প্রধান মন্ত্রী শ্রী নরেন্দ্র মোদীনা এগ্রিকলচর সেক্তরদা ইসুশিং অমসুং দরকার ওইবা রিফোর্মশিংদা খন্ন-নৈননবা মীফম অমা ঙসি পাংথোকখ্রে। এগ্রিকলচর মার্কেতিং, মার্কেতেবল সরপ্লসকী মেনেজমেন্ত, ইন্সতিত্যুস্নেল ক্রেদিৎতা ফার্মরশিংগী এক্সেস অমসুং আইনগী মতিক চাবা শৌগৎপগা লোয়ননা এগ্রিকলচর সেক্তরবু তোঙান-তোঙানবা অথিংবশিংদগী কোমথোকপগী রিফোর্মশিংদা অখন্নবা ৱাফম থমখি। হৌজিক লৈরিবা মার্কেতিং ইকো-সিস্তেমদা স্ত্রেতেজিক ইন্তর্বেন্সনশিং শেম্বা অমসুং রেপিদ এগ্রিকলচরেল দিবেলপমেন্তগা মরী লৈননা মতিক চাবা রিফোর্মশিং পুরকপদা মিৎয়েং থমখি। এগ্রিকলচর ইনফ্রাস্ত্রকচরবু মপাঙ্গল কনখৎহন্নবা কন্সেস্নেল ক্রিদিৎ ফ্লো, পি.এম. কিসান বেনিফিসরীশিংগীদমক অখন্নবা কিসান ক্রিদিৎ কার্দ সেচুরেসন দ্রাইব অমসুং ফার্মরদা অহেনবা রিতর্ন শোইহন্দনবা এগ্রিকলচর প্রদ্যুসকী ইন্ত্রা-স্তেত ত্রেদ অসিসু খন্ন-নৈনবা অদুদা য়াওখিবা মরুওইবা খরনি। ফার্মিংগীদমক অনৌবা লম্বীশিং ফংহন্নবা লৈবাক অসিদা য়ুনিফোর্ম ফ্রেমৱার্ককী ওইথোকপা য়াবশিংদসু খন্ন-নৈনখি। মহৈ-মরোংশিংদা বাইও-তেক্নোলোজিকেল দিবেলপমেন্তশিংগী অফবা অমসুং ফত্তবা মরম নত্ত্রগা প্রদক্তিবিতী হেঙ্গৎপা অমসুং ইনপুৎ কোস্ত হন্থবদসু খন্ন-নৈনখি। মোদেল লেন্দ লীজিং এক্তকী শিংনরিবশিং অমদি অপীকপা অমসুং মর্জিনেল ফার্মরশিংগী ইন্তরেস্ত করম্না ঙাক্কনি হায়বদসু খন্ন-নৈনখি। দিবেলপিং ব্রান্দ ইন্দিয়া, কমোদিতী স্পেসিফিক বোর্দশিং/কাউন্সিলশিং শেমগৎপা অমসুং এগ্রি-ক্লস্তর্স/কন্ত্রেক্ত ফার্মিংবু পুক্নিং থৌগৎপা অসি এগ্রিকচর কমোদিতী এক্সপোর্ত্তা ইনোৎ পীনবা খন্ন-নৈনখিবা মরুওইবা খরনি। এগ্রিকলচর সেক্তরদা তেক্নোলোজী শিজিন্নবা অসি খ্বাইদগী মরু ওই মরমদি মসিদা ঐখোয়গী লৌমীশিংগী কান্ননবগীদমক ভেল্যু চেন পুম্নমক অনলোক তৌনবা পোতেন্সিয়েল লৈরি। প্রধান মন্ত্রীনা খ্বাইদগী অরোইবা মফম ফাওবা তেক্নোলোজী শন্দোকপা অমসুং ঐখোয়গী ফার্মরশিংবু গ্লোবেল ভেল্যু চেন্দা হেন্না কম্পেতিতিব ওইহন্নবা অকনবা ৱাফম থমখি। এগ্রেরিয়ন ইকোনোমীদা ভাইব্রেসী পুরক্নবা, এগ্রিকলচর ত্রেদতা ত্রান্সপরেন্সী পুরক্নবা অমদি ফার্মরশিংদা খ্বাইদগী য়াম্না কানবা ফংহন্নবা এফ.পি.ও.শিংগী থৌদাং মখা তানা চৎশিলহন্নবা ৱারেপ লৌখি। লৌমীশিংবু হেন্না ফবা মমল ফংহন্নবা অমসুং অপাম্বা খনবা য়াননবগীদমক কৈথেলবু লাকশিল্লিবা হৌজিক লৈরিবা আইন নৌনা য়েংশিনবদা অকনবা ৱাফম থমখি।

****