কোবিদ-১৯ ঙাকথোক্নবা, লাকশিন্নবা অমসুং লায়েংনবা রাজ্যশিং/য়ু.তী.শিংগা লোয়ননা ভারত সরকারনা থবক কয়া পায়খৎলে। হায়রিবা থবকশিং অসি খ্বাইদগী ৱাংবা থাক্ত অমুক হন্না য়েংশিল্লি অমসুং শেন্নরি।

এক্যুৎ ইন্সেফেলাইতিস সিন্দ্রোম (এ ই এস) অমসুং কোবিদ-১৯গী মতাংদা হৌজিক ওইরিবা ফিবম খন্ননবা অমসুং অমুক হন্না য়েংশিন্নবা বিহারগী হেল্থ মিনিস্তর শ্রী মঙ্গল পান্দে, হেল্থ অমসুং ফেমিলী ৱেলফিয়রগী মিনিস্তর ওফ স্তেৎ এস ঐচ অশ্বীনি কুমার চৌবে অমসুং কেন্দ্র অমসুং রাজ্যশিংগী সেনিয়র ওফিসিয়েলশিং অনিমক য়াওনা ঙসি হেল্থ অমসুং ফেমিলী ৱেলফিয়রগী য়ুনিয়ন মিনিস্তর দোক্ত হর্স ভরধন্না মীফম অমা পাংথোকখি।

লৈবাক অসিগী জিলা খুদিংমক গ্রিন, ওরেঞ্জ অমসুং রেদ জোন হায়না খাইদোক্লে। অকনবা চেকশিন-থৌরাংশিং পায়খৎতুনা ওরেঞ্জ অমসুং রেদ জোনশিংদা লৈরিবা জিলাশিং লাইচৎ শন্দোকপা অসি থিংনবা রাজ্যশিং/য়ু.তী.শিং অমসুং জিলা থাক্কী লৈঙাকশিংনা অকনবা থবকশিং পায়খৎপা দরকার ওইরি।

কেসশিং অমসুং শম্নরুবশিং মেপ শেমদুনা ; কেসশিং অমসুং শম্নরুবশিং তোখাইনা থমদুনা; মফমশিং অদুগী অকোয়বগী ঙমখৈ নীংথিনা খাজিন্দুনা লায়না শন্দোক্লিবা মফমশিং অতোপ্পগা শম্নহল্লোইদবনি।

লায়না শন্দোক্লিবা মফমশিং অসি সহরগীমী তাবা লৈকাইশিং/মোহাল্লাশিং/ম্যুনিসিপাল ৱার্দশিং নৎত্রগা পুলিস স্তেসনগী মফম/ম্যুনিসিপাল জোনশিং/ তাউনশিং ওইগনি হায়না রাজ্যশিং/য়ু.তী.শিংদা পাউতাক পীরি। খুঙ্গংগী ওইনা মফমশিং অসি লৈকাইশিং নৎত্রগা অপুনবা পুলিস স্তেসনশিং/গ্রাম পঞ্জায়ৎশিং/ব্লোকশিং ওইগনি।

রাজ্যশিং/য়ু.তী.শিংনা বফর জোনশিং অমসুং লায়না লৈরিবা মফমশিং নাখৈ শেংনা মশক খঙদোক্কদবনি। লায়না শন্দোক্লিবা মফমশিংদা , অকোয়বা ঙাকশেনবা, মসিগীদমক শেম্বা অখন্নবা কাংবুশিংনা য়ুম য়ুমদা চংদুনা কেসশিং থিবা, সেম্পল লৌবগী কাংলোনশিংগী মতুংইন্না কেস পুম্নমক চাংয়েং তৌবা, শম্নরুবশিং খোঙ্গুল লিবা অমসুং পোজিতিব ওইরবা কেসশিং লায়েংনবা থবক পায়খৎপা দরকার ওই লোয়ননা বফর জোনশিংগী ওইনা হেল্থ ফেসিলিতীশিংদা ইলী/সারী কেসশিং য়েংশিন্দুনা চেকশিন্না শেন্নগদবনি।

হৌজিক ফাওবদা , পুন্না মীওই ৮,৮৮৮ অনাবা ফরে। মসি ঐখোয়গী অপুনবা অনাবা ফবগী চাং চাদা ২৫.৩৭ ফাওবগী মনুংদনি। হৌজিক অপুনবা কেস ৩৫,০৪৩ য়ৌরে। ঙরাংদগী ভারত্ত কোবিদ-১৯ কেস মশিং ১,৯৯৩ হেনগৎখি।

লাইচৎ শন্দোরকপা অসি থিংনবা ঈশিং অমসুং সাপোন নৎত্রগা সেনিতাইজর শীজিন্নদুনা খুৎ তোইনা হাম্বা; তোইবা পায়বা মফমশিং হায়বদি তেবল, চৌক্রীগী খুৎপায়ফমশিং, কিবোর্দশিং, মাউস, মাউস পেদ অসিনচিংবা চাং নাইনা মহিক হাৎতোকপা অমসুং শেংদোকপা অসি য়াম্না মরুওই; মী খুদিংমক মাক্স নৎত্রগা মাই কুপ্নবা চুনবা ফি শীজিন্নগদবনি ; ইশা ইরোমদোম কয়া য়াম্না খুদোংথিনীংঙাই ওইবগে হায়বা য়েংনবা কোরোনা খোঙ্গুল লিনবা এপ্প “অরোগ্য সেতু” এপ্প লৌথগদবনি অমসুং মীয়ামদগী লাপ্না লৈগদবনি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিন ৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.inদা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]inদা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]inঅমসুং তুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনীংবা লৈরবদি হেল্থ অমসুং ফেমিলী ৱেলফিয়র মিনিস্ত্রীগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ু.তী.শিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdfদা ফংগনি।

****