ঙাকশেল মন্ত্রালয়

ঙাকশেল মন্ত্রী শ্রী রাজনাথ সিংহনা মিলিতরী ইঞ্জিনীয়রিং সর্ভিসতা ফম ৯,৩০৪ মুত্থৎপদা য়ারে

Posted On: 07 MAY 2020 1:06PM by PIB Imphal

ঙাকশেল মন্ত্রী শ্রী রাজনাথ সিংহনা বেসিক অমদি ইন্দস্ত্রিএল ৱর্কফোর্সতা লৈবা ফম ৯,৩০০ হেনববু হেন্না খুদোংচানবগীদমক শেমদোক শেমজিন তৌনবগীদমক মিলিতরী ইঞ্জিনীয়রিং সর্ভিস (এম.ই.এস.)কী ইঞ্জিনীয়-ইন-চীফগী ৱাফম অদু অয়াবা পীখ্রে‍। ৱাফম অসি লেফতনেন্ত জেনেরেল শেকৎকরনা লুচিংবা এক্সপর্তশিংগী কম্মিতীনা পীরকপা আর্ম ফোর্সকী দিফেন্স চাদিং অমুক হন্না হঙ্গৎহন্নবগীদমক অমদি লান্থেংনবা ঙম্বগী ফীভম ফগৎহন্নবগীদমক পীরকখিবা রিকম্মেন্দেসন অদুসু চাশিন্ননা চৎলি‍।

কমিতী অদুনা পীরকখিবা রিকমেন্দেসনশিংগী মনুংদা অমদি এম.ই.এস.কী থবকশিং অসু লোয়শঙদুদা থবক তৌরিবা শিন্মীশিংনা শরুক খরা শিন্দোকপা অদুগা লেমহৌরিবশিং অদুনা নেকথোকখিবা য়ানবা মওংদা মীচম মীয়ামগী ৱর্কফোর্স অসি অমুক হন্না শেমদোক শেমজিন তৌবা অসিনি‍।

কমিতী অদুগী রিকমেন্দেসনশিংগা চাননা অমদি এম.ই.এস.কী ই-ইন-সিনা হৌদোরক্লিবা ৱাফমদুদা য়ুম্ফম ওইরগা এম.ই.এস.তা হৌজিক হাঙদুনা লৈরিবা বেসিক অমদি ইন্দস্ত্রিএল শিন্মীশিংগী অপুনবা ফম ১৩,১৫৭গী মনুংদা ৯,৩০৪ মুত্থৎপদা ঙাকশেল মন্ত্রীনা অয়াবা পীখিবনি‍।

রিকম্মেন্দেসন অদু এম.ই.এস.পু শিন্মীগী মপাঙ্গল হন্থহল্লগা হৌজিক ওইরক্লিবা ফীভম অসিদা অরুবা ইসুশিং হেন্দল তৌবা ঙমবা, শেল ইচং চংদনা মথৌ নীংথিনা পাঙথোকপা ঙম্বা লুপ অমা ওইহন্নবা পান্দমগী মখাদা পীখিবনি‍।

****



(Release ID: 1621760) Visitor Counter : 58