কোবিদ-১৯গী হৌজিক ওইরিবা ফীভমসিদা, লৌউবশিংনা মখোয়না লোকচবা পোৎলমশিং কৈথেলদা, মরু/হার য়োনফমনচিংবদা য়ৌবা ঙম্নবা মতেং থিরি। য়োনবা য়াবা মমলশিংদা পোৎলমশিংবু মতম চানা য়ৌহন্নবা য়াম্না থুনা খ্বাইদগী ফবা পরিং নাইবা খুদোংচাবা অমগী মথৌ তারি।  

কিসান সভা অপ অসি সি.এস.আই.আর.-সেন্ত্রেল রোদ রিসর্চ ইন্সতিত্যুৎ (সি.এস.আই.আর.-সি.আর.আর.আই.), ন্যু দিল্লীনা লৌউবশিংবু পরিং নাইনা পোৎলমশিং পুথোক-পুশিন তৌনবা অমসুং সিস্তেমগা খুৎশম্ননবা সি.এস.আই.আর.গী দি.জি.অমদি দি.এ.আর.ই.গী সেক্রতরী দা. ত্রীলোচন মহাপাত্রনা ঙসি কিসান সভা এপ হৌদোকখ্রে। দা.মহাপাত্রানা লৌউবশিং, পুথোক-পুশিন তৌরিবশিং অমদি এগ্রিকলচর ইন্দস্ত্রীদা হোৎনরিবা ওর্গনাইজেসনশিংগীদমক্তা সোলুসনগী মওংদা পোর্তেল শেমগৎনবগীদমক্তা  সি.এস.আই.আর.বু থাগৎলম্বগা লোয়ননা আই.সি.এ.আর.বু সি.এস.আই.আর.গা পুন্না থবক তৌমিন্নবা য়াই অমসুং থবক ওইনা চৎনহন্নবা কৃশী বিজ্ঞান কেন্দ্র (কে.ভি.কে.) নেতৱর্ক শিজিন্নবা য়াই হায়না হায়খি।

“এপ অসি শেমগৎতুনা হৌদোকপা অসিনা লুরবা মতমদা লৈবাকসিগী লৌউবশিংবু ঙাক্লৌ পীনবা সি.এস.আই.আর.না থমখিবা ৱাফম অমুক্কসু ঙাকপা ঙম্লে। ঐখোয়না আই.সি.এ.আর.গা, ইন্দস্ত্রী, এম.এস.এম.ই.শিং, ত্রক্কী মীওইশিং অমদি লৌউবগী থবক তৌরিবা কাংলুপ অমদি স্তেকহোলদরশিংনা মসিগী খোংথাং অসিদা মতেং পাংগদবনি”, হায়না হায়না থৌরম অসিদা য়াওখিবা সি.এস.আই.আর.গী দি.জি. অমদি দি.এস.আই.আর.গী সেক্রতরী দা. শেখর সি. মান্দেনা হায়খি।

এপ অসি ইন্দস্ত্রীগী মীহুৎশিং, লৌমীশিং, সি.এস.আই.আর.-সি.আর.আর.আই.গী তীম অমদি অতৈ সি.এস.আই.আর.গী বৈজ্ঞানিকশিংনা হৌদোকপগী থৌরম অদু লাপ্না য়েংশিন্দুনা হৌদোকখি। लाललসি.এস.আই.আর.-সি.আর.আর.আই.গী দিরেক্তর দা. সতিশ চন্দ্রনা অপুনবা লৌউ-শিংউগী মার্কেত অসি নিংথিজনা শেমগৎত্রি অমদি পোৎলম কয়া অমা মাংলে নত্ত্রগা মমল য়াম্না তানা য়োল্লে হায়না পুথোরকখি, মরীক চুম্না অহানবগী মওংদা নৈনখিবদা লৌমী ৫০০দগী হেনবা ইন্তর্ব্যু তৌখি অমসুং লৌমীশিংবু হৌজিক্কী ফীভমসিদা মখল কয়াগী ৱাফম অমদি খেন্নবশিংবু এসিয়াগী খ্বাইদগী চাউবা অজাদপুর মন্দীদা নুমিৎ ৬নি চংনা দীলরশিং, ত্রান্সপোর্তরশিংগা লোয়ননা সর্ভে পাংথোকমিন্নখি। মসিগী থিজিনবা অসিদা য়ুম্ফম ওইরগা অমদি হৌজিক্কী কনশিল্লক্লবা মতমসিদা য়েংলগা কিসান সভা এপ অসি হৌদোকখিবনি।  

5. মতম চানা অমদি অফবা সোলুসনগীদক পোর্তেল অসিনা লৌমীশিং, ত্রান্সপোর্তরশিং, সর্ভিস প্রোভাইদরশিং(পেস্তিসাইদশিং/ফর্তিলাইজরশিং/দীলরশিং, কোল্দ স্তোর অমসুং ৱেয়রহাউসকী মপুশিং), মন্দী দীলরশিং, কস্তমরশিং (অচৌবা রিতেল আওতলেতশিং, ওনলাইন স্তোরশিং, ইন্তিত্যুস্নেল বাইয়রশিং) অমসুং অতোপ্পা মরী লৈনবা ওর্গনাইজেসনশিংগা শম্নৈ।
5. মখোয় অদু মহৈ-মরোংশিংগীদমক্তা হেন্না অফবা মমলগী মথৌ তাবা ওইব্রা নত্ত্রগা মন্দীশিংদগী হাংনা হনবা অহেনবা লৌমীশিং নত্ত্রগা ত্রক্করশিংগা শম্নবা পাম্ব্রা হায়বদু য়েংলগা পোর্তেল অসিনা লৌউ-শিংউগা মরী লৈনবা লুপশিংদা সিঙ্গল স্তোপকী মওংদা থবক তৌই।
5. কিসান সভা মখোয়গী থবকশিংগীদমক্তা অহেনবা লৌউবশিংগা উন্নবা ঙম্বা  ফর্তিলাইজরশিং/পেস্তিসাইদশিংগী দীলরশিং লৌউ-শিংউবগী থবকশিংগী সেক্তরগী মীওইশিংগীদমক্তা থবক তৌই।
5. মসিনা কোল্দস্তোরশিং নত্ত্রগা গোদাউনশিং থম্বা লৈবা মীশিংগীদমক্তা হেন্না কান্নবা ওইগনি। কিসান সভা অসি লৌমীশিংদগী হকথেংননা পোৎ লৈবা পাম্বা মীশিংগীসু খুদোংচাবা পী।
5. কিসান সভাদা লৌউবশিং, মন্দী দীলরশিং, ত্রান্সপোর্তরশিং, মন্দী বোর্দ   মেম্বরশিং,  সর্ভিস প্রোভাইদরশিং অমদি কঞ্জুমরশিংবু চেকশিন্না য়েংশিন্নবগীদমক্তা অচৌবা মোদ্যুল ৬ লৈ

কিসান সভাগী পান্দমদি  খ্বাইদগী শেন্দোং লৈবা অমদি মতম চানা লোজিস্তিক্সশিং পীদুনা লৌমীশিংবু শৌগৎতুনা মরক্তা মী অতোপ্পগী খুৎ চংবা হন্থহন্দুনা মখোয়গী শেন্দোং হেনগৎনবা হকথেংননা লুপ নাইবা অরৈবশিংগা শম্নবনি।  মসিনা খ্বাইদগী নক্নবা মন্দীশিং চাংদম্নদুনা য়েংলগা, খ্বাইদগী হোংনা পোৎ হোন্নবা গারী বুক তৌদুনা খ্বাইদগী হেন্না লৌমীশিংবু  কান্নবা ফংহনবদা মতেং পাংই।

[মখা তাবা ই-পাও ফাওনফম: দাইরেক্তর, সি.এস.আই.আর.-সেন্ত্রেল রোদ রিসর্চ ইন্সতিত্যুৎ, দিল্লী-মথুরা রোদ, ন্যু দিল্লী-১১০০২৫ তেলিফোন:+৯১-১১-২৬৮৪৮৯১৭ (দিরেক্তর) director.crri[at]nic[dot]in]

*****