌরিবশিংগগী থম্নখিবা ৱাফমশিং লোইশিন্নবা মতম কুইনা-কুইনা থবক তৌদুনা তৌরি হায়নসু হায়খি।

শ্রী গদকরীনা মীহুৎশিংনা হংলকপা ৱাহংশিংগী পাউখুম পীখি অমসুং সরকারগী মায়কৈদগী পাংবা য়াবা মতেং পাংগনি হায়না থাজবা পীখি। সরকারনা অমদি অতৈ বিভাগশিংনা ৱাফমশিং অদু চান্নবা থাক্তা থাঙ্গৎলগনি হায়না ফোংদোকখি।

মহাক্না মন্ত্রালয়গী ওফিসিএশিংদা ওতো স্ক্রেপ্পিং পোলিসি অসি থুনা লোইশিন্নবা মন্ত্রালয়গী ওফিসিএলশিংদা হায়খ্রে হায়না পাওদমলকখ্রে। ওতোমোবাইল মেনুফেকচরিং সেক্তরদা কান্নবা হেন্না ফংনবা মীরমগী শেল য়াওনা অহোংবা মমলদা পুবা য়াবা শেন্ফমশিং থীনবা ৱাফমসু থমখি।  

বি.এস.৪গী গারীশিংদা হংলকপা ৱাহংদা, মসিগী মতাংদদি সরকারনা সুপ্রীম কোর্তকী পাওতাক ইনগনি হায়না হায়খি। অদুম ওইনমক, ইন্দস্ত্রীগীদা থম্লকপা ৱাফমদা, মহাক্না ৱাফমদুগী মতাংদা নৌনা থীগত্তুনা য়েংশিনগনি। অতৈ চৎন-কাংলোনশিংদা কোমথোক্নবা হায়রকপা ৱাফমদা শ্রী গদকরীনা ইন্দস্ত্রীনা মতম শাংদোক্নবা তৌরিবা অদুদা কোমথোকপীনবা হোৎনগনি হায়না হায়খি।

****