ইন্দিয়ন নেভীনা ইন্দিয়াগীনাগরিকশিং মরৈবাক্তা হলহনখিনবা জাতিনা হোৎনরিবা থবক্কী শরুক অমা ওইনা “শমুদ্রগী থোং” হায়বগী ৱাহন্থোক ওইরিবা ওপরেসন ‘শমুদ্র সেতু” হৌদোকখ্রে। জলশ্ব  অমসুং মগর  কৌবা  ইন্দিয়াগী নেভেলগী জহাজশিং অসি মালদীবকী রিপব্লিক, মেলদা ফেজ-১গী ওইনা মে ৮, ২০২০দগী হোন্দুনা পুনবগী ওপরেসন অসি লাওথোক্লগনি। 

সরকারনা মীরমদা লৈরিবানাগরিকশিংবু তমথিরবা কোবিদ-১৯না শোকহন্দনবা ফীভমশিং চেকশিন্না য়েংশিল্লি। ইন্দিয়ন নেভীশিংদা শমুদ্রদা মখোয়বু হোন্দুনা পুনবা থৌরাংশিং তৌনবা হায়খ্রে।

মালদীব রিপব্লিক্তা ইন্দিয়াগী মিসন্না নেভেল জহাজশিংনা হোন্দোক্নবা ইন্দিয়াগী জাতিশিংগী লিস্ত অমা শেম্লি অমদি হকশেলগী স্ক্রীনিং তৌবগী খুদম পীরবা মতুংদা মখোয়বু জহাজদা তোংখৎহনগনি। অহানবা ত্রিপ্তা পুন্না মীওই ১০০০ কোবিদ-১৯গা মরী লৈননা জহাজদা অঙম্বা চাংদা অমদি মেদিকেলগী খুদোংচাবশিং ফংহন্দুনা সোসিএল দিস্তেন্সিংগী নোর্মশিং ঙাক্তুনা হোনখিনবগী থৌরাং তৌরি।

জহাজশিং অদু হোনবগী ওপরেসনগীদমক চাননবা থৌরাংশিং তৌখ্রে। হোন্দুনা পুখ্রবা পর্সোনেল অদুদা শমুদ্র ফাওদুনা চৎলিঙৈগী মতমদা মরুওইনা চংবা নুংঙাইনা লৈনবা অমদি হকশেলগী খুদোংচাবশিং ফংহনগনি । কোবিদ-১৯গা মরী লৈনবা য়াম্না তোপ-তোপ্না তৌরিবশিং অসি য়েংলগা চেকশিন্না শেম্লবা প্রোতোকোল অমা অরেপ্পা ওইনা থমখ্রে। 

হোনখ্রবা পর্সোনেল অদু কোচী, কেরলাদা কুমথহল্লগা রাজ্যগী ওথোরিতীশিংনা চেকশিন্না য়েংশিনবীগনি। মসিগী ওপরেসন অসি ঙাকশেল মন্ত্রী, এক্সতর্নেল এফেয়র্স, হোম এফেয়র্স, হকশেল অমদি ভারত সরকার অমদি রাজ্য সরকারগী অতোপ্পা এজেন্সীশিংগা মতেং পীনদুনা থবক চত্থখ্রে।

****