ক’ভিড-১৯ৰ সময়ছোৱাত চিকিৎসা সামগ্ৰী, খাদ্যৰ দৰে অত্যাৱশ্যকীয় সামগ্ৰী আৰু অন্যান্য সৰু পাৰ্চেলৰ যোগান ধৰাটো অতি গুৰুত্বপূৰ্ণ৷ এই প্ৰয়োজনীয়তাৰ প্ৰতি গুৰুত্ব আৰোপ কৰি ভাৰতীয় ৰে’লৱেই অত্যাৱশ্যকীয় সামগ্ৰী তাৎক্ষণিকভাৱে ৰাজ্য চৰকাৰকে ধৰি অন্যান্য সাধাৰণ গ্ৰাহকক পৰিবহণৰ বাবে পাৰ্চেল ভানৰো ব্যৱস্থা কৰিছে৷ ৰে’লৱেই অত্যাৱশ্যকীয় সামগ্ৰীৰ যোগান শৃংখলাত যাতে কোনো বাধা আহি নপৰে, তাৰ বাবে নিৰ্দিষ্ট পথত সূচীভুক্ত পাৰ্চেল ৰে’ল চলাচলৰ ব্যৱস্থা কৰিছে৷

মাণ্ডলিক ৰে’লৱেই এই পাৰ্চেল ৰে’লসমূহৰ বাবে পথৰ সন্দৰ্ভত নিয়মীয়াকৈ চিনাক্তকৰণৰ তথা জাননী আকাৰে অৱগত কৰি আহিছে৷ বৰ্তমান মুঠ ৮২টা পথত এই ৰে’লসমূহ চলাচল কৰি আছে৷ সেইবোৰ হৈছে-

১৷ দিল্লী, মুম্বাই, কলকাতা, চেন্নাই, বাংগালুৰু আৰু হায়দৰাবাদৰ দৰে দেশৰ মুখ্য মহানগৰসমূহৰ মাজত নিয়মীয়াকৈ সংযোগ কৰা হৈছে৷

২৷ ৰাজ্যৰ সকলো প্ৰান্তৰ সৈতে ৰাজধানী আৰু গুৰুত্বপূৰ্ণ চহৰসমূহক সংযোগ কৰা হৈছে৷

৩৷ দেশৰ উত্তৰ-পূৰ্বাঞ্চলৰ সৈতে যোগাযোগ সুনিশ্চিত কৰা হৈছে৷

৪৷ গাখীৰ আৰু দুগ্ধজাত সামগ্ৰীৰ ৰাহি অঞ্চল(গুজৰাট, অন্ধ্ৰপ্ৰদেশ)ৰ পৰা উচ্চ চাহিদা থকা অঞ্চললৈ যোগান ধৰা হৈছে৷

৫৷ অন্যান্য অত্যাৱশ্যকীয় সামগ্ৰী দেশৰ উৎপাদিত স্থানৰ পৰা আন ঠাইসমূহলৈ যোগান ধৰা হৈছে৷

ৰে’লৱেৰ পাৰ্চেল ৰে’লৰ চলাচল বৃদ্ধি, অনুকূল আৰু লাভজনক কৰাৰ প্ৰয়াসৰ জৰিয়তে দেশত সামগ্ৰী পৰিবহণৰ বৃদ্ধি কৰাটোত গুৰুত্ব দিয়া হৈছে৷

ই-বাণিজ্য আৰু ল’জিষ্টিক কোম্পানীসমূহক ৰে’লৱেৰ কাষ চপাই অনাৰ লক্ষ্যৰে ৰে’ল মন্ত্ৰালয় আৰু উদ্যোগ আৰু বাণিজ্য মন্ত্ৰালয়ে শেহতীয়াভাৱে এক বৈঠকত মিলিত হয়৷

০৫.০৫.২০২০ত ৬৬খন বিশেষ পাৰ্চেল ৰে’ল চলোৱা হৈছে আৰু ইয়াৰ ৬৫খন সূচীভুক্ত ৰে’ল৷ ইয়াৰ জৰিয়তে ১,৯৩৬ টন সামগ্ৰী বোজাই কৰা হৈছে, যাৰ দ্বাৰা ৰে’লৱেই ৫৭.১৪ লাখ টকা উপাৰ্জন কৰিছে৷

০৫.০৫.২০২০লৈকে চলাচল কৰা মুঠ ২,০৬৭খন ৰে’লৰ ভিতৰত ১,৯৮৮খন সূচীভুক্ত ৰে’ল৷ লকডাউন আৰম্ভ হোৱাৰে পৰা ৫৪,২৯২ টন সামগ্ৰী বোজাই কৰা হোৱাৰ লগতে ১৯.৭৭ কোটি টকাৰ ৰাজহ আহৰণ কৰা হৈছে৷

****

DJN/MKV/DB