থবক শুবা, মীয়ামগী ৱাকৎ অমসুং পেন্সন মন্ত্রালয়
ভারতকী লোকপালগী জুদিসিয়েল মেম্বর জস্তিস অজয় কুমার ত্রিপাথী কোবিদ-১৯গী লানফমদা লৈখিদ্রে
Posted On:
03 MAY 2020 5:04PM by PIB Imphal
য়াম্না নুংঙাইতনা, অদোমদা খঙহনজবা অমনা, থাংজ নুমিৎ, মে ২, ২০২০, নুমিদাংৱাইরমগী চাউরাক্না পুং ৮:৪৫ চৎপা মতমদা, ভারতকী লোকপালগী জুদিসিয়েল মেম্বর, জস্তিস অজয় কুমার ত্রিপাথী এ.আই.আই.এম.এস., নই দিল্লীদা লৈখিদ্রে। মহাক অসি কোরোনাভাইরসনা নাদুনা অমসুং স্বর হোনবদা অৱাবা লৈবদগী এপ্রিলগী ২, ২০২০দা এম্সতা এদমিৎ তৌখিবনি।
লৈখিদ্রবা জস্তিস অজয় কুমার ত্রিপাথী ১২নোভেম্বর, ১৯৫৭দা পোকখি। মহাক শ্রী রাম কোলেজ ওফ কমর্সতগী ইকোনোমিক্স ওনর্সতা গ্রেজুএশন লোইশিনখি অমসুং দিল্লী য়ুনিভর্সিতীগী কেম্পস লো সেন্তরদা লো তম্লকখি। মহাক পতনা হাই কোর্ত্তা লো প্রেক্তিস তৌবা হৌরকখি অমসুং ওক্তোবর ০৯, ২০০৬তা পতনা হাই কোর্তকী এদিস্নেল জজ ওইনা ফম কাখি অমসুং মহাক্না নবেম্বর ২১, ২০০৭দা হাই কোর্তকী পর্মানেন্ত জজ ওইনা ৱাশক লৌখি। মহাক জুলাই ৭, ২০১৮দা ছত্তিসগরগী চীফ জস্তিস ওইনা ৱাশক লৌখি।
মার্চ ২৭, ২০১৯দা জস্তিস ত্রিপাথীনা ভারতকী লোকপালগী জুদিসিয়েল মেম্বর ওইনা ৱাশক লৌখি। মহাক্কী অনৌবা আইদিয়া অমসুং ইনপুৎশিংগা লোইননা মহাক্না ভারতকী লোকপালগী ইন্সতিত্যুসন অসি লিংখৎপদা মরু ওইবা থৌদাং লৌখি।
ভারতকী লোকপালগী ইমুং মনুংনা মহাক লৈখিদবদা নুংঙাইতবা ফাওই। চৎখ্রবা থৱাই অদুনা ইংনা চিক্না লৈনবা অমসুং চাউরবা অমাংবা অসিদগী লান্থোকপা ঙম্নবা লৈখিদ্রবাগী ইমুং মনুংদা ইশ্বরনা পাঙ্গল থৌনা পীনবীবা ওইসনু।
****
(Release ID: 1620786)
Visitor Counter : 156