রেলৱে মন্ত্রালয়

রেলৱেজনা লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিং পুথোক-পুশিন তৌনবা শ্রমিক স্পিসিয়েল ত্রেনশিং হৌদোক্লে
মসিগী অখন্নবা ত্রেনশিং অসি মরী লৈনবা রাজ্য সরকার অনিমক্কী হায়জরকপগী মতুং ইন্না মফম অমদগী মফম অমদা চেনগনি

Posted On: 01 MAY 2020 4:51PM by PIB Imphal

গৃহ মন্ত্রালয়না ইশু তৌবা গাইদলাইনগী মতুং ইন্না লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিং পুথোক-পুশিন তৌনবা ঙসি “লেবর দে”দগী শ্রমিক স্পিসিয়েল ত্রেনশিং চেন্নবা ৱারেপ লৌরে।

মসিগী ত্রেনশিং অসি স্তেন্দর্দ প্রোতোকোলগী মতুং ইন্না পন্দুনা লৈরিবা মীওইশিং অসি থাদোক্কদৌরিবা অমদি লৌশিনগদৌরিবা মরী লৈনবা রাজ্য সরকার অনিমক্কী হায়জরকপগী মতুং ইন্না মফম অমদগী মফম মদা চেনগনি। রেলৱে অমসুং রাজ্য সরকারশিংনা মসিগী শ্রমিক স্পিসিয়েলশিং অসি কোওর্দিনেসন অমসুং স্মুথ ওপরেসনগীদমক সেনিয়র ওফিসিয়োলশিংবু নোদেল ওফিসরশিং ওইনা হাপকনি।  

পেসেঞ্জরশিংবু থাদোক্কদৌরিবা রাজ্যশিংনা স্ক্রীন তৌগনি অমদি লাইওং লৈতবা খক্তমক চৎপা য়াবগী অয়াবা পীনি। থাদোক্কদৌরিবা রাজ্য সরকারশিংনা মীওইশিং অসিবু ত্রেন্দা তোংহন্নবগীদমক মরী লৈনবা রেলৱে স্তেসন ফাওবা সেনিতাইজ তৌরবা বসশিংদা সোসিয়েল দিস্তেন্সিগী নিয়মশিং ঙাক্না অমদি অতোপ্পা চেকশিন থৌরাংশিংগা লোয়ননা বেতচ নাইনা পুরক্কদবনি। পেসেঞ্জর পুম্নমক্কীদমক ফেস কোভর হাপ্পা অসি তৌদবা য়াদবা অমা ওইগনি। থাদোক্কদৌরিবা রাজ্যশিংনা অহৌবা স্তেসন্দা চানবা অমসুং থক্নবা ঈশিং পেসেঞ্জরশিংদা ফংহনগনি।

রেলৱেনা পেসেঞ্জরশিংগী তেঙবাংগা লোয়ননা সোসিয়ে দিস্তেন্সিংগী নিয়মশিং অমসুং লু-নানবা ঙাক্না চৎনবা হোৎনগনি। অশাংবা লম্বীশিংদা রেলৱেনা খোংচৎ মনুংদা চাকলেন অমা পীগনি।

পন্থুংফমদা য়ৌরবা মতমদা পেসেঞ্জরশিংবু রাজ্য সরকারনা রিসিব তৌগনি, মফম অদুদা মখোয়গী স্ক্রীনিং, দরকার ওইরবদি ক্বরেন্তাইন অমসুং রেলৱে স্তেসনদগী মখা তাবা খোংচৎকীদমক শিল-লাংগনি।

লৈবাক অসিনা মায়োক্নরিবা ক্রাইসিসকী মতম অসিদা ইন্দিয়ান রেলৱেগী ওফিসর অমসুং স্তাফ পুম্নমক্না ঐখোয়গী ফে্লো ইন্দিয়নশিংগী সেবা তৌনবগীদমক ৱারেপ লৌরি অমদি মীপুম খুদিংমক্কী সপোর্ত অমসুং কোওপরেসন পাম্লি।

****



(Release ID: 1620312) Visitor Counter : 46