এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪৩০ পাইখ্রে। ফ্লাইৎশিং অসিগী মনুংদগী ২৫২দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখিবা কার্গো অসি তন ৭৯৫.৮৬ ওইদুনা  ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,২১,৭৯০ হেল্লে। ‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি। 

জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকোপ্তর সর্বিস কয়া চলাইরি। পৱন হন্সনা মে ২, ২০২০ ফাওবদা অরাপ্পা কিলোমীতর ৭,৭২৯ পাইদুনা তন ২.২৭কী কার্গো পুথোক পুশিন তৌখ্রে।  অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি। এয়র ইন্দিয়া অমসুং আই.এ.এফ.না মরু ওইনা জম্মু অমসুং কশ্মীর, লদাখ, ইথৎশিং অমসুং অৱাং নোঙপোক্কী লমদমশিংগী ওইনা পুন্না থবক তৌমিন্নরি।

দোমেস্তিক কার্গো ওপরেতর -  স্পাইসজেৎ, ব্লু দার্ত, ইন্দিগো অমসুং ভিস্তারানা কমর্সিএল ওইনা কার্গো ফ্লাইৎ পাইরি। স্পাইসজেৎনা মার্চ ২৪দগী মে ২, ২০২০ ফাওবদা নোংথক্কী অরাপ্পা কিলোমীতর ১৩,০৯,৩১০ পাইদুনা অমসুং কার্গো তন ৫,৫১৯ পুদুনা কার্গো ফ্লাইৎ ৭৬০ পাইখি। মসিগী মনুংদা ২৭৯দি ইন্তর্নেস্নেল কার্গো ফ্লাইৎনি। ব্লু দার্তনা মার্চ ২৫দগী মে ২, ২০২০ ফাওবদা নোংথক্কী অরাপ্পা কিলোমীতর ২,৭৬,৭৬৮ পাইদুনা অমসুং কার্গো তন ৪,৩৬৪ পুদুনা কার্গো ফ্লাইৎ ২৫৩ পাইখি। মসিগী মনুংদা ১২দি ইন্তর্নেস্নেল কার্গো ফ্লাইৎনি। ইন্দিগোনা এপ্রিল ৩দগী মে ২, ২০২০ ফাওবদা ইন্তর্নেস্নেল ফ্লাইৎ ৩২ য়াওনা নোংথক্কী অরাপ্পা কিলোমীতর ১,৪৩,৬০৪ পাইদুনা অমসুং কার্গো তন ৪২৩ পুদুনা কার্গো ফ্লাইৎ ৮৭ পাইখি। মসিদা সরকারগীদমক্তা শেল লৌদনা মেদিকেল সপ্লাইশিং পুদুনা পাইখিবসু য়াওখি।  ভিস্তারানা এপ্রিল ১৯দগী মে ২, ২০২০ ফাওবদা নোংথক্কী অরাপ্পা কিলোমীতর ২৮,৫৯০ পাইদুনা অমসুং কার্গো তন ১৩৯ পুদুনা কার্গো ফ্লাইৎ ২০ পাইখি।

ইন্তর্নেস্নেল সেক্তরদা নোংপোক এসিয়াগা ফার্মাস্যুতিকেলগী, মেদিকেলগী খুৎশু খুৎলাইশিং অমসুং কোবিদ-১৯গী তেংবাংনবা পোৎলমশিং পুথোক পুশিন তৌনবগীদমক কার্গো এয়র ব্রিজ অমা শেমখ্রে। এয়র ইন্দিয়ানা পুরকখিবা মেদিকেল কার্গো অসি পুন্না তন ৮৯৯নি। 

মথক্তা পীরিবশিং অসিদগী অহেনবা ওইনা ব্লু দার্তনা এপ্রিল ১৪দগী মে ২, ২০২০ ফাওবদা  গ্বাংঝৌ অমসুং শাংহাইদগী  মেদিকেল সপ্লাই চাউরাক্না তন ১১৪ মুক পুদুনা পাইরকখ্রে। স্পাইসজেৎনসু শাংহাই অমসুং গ্বাংঝৌদগী মে ২, ২০২০ ফাওবদা মেদিকেল সপ্লাই তন ২০৪ অমসুং হোং কোং অমসুং সিঙ্গাপুরদগীনা মে ২, ২০২০ ফাওবদা মেদিকেল সপ্লাই তন ১৬  পুদুনা পাইরকখ্রে।

****