ଉପଭୋକ୍ତା ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରୀ ଶ୍ରୀ ରାମ ବିଳାସ ପାଶୱାନ ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ବିଭିନ୍ନ ପଦକ୍ଷେପ ଏବଂ ସରକାରଙ୍କ ନିକଟରେ ଉପଲବ୍ଧ ଥିବା ଏବଂ ରାଜ୍ୟଗୁଡ଼ିକୁ ପଠାଯାଇଥିବା ମୋଟ ଖାଦ୍ୟ ଶସ୍ୟ ଷ୍ଟକ୍ ଓ ଡାଲି ସମ୍ପର୍କରେ ସବିଶେଷ ସୂଚନା ଦେଇଛନ୍ତି ।

ମନ୍ତ୍ରୀ କହିଲେ ଯେ 2020 ମେ’ 4 ତାରିଖର ରିପୋର୍ଟ ମୁତାବକ, ଏଫସିଆଇ ନିକଟରେ ବର୍ତ୍ତମାନ 276.61 ଏଲଏମଟି ଚାଉଳ ଓ 353.49 ଏଲଏମଟି ଗହମ ରହିଛି । ଏହା ଅର୍ଥ ଏଫସିଆଇ ନିକଟରେ ମୋଟ 630.10 ଏଲଏମଟି ଖାଦ୍ୟଶସ୍ୟ ଷ୍ଟକ ରହିଛି । ଏନ୍ଏଫ୍ଏସ୍ଏ ଓ ଅନ୍ୟ ଜନମଙ୍ଗଳ ସ୍କିମ ଅଧୀନରେ ମାସକୁ ପ୍ରାୟ 60 ଏଲଏମଟି ଖାଦ୍ୟ ଶସ୍ୟ ଆବଶ୍ୟକ ହୋଇଥାଏ ।

ମନ୍ତ୍ରୀ କହିଲେ ଯେ ଲକଡାଉନ ପରଠାରୁ ପ୍ରାୟ 69.52 ଏଲଏମଟି ଖାଦ୍ୟଶସ୍ୟ ଉଠାଯାଇ 2483ଟି ରେଳ ରେକ ଜରିଆରେ ପରିବହନ କରାଯାଇଛି । ରେଳ ରୁଟ୍ ବ୍ୟତୀତ ସଡ଼କ ଓ ଜଳପଥ ମାଧ୍ୟମରେ ମଧ୍ୟ ଏଫସିଆଇ ଖାଦ୍ୟ ଶସ୍ୟକୁ ପରିବହନ କରାଯାଇଛି । ମୋଟ୍ 137.62 ଏଲଏମଟି ଖାଦ୍ୟ ଶସ୍ୟ ପରିବହନ ହୋଇଛି । ମୋଟ 5.92 ଏଲଏମଟି ଶସ୍ୟ ନର୍ଥ-ଇଷ୍ଟ ରାଜ୍ୟଗୁଡ଼ିକୁ ପରିବହନ ହୋଇଛି ।

ଲକଡାଉନ ବେଳେ ରିଲିଫ୍ କ୍ୟାମ୍ପ ଚଳାଉଥିବା ଏନଜିଓ ଓ ସାମାଜିକ ଅନୁଷ୍ଠାନଗୁଡ଼ିକ ଓପନ୍ ମାର୍କେଟ୍ ସେଲ୍ସ ସ୍କିମ୍ (OMSS) ଜରିଆରେ ସିଧାସଳଖ ଏଫସିଆଇ ଡିପୋରୁ ଗହମ ଓ ଚାଉଳ କିଣିପାରିବେ । ରାଜ୍ୟ ସରକାରମାନେ ମଧ୍ୟ ଏଫସିଆଇରୁ ସିଧାସଳଖ ଖାଦ୍ୟ ଶସ୍ୟ କିଣିପାରିବେ । ରାଜ୍ୟ ସରକାରଙ୍କ ଦ୍ୱାରା ରାସନ କାର୍ଡ ଜାରି ହୋଇଥିବା ଅଣ-ଏନ୍ଏଫ୍ଏସ୍ଏ ପରିବାରଗୁଡ଼ିକୁ ମଧ୍ୟ ରାଜ୍ୟ ସରକାରମାନେ ଆଗାମୀ 3 ମାସ ପାଇଁ ଚାଉଳ/ଗହମ ଯୋଗାଇ ପାରିବେ । ଆବଶ୍ୟକ କରୁଥିବା ଅଣ-ଏନ୍ଏଫ୍ଏସ୍ଏ ପରିବାରକୁ ରାସନ ଯୋଗାଇ ଦେବାକୁ ଅନୁରୋଧ କରି ଓଏମ୍ଏସ୍ଏସ୍ ସମ୍ପର୍କିତ ଏକ ଚିଠି ସମସ୍ତ ରାଜ୍ୟର ମୁଖ୍ୟମନ୍ତ୍ରୀ/କେନ୍ଦ୍ର ଶାସିତ ଅଂଚଳର ପ୍ରଶାସକଙ୍କୁ ପଠାଯାଇଛି । ଓଏମ୍ଏସ୍ଏସ୍ ଅଧୀନରେ ଚାଉଳ ଦର କିଲୋଗ୍ରାମ ପିଛା 22 ଟଙ୍କା ଓ ଗହମ ମୂଲ୍ୟ 21 ଟଙ୍କା ଧାର୍ଯ୍ୟ ହୋଇଛି । ଲକଡାଉନ ଅବଧିରେ ଏଫସିଆଇ ଓଏମ୍ଏସ୍ଏସ୍ ଜରିଆରେ 4.50 ଏଲଏମଟି ଗହମ ଓ 5.61 ଏଲଏମଟି ଚାଉଳ ବିକ୍ରୟ କରିଛି ।

‘ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା’ ଅଧୀନରେ ଆଗାମୀ 3 ମାସ ପାଇଁ ମୋଟ 104.4 ଏଲଏମଟି ଚାଉଳ ଓ 15.6 ଏଲଏମଟି ଆବଶ୍ୟକ । ସେଥି ମଧ୍ୟରୁ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଂଚଳ 59.50 ଏଲଏମଟି ଚାଉଳ ଓ 8.14 ଏଲଏମଟି ଗହମ ଉଠାଇଛନ୍ତି । ପଞ୍ଜାବ, ହରିୟାଣା, ରାଜସ୍ଥାନ, ଚଣ୍ଡିଗଡ଼, ଦିଲ୍ଲୀ ଓ ଗୁଜରାଟ ଭଳି 6ଟି ରାଜ୍ୟକୁ ଗହମ ଆବଂଟନ କରାଯାଇଥିବା ବେଳେ ବଳକା ରାଜ୍ୟ ଓ କେନ୍ଦ୍ର ଶାସିତ ଅଂଚଳକୁ ଚାଉଳ ଯୋଗାଇ ଦିଆଯାଉଛି । ଏହି ସ୍କିମ୍ ଅଧୀନରେ ଖାଦ୍ୟ ଶସ୍ୟ ଯୋଗାଇବା ପାଇଁ ଭାରତ ସରକାର 100% ଆର୍ଥିକ ବୋଝ ସହ 46,000 କୋଟି ଟଙ୍କା ଖର୍ଚ୍ଚ କରିବେ ।

ସେହିଭଳି ଆଗାମୀ 3 ମାସ ପାଇଁ 5.82 ଏଲଏମଟି ଡାଲି ଆବଶ୍ୟକ । ବର୍ତ୍ତମାନ ସୁଦ୍ଧା 220727 ଏମଟି ଡାଲି ଡେସପାଚ୍ ହୋଇଥିବା ବେଳେ 147165  ଏମଟି ଡାଲି ରାଜ୍ୟ/କେନ୍ଦ୍ର ଶାସିତ ଅଂଚଳଗୁଡ଼ିକରେ ପହଂଚିଛି ଏବଂ 47490 ଏମଟି ଡାଲି ଡେଲିଭରି ହୋଇଛି । 2020 ମେ’ 5 ତାରିଖ ସୁଦ୍ଧା ବଫର୍ ଷ୍ଟକରେ ମୋଟ 12.54 ଏଲଏମଟି ଡାଲି (ଟୁର୍-5.16 ଏଲଏମଟି, ମୁଗ-1.26 ଏଲଏମଟି, ହରଡ-2.55 ଏଲଏମଟି, ବେଙ୍ଗଲ ଗ୍ରାମ୍-2.72 ଏଲଏମଟି, ମସୁର- 0.84 ଏଲଏମଟି) ମହଜୁଦ ରହିଛି ।

ଅପରପକ୍ଷରେ ଖାଉଟି ବ୍ୟାପାର ବିଭାଗ କୋଭିଡ-19 ଯୋଗୁ ବର୍ଦ୍ଧିତ ଚାହିଦାକୁ ଦୃଷ୍ଟିରେ ରଖି ଫେସ୍ ମାସ୍କ ଓ ସାନିଟାଇଜରକୁ ଅତ୍ୟାବଶ୍ୟକ ସାମଗ୍ରୀ ଆଇନ ଅଧୀନରେ ବିଜ୍ଞପ୍ତି ଜାରି କରିଛି । ମାସ୍କ, ସାନିଟାଇଜର ଓ ସେଗୁଡ଼ିକର ମାନୁଫାକ୍ଚରିଂରେ ବ୍ୟବହାର ହେଉଥିବା ଉପାଦାନର ଦର ସୀମା ଧାର୍ଯ୍ୟ କରାଯାଇଛି । ଲକଡାଉନ ଯୋଗୁ ଯୋଗାଣ ଶୃଙ୍ଖଳରେ କୌଣସି ପ୍ରତିବନ୍ଧକ ନଥିବା ସୁନିଶ୍ଚିତ କରିବା ସହ ସମସ୍ତ ଅତ୍ୟାବଶ୍ୟକ ସାମଗ୍ରୀର ଦର ଉପରେ ନଜର ରଖିବାକୁ ରାଜ୍ୟଗୁଡ଼ିକୁ ନିର୍ଦ୍ଦେଶାବଳୀ ଜାରି ହୋଇଛି । ଇସି ଆଇନ ଅଧୀନରେ ନିଷ୍ପତି ନେବା ପାଇଁ କେନ୍ଦ୍ର ପକ୍ଷରୁ ରାଜ୍ୟଗୁଡ଼ିକୁ ସମସ୍ତ କ୍ଷମତା ପ୍ରଦାନ କରାଯାଇଛି ।

****************