কোবিদ-১৯গী য়েংদুনা লোকদাউন মনুংদা মেদিকেল সপ্লাই, মেদিকেল ইক্বুইপমেন্ত, চিঞ্জাক্নচিংবা মরুওইবা পোৎলমশিং অপীকপা পর্সেল সাইজশিংদা ত্রান্সপোর্ত তৌবা য়াম্না মরু ওই। মসিগী চাউরবা দরকার ওইবা অসি ফংহন্নবা ইন্দিয়ন রেলৱেনা রাজ্য সরকারশিং য়াওনা ই-কমর্স এন্তাইতীশিং অমসুং অতোপ্পা কস্তমরশিংদা ক্বিক মাস ত্রান্সপোর্তেসনগীদমক পর্সেল ভেনশিং ফংহল্লি। রেলৱেনা মরুওইবা পোৎলমশিং অপনবা য়াওদনা সপ্লাই তৌবা ঙমহন্নবা খনগৎলবা রুৎশিংদা তাইম-তেবল পর্সেল স্পিসিয়েল ত্রেনশিং চেন্নবা ৱারেপ লৌরে।

জোনেল রেলৱেশিংনা মসিগী পর্সেল স্পিসিয়েল ত্রেনশিং অসিগীদমক চাং নাইনা রুৎশিং মশক খঙদোক্লি অমদি খঙহল্লি। হৌজিক্কী ওইনা মসিগী ত্রেনশিং অসিনা রুৎ ৮২দা ওপরেৎ তৌরি। মশক খঙদোক্লবা রুৎশিং অসিদা য়াওরিবশিংদি:

1. লৈবাক অসিগী অচৌবা শহরশিং, মিং ওইনা পল্লবদা দিল্লী, মুম্বাই, কোলকতা, চেন্নৈ, বেঙ্গলুরু অমসুং হায়দ্রাবাদকী মরক্তা রেগুলর কনেক্তিবিতী।
2. রাজ্যগী কোনুংশি/মরুওইবা শহরশিংদগী রাজ্যগী শরুক পুম্নমক শম্নহনবা।
3. লৈবাক অসিগী অৱাং-নোংপোক থংবা শরুকশিংগা শম্ননহনবা।
4. শঙ্গোম অমসুং দেরীগী পোত্থোকশিং সরপ্লস রিজনশিংদগী (গুজরাত, আন্ধ্র প্রদেশ) য়াম্না দিমান্দ লৈবা রিজনশিংদা শম্নহনবা।
5. অতোপ্পা মরুওইবা পোৎলমশিং (এগ্রিকলচরেল ইনপুৎশিং, মেদিসিন, মেদিকেল ইক্বুইপমেন্ত, অসিনচিংবা) পুথোক্লিবা মফমশিংদগী লৈবাক্কী অতোপ্পা শরুকশিংদা সপ্লাই তৌবা।

ই-কমর্স অমসুং লোজিস্তিক্স কম্পেনীশিংবু রেলৱেগা নকশিনহন্নবা রেলৱে অমদি কমর্স অমসুং ইন্দস্ত্রী মন্ত্রীনা হন্দক্তা মীফম অমা পাংথোকখ্রে। ০৫.০৫.২০২০দা পর্সেল স্পিসিয়েল ত্রেন ৬৬ চেনখি, মদুগী মনুংদা ৬৫দি তাইম-তেবল ত্রেনশিংনি। তন ১,৯৩৬কী পোৎলমশিং লোদ তৌদুনা রেলৱেদা লুপা লাখ ৫৭.১৪তানবা ঙমহনখি। ০৫.০৫.২০২০ ফাওবদা চেনখিবা ত্রেনগী অপুনবা মশিং অসি ২,০৬৭নি, মদুগী মনুংদা ১,৯৮৮দি তাইম-তেবল ত্রেনশিংনি। তন ৫৪,২৯২গী কন্সাইনমেন্তশিং লোদ তৌখ্রে অমদি লুপা কোতি ১৯.৭৭ তানখ্রে।

****