হ্যুমেন রিসোর্স চাউখৎ-থৌরাংগী মন্ত্রালয়

লৈবাক অসিদা রিসর্চ তৌবগী থবক চাওখৎনবা হায়দুনা কেন্দ্রগী ঐচ.আর.দি. মন্ত্রীনা পি.এম.আর.এফ. স্কিমদা শেমদোক্কদবশিং লাওথোকখ্রে

শেমদোক্লিবা অসিনা মহৈরোইশিংনা পি.এম.আর.এফ. স্কিমগী মখাদা খুদোংচাবা লৌবা য়াহল্লগনি – শ্রী রমেশ পোখ্রিয়াল ‘নিশাঙ্ক’

Posted On: 07 MAY 2020 4:14PM by PIB Imphal

লৈবাক অসিদা থিজিন হুমজিনবগী হীরমদা খুমাং হেন্না চাওখৎহন্নবা হায়দুনা প্রাইম মিনিস্ত্রর’স রিসর্চ ফেলোশিপ স্কিমদা অহোংবা কয়া শেম্লগনি হায়না কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল ‘নিশাঙ্ক’না ঙসি লাওথোকখ্রে। শেমদোক্লবা মতুংদদি শকখংলবা ইন্সতিত্যুত/য়ুনিবর্সিতি (আই.আই.এস.সি./আই.আই.তি.শিং/এন.আই.তি.শিং/আই.আই.এস.আর.শিং/আই.আই.ই.এস.তি./সি.এফ. আই.আই.আই.তি.শিং নত্তনা)গী মহৈরোইশিংগী সি.জি.পি.এ. অসি ৮ নত্ত্রগা মান্নবা ওইবগী মথক্তা চংদবা য়াদ্রবা জি.এ.তি.ই.গী স্কোর অসি ৭৫০ ওইরম্বদগী ৬৫০ ওইরগনি।

 

https://pbs.twimg.com/profile_images/1250023125191819266/Bx7kBZRg_normal.jpg https://pbs.twimg.com/profile_images/1250023125191819266/Bx7kBZRg_normal.jpg

 

Dr Ramesh Pokhriyal Nishank

@DrRPNishank

 

 

 

यह अत्यंत हर्ष का विषय है कि माननीय प्रधानमंत्री श्री @narendramodi जी के मार्गदर्शन में अधिक से अधिक प्रतिभावान होनहार विद्यार्थियों को प्रधानमंत्री रिसर्च फ़ेलोशिप (#PMRF) से जोड़ने के लिए हमने चयन प्रक्रिया में कई परिवर्तन किये हैंhttps://may2020.pmrf.in/

 

244

3:02 PM - May 7, 2020

Twitter Ads info and privacy

 

40 people are talking about this

 

 

মন্ত্রীনা হায়খিবদা চংবগী মওংসু অনি থোক্না লৈরগনি, হকথেংননা চংবা অমসুং থেংনা চংবা। থেংনা চংবগী মওং অসিদা, পি.এম.আর.এফ. পীবা ইন্সতিত্যুসনশিংদা (অকক্নবা চংদ্রবা য়াদবগী মতুং ইন্না থা ১২ নত্ত্রগা থা ২৪ লোইশিল্লব) পি.ঐচ.দি. তৌবা মীওইশিংনা অনৌবা চৎন-কাংলোন অসিগী মতুং ইন্না স্কিম অসিগী মখাদা ফেলোশিপ ফংনবগীদমক্তা থাজিনবা য়াগনি। এন.আই.আর.এফ.কী রেঙ্কিং (অপুনবা)গী মথক থংবা ২৫গী থাক্তা লৈবা এন.আই.তি.শিংসু  পি.এম.আর.এফ. পীবা ইন্সতিত্যুসন অমা ওইনবা থাজনবা য়াগনি হায়না শ্রী পোখ্রিয়ালনা হায়খ্রে। শেমদোক্লিবা অসিনা অহেনবা মহৈরোইশিংনা পি.এম.আর.এফ. স্কিমগী মখাদা খুদোংচাবা লৌবা য়াহল্লগনি হায়না থাজবা থম্লি।

 

https://twitter.com/DrRPNishank/status/1258340738502361088?s=19

 

থিজিন হুমজিনববু হেন্না খুমাং চাওশিনহন্নবা হায়দুনা “রিসর্চ এন্দ ইন্নোবেসন দিবিজন” কৌবা অনৌবা দিবিজন অমসু মন্ত্রালয়গী মখাদা শেম্লে হায়না মন্ত্রীনা হায়খি। মসিগী দিবিজন অসি দাইরেক্তর অমনা মকোক ওইদুনা এম.ঐচ.আর.দি.গী মখাদা লৈবা তোঙান তোঙানবা ইন্সতিত্যুসনশিংনা থিজিন হুমজিনবগী থবক তৌরিবা ময়াম অদুবু য়েংশিনগনি।

লৈবাক অসিদা লৈরিবা থাক ৱাংবা মহৈলোইশঙশিংদা পাংথোকপা থিজিন হুমজিনবগী থবকশিংগী মতিক মগুন হেনগৎহন্নবা হায়দুনা প্রাইম মিনিস্ত্রর’স রিসর্চ ফেলোশিপ (পি.এম.আর.এফ.) স্কিম অসি শেম শাবনি হায়না কেন্দ্রগী মন্ত্রীনা হায়খি। ফেলোশিপ ফংনিংবশিংদসু ইথিল পীবা অমা ওইনা স্কিম অসিনা থিজিন হুমজিনবগী থবকশিং অসিদা হৈথোই-শিংথোইরবা মীওই কয়াবুসু অনৌবা থৌওং অমা পুথোক্তুনা অহেনবা চাওখৎপা অমা পুরক্নবা লৈরিবা মখোইগী মীৎয়েং অদুবু উদুনা মখোইগী পুক্নিংসু চিংশিন্নবা হোৎনরি। স্কিম অসি বজেৎ ২০১৮-১৯দা লাওথোকখি হায়নসু মহাক্না মখা তাখি। পি.এম.আর.এফ.কী খুদোংচাবা পীবা ঙম্বা ইন্সতিত্যুসনশিং অসিদা আই.আই.তি.শিং, আই.আই.এস.ই.আর.শিং, ইন্দিয়ন ইন্সতিত্যুত ওফ সাইন্স, বেঙ্গালুরু অমসুং সাইন্স অমসুং/নত্ত্রগা তেক্নোলোজীগী দিগ্রী পীবা থাক ৱাংবা সেন্ত্রেল য়ুনিবর্সিতিশিং/এন.আই.তি.শিংসু য়াওই।

শ্রী পোখ্রিয়ালনা কেন্দিদেতৎশিং অসি য়াম্না লুবা থৌওং অমগী খুত্থাংদা খনগনি অমসুং লৈবাক্কী কনবেন্সন অমনা মখোইনা পাংথোক্লকপশিং অসি অমুক হঙ্গৎনা য়েংগনি। একাদমিক চহী ২০২০-২১দগী হৌরগা কেন্দিদেৎশিংনা পি.এম.আর.এফ.তা হকথেংননা নত্ত্রগা থেংনা চংবগী মওংদা চংনবা হোৎনবা য়াগনি।  

 

হকথেংননা চংবগী থৌওং

থৌওং অসিগী খুত্থাংদা পি.এম.আর.এফ.তা চংগে হায়রবদি কেন্দিদেৎ অমনা মখাদা পীরিবশিং অসি ইনবা তাইঃ

১.            মমাংগী চহীশিংদা, কেন্দিদেৎ অমনাঃ (ক) মশাগী চান্নবা সবজেক্তা সি.জি.পি.এ. ৮ নত্ত্রগা অহেনবা অমসুং জি.এ.তি.ই.গী স্কোর ৬৫০ অমসুং অহেনবা ফংদুনা ভারত্তা শকখংলবা ইন্সতিত্যুত/য়ুনিবর্সিতি অমদগী সাইন্স অমসুং তেক্নোলোজীগী স্ত্রিমদা বেচলর নত্ত্রগা মাস্তরগী অরোইবা চহীদা তম্লিবা নত্ত্রগা লোইশিনবা ওইগদবনি (করিগুম্বা ক্বালিফাইয়িং দিগ্রী অসি কেন্দ্র সরকারনা শেল থাদবা তেক্নিকেল ইন্সতিত্যুত অমগী ওইরবদি জি.এ.তি.ই.গী স্কোর অসি য়াওদ্রবসু য়াই), (খ)জি.এ.তি.ই. লোইশিল্লবা অমসুং লাল্লবা নত্ত্রগা পি.এম.আর.এফ. পীবা ইন্সতিত্যুত অমদগী য়ামদ্রবদা কোর্স মরি লৈবা অহানবা সেমেস্তরগী লোইরকপদা য়ামদ্রবদা সি.জি.পি.এ. ৮ নত্ত্রগা অহেনবা ফংদুনা থিজিন হুমজিনবগী থবক্কা লোইননা এম.তেক/এম.এস. তম্লিবা নত্ত্রগা লোইরবা ওইগদবনি।

২.           পি.এম.আর.এফ. পীবা ইন্সতিত্যুত অমদা পি.ঐচ.দি. তৌনবা খল্লবা ওইগদবনি।

৩.            পি.এম.আর.এফ. পীবা ইন্সতিত্যুত অমনা ময়ামগী ওইবা চৎনবি (ইন্তর্ব্যু তৌবা)গী মতুং ইন্না পি.ঐচ.দি. তৌনবা খল্লবা মহৈরোইশিংগী ওইনদি মখোইগী মেরিৎ য়েংদুনা পি.এম.আর.এফ. পীবগী চাং য়াম্না ৱাংই। কেন্দিদেতৎশিং অসিবু চাংয়েংবা মতমদা য়াওগদবশিং (অসি খক্ত নত্তনা) : রিসর্চ এক্সপোজর, পব্লিকেসন, মালেমগী ওইবা একাদমিক চাংয়েংশিংদা পাংথোকখিবশিং, গ্রেদ অমসুং রিকম্মেন্দেসন চিথীশিংনি।

থেংনা চংবগী মওং

থৌওং অসিগী খুত্থাংদা পি.এম.আর.এফ.তা চংগে হায়রবদি কেন্দিদেৎ অমনা মখাদা পীরিবা চংদ্রবা য়াদ্রবশিং অসি ইনগদনবনিঃ

১.             কেন্দিদেৎ অমনা পি.এম.আর.এফ. পীবা ইন্সতিত্যুসন অমদা পি.ঐচ.দি. তৌগদবনি। মখা তানা, করিগুম্বা প্রোগ্রাম অসিদা মাস্তরগী দিগ্রী পাইরগা চংলকপা ওইরগদি য়ামদ্রবদা পি.ঐচ.দি.গী প্রোগ্রামদা থা ১২ লোইশিনবা ওইগদবনি; বেচলরগী দিগ্রী পাইদুনা চংলকপা ওইরগদি য়ামদ্রবদা পি.ঐচ.দি.গী প্রোগ্রামদা থা ২৪ লোইশিনগদবনি। পি.ঐচ.দি.গী প্রোগ্রামদা কোর্স মরিগা লোইননা সি.জি.পি.এ./সি.পি.আই. ৮.৫ নত্ত্রগা অহেনবা ফংবা ওইগদবনি।

২.             মহৈরোই অসিনা চংলিবা পি.এম.আর.এফ. পীরিবা ইন্সতিত্যুত অসিনা কেন্দিদেৎকী মরমদা য়াম্না কন্না হায়দুনা মহাক্না প্রোগ্রাম অসিগী অহানবা থা ১২-২৪ (চান্নবগী মতুং ইন্না)দা উৎখিবা হৈথোই শিংথোইবগী মরী লৈনবা ৱারোলশিং অদু পি.এম.আর.এফ.কী ৱেব পোর্তেলদা অপলোদ তৌগদবনি।

৩.            কেন্দিদেতৎশিং অসিবু চাংয়েংবা মতমদা য়াওগদবশিং (অসি খক্ত নত্তনা) অসিদি কান্নবা হীরম অমদা রিসর্চ তৌনবা হাইজবা, চে ফোংখিবগী ৱারোল অমসুং গ্রেদনি। মমীং লৈরবা চেফোং/কনফরেন্সশিংদা ফোংখিবা চেফোংশিংদা হেন্না লুমা লৌগনি।   



(Release ID: 1622005) Visitor Counter : 164