ರೈಲ್ವೇ ಸಚಿವಾಲಯ

ಲಾಕ್ ಡೌನ್ ಕಾರಣ ವಿವಿಧೆಡೆ ಸಿಲುಕಿರುವ ವಲಸೆ ಕಾರ್ಮಿಕರು, ಯಾತ್ರಿಕರು, ಪ್ರವಾಸಿಗರು, ವಿದ್ಯಾರ್ಥಿಗಳು ಮತ್ತು ಇತರ ವ್ಯಕ್ತಿಗಳನ್ನು ಸ್ಥಳಾಂತರಿಸಲು “ಶ್ರಮಿಕ್ ಸ್ಪೆಷಲ್” ರೈಲು

Posted On: 01 MAY 2020 4:51PM by PIB Bengaluru

ಲಾಕ್ ಡೌನ್ ಕಾರಣ ವಿವಿಧೆಡೆ ಸಿಲುಕಿರುವ ವಲಸೆ ಕಾರ್ಮಿಕರು, ಯಾತ್ರಿಕರು, ಪ್ರವಾಸಿಗರು, ವಿದ್ಯಾರ್ಥಿಗಳು ಮತ್ತು ಇತರ ವ್ಯಕ್ತಿಗಳನ್ನು ಸ್ಥಳಾಂತರಿಸಲು ಶ್ರಮಿಕ್ ಸ್ಪೆಷಲ್” ರೈಲು

ಸಂಬಂಧಪಟ್ಟ ಎರಡೂ ರಾಜ್ಯ ಸರ್ಕಾರಗಳ ಕೋರಿಕೆಯ ಮೇರೆಗೆ ಈ ವಿಶೇಷ ರೈಲುಗಳನ್ನು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಓಡಿಸಲಾಗುತ್ತದೆ

 

ಕೇಂದ್ರ ಗೃಹ ಸಚಿವಾಲಯ ಹೊರಡಿಸಿರುವ ಮಾರ್ಗಸೂಚಿಯ ಪ್ರಕಾರ, ಲಾಕ್ ಡೌನ್ ಕಾರಣ ವಿವಿಧ ಸ್ಥಳಗಳಲ್ಲಿ ಸಿಲುಕಿದ ವಲಸೆ ಕಾರ್ಮಿಕರು, ಯಾತ್ರಿಕರು, ಪ್ರವಾಸಿಗರು, ವಿದ್ಯಾರ್ಥಿಗಳು ಮತ್ತು ಇತರ ವ್ಯಕ್ತಿಗಳನ್ನು "ಕಾರ್ಮಿಕ ದಿನ" ದಿಂದ ವಿಶೇಷ "ಶ್ರಮಿಕ್ " ರೈಲುಗಳನ್ನು ಓಡಿಸಲು ನಿರ್ಧರಿಸಲಾಗಿದೆ.

ಅಂತಹ ಸಿಕ್ಕಿಬಿದ್ದ ವ್ಯಕ್ತಿಗಳನ್ನು ಕಳುಹಿಸಲು ಮತ್ತು ಸ್ವೀಕರಿಸಲು ಪ್ರಮಾಣಿತ ಶಿಷ್ಠಾಚಾರ‌ಗಳ ಪ್ರಕಾರ ಸಂಬಂಧಪಟ್ಟ ರಾಜ್ಯ ಸರ್ಕಾರಗಳ ಕೋರಿಕೆಯ ಮೇರೆಗೆ ಈ ವಿಶೇಷ ರೈಲುಗಳನ್ನು ನಿರ್ಧಿಷ್ಟ ಸ್ಥಳದಿಂದ ಸೂಚಿತ ಸ್ಥಳಕ್ಕೆ ಓಡಿಸಲಾಗುತ್ತದೆ. ಈ ವಿಶೇಷ "ಶ್ರಮಿಕ್ " ರೈಲುಗಳ ಸಮನ್ವಯ ಮತ್ತು ಸುಗಮ ಕಾರ್ಯಾಚರಣೆಗಾಗಿ ರೈಲ್ವೆ ಮತ್ತು ರಾಜ್ಯ ಸರ್ಕಾರಗಳು ಹಿರಿಯ ಅಧಿಕಾರಿಗಳನ್ನು ನೋಡಲ್ ಅಧಿಕಾರಿಗಳಾಗಿ ನೇಮಿಸಿದೆ.

ಕಳುಹಿಸುವ ರಾಜ್ಯಗಳಿಂದ ಪ್ರಯಾಣಿಕರನ್ನು ಪರೀಕ್ಷಿಸಬೇಕಾಗಿದೆ ಮತ್ತು ರೋಗ ಲಕ್ಷಣರಹಿತವಾಗಿ ಕಂಡುಬರುವವರಿಗೆ ಮಾತ್ರ ಪ್ರಯಾಣಿಸಲು ಅವಕಾಶವಿರುತ್ತದೆ. ರಾಜ್ಯ ಸರ್ಕಾರಗಳು ಕಳುಹಿಸುವುದರಿಂದ ಈ ವ್ಯಕ್ತಿಗಳನ್ನು ರೈಲಿನಲ್ಲಿ ಇಡಬಹುದಾದ ಬ್ಯಾಚ್‌ಗಳಲ್ಲಿ ಕೊಠಡಿಗಳಲ್ಲಿ ಸಾಮಾಜಿಕ ಅಂತರವಿಡುವ ಮತ್ತು ಇತರ ಮುನ್ನೆಚ್ಚರಿಕೆಗಳನ್ನು ಅನುಸರಿಸಿ ಆನಂತರ ಸ್ವಚ್ಛಗೊಳಿಸಿದ ಬಸ್‌ಗಳಲ್ಲಿ ಗೊತ್ತುಪಡಿಸಿದ ರೈಲ್ವೆ ನಿಲ್ದಾಣಕ್ಕೆ ಅವರನ್ನು ಸಾಗಿಸಿ ತರಬೇಕಾಗುತ್ತದೆ. ಪ್ರತಿ ಪ್ರಯಾಣಿಕರಿಗೆ ಮುಖಕವಚ ಧರಿಸುವುದು ಕಡ್ಡಾಯವಾಗಿರುತ್ತದೆ. ಕಳುಹಿಸುವ ರಾಜ್ಯಗಳಿಂದ ಪ್ರಯಾಣಿಕರಿಗೆ ಊಟ ಮತ್ತು ಕುಡಿಯುವ ನೀರನ್ನು ನಿಲ್ದಾಣದಲ್ಲಿ ಒದಗಿಸಲಾಗುವುದು.

ದೀರ್ಘ ಮಾರ್ಗಗಳಲ್ಲಿ, ರೈಲ್ವೆ ಪ್ರಯಾಣದ ಸಮಯದಲ್ಲಿ ಊಟವನ್ನು ಒದಗಿಸುತ್ತದೆ. ಪ್ರಯಾಣಿಕರ ಸಹಕಾರದೊಂದಿಗೆ ಕೊಠಡಿಗಳಲ್ಲಿ ಸಾಮಾಜಿಕ ಅಂತರವಿಡುವ ಮತ್ತು ನೈರ್ಮಲ್ಯ ವ್ಯವಸ್ಥೆಗಳನ್ನು ಖಚಿತಪಡಿಸಿಕೊಳ್ಳಲು ರೈಲ್ವೆ ಸದಾ ಪ್ರಯತ್ನಿಸುತ್ತದೆ.

ಗಮ್ಯಸ್ಥಾನಕ್ಕೆ ಆಗಮಿಸಿದಾಗ, ಪ್ರಯಾಣಿಕರನ್ನು ರಾಜ್ಯ ಸರ್ಕಾರವು ಸ್ವೀಕರಿಸುತ್ತದೆ, ಅವರು ತಮ್ಮ ಸ್ಕ್ರೀನಿಂಗ್, ಅಗತ್ಯವಿದ್ದರೆ ಸಂಪರ್ಕತಡೆಯನ್ನು ಮತ್ತು ರೈಲ್ವೆ ನಿಲ್ದಾಣದಿಂದ ಹೆಚ್ಚಿನ ಪ್ರಯಾಣಕ್ಕಾಗಿ ಅಗತ್ಯ ಎಲ್ಲಾ ವ್ಯವಸ್ಥೆಗಳನ್ನು ಮಾಡುತ್ತಾರೆ.

ರಾಷ್ಟ್ರವು ಎದುರಿಸುತ್ತಿರುವ ಕೊರೊನ ಬಿಕ್ಕಟ್ಟಿನ ಈ ಸಂದಿಗ್ದ ಪರಿಸ್ಥಿತಿಯಲ್ಲಿ, ಭಾರತೀಯ ರೈಲ್ವೆಯ ಎಲ್ಲಾ ಅಧಿಕಾರಿಗಳು ಮತ್ತು ಸಿಬ್ಬಂದಿ ನಮ್ಮ ಸಹ ಭಾರತೀಯರಿಗೆ ಸಂಪೂರ್ಣ ಸೇವೆ ಸಲ್ಲಿಸಲು ಬದ್ಧರಾಗಿದ್ದಾರೆ ಮತ್ತು ಈ ನಿಟ್ಟಿನಲ್ಲಿ ಎಲ್ಲ ನಾಗರಿಕರ ಬೆಂಬಲ ಮತ್ತು ಸಹಕಾರವನ್ನು ಬಯಸುತ್ತಾರೆ.

***



(Release ID: 1620421) Visitor Counter : 54