হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ
হৌজিক ফাওবদা, মীওই ৮,৮৮৮ নাবা ফখ্রে। মসিনা নাবা ফবগী চাংসি ২৫.৩৭% য়ৌরে। হৌজিক লৈরিবা অপুনবা কনফার্ম কেস অসি ৩৫,০৪৩নি। ঙরাংদগী লৈবাক অসিদা কোবিদ-১৯ কনফার্ম কেস ১,৯৯৩ হেনগৎলে। রাজ্য/য়ু.তি.শিং অমসুং দিস্ত্রিক্ত এদমিনিস্ত্রেসনশিংনা অকনবা মীৎয়েং চংদুনা কেস লৈবা দিস্ত্রিক্তশিংবু রেদ অমসুং ওরেঞ্জ হায়না খাইদোক্তুনা কান্নগদবা অমসুং মতীক চাবা লাকশিন্নবগী খোংথাংশিংগা লোইননা শন্দোকপা থিংবা ঙমগনি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620059
প্রধান মন্ত্রীনা সিবিল এবিএসন সেক্তরগী মতাংদা খন্ননবা মীফম পাংথোকখ্রে
প্রধান মন্ত্রী নরেন্দ্র মোদীনা ভারতকী সিবিল এবিএসন সেক্তর অসি হেন্না মপাঙ্গল কলহনবদা মতেং ওইগদবা থৌরাংশিং কুপ্না খন্ননবা মীফম অমা পাংথোকখ্রে। ভারতকী এয়রস্পেসনা পাইবগী মতম অসি তেনশিলহন্দুনা চত্থোক-চৎশিন তৌরিবা মীয়ামদা হেন্না খুদোংচানবা অমসুং মিলিতরি এফিয়র্স বিভাগকা পুন্না চৎমিন্নদুনা এয়রলাইনশিংবু অচংবা শেনফম হন্থহন্নবা খন্নখি। রেভিন্যু হেন্না তান্নবা অমসুং এয়রপোর্তশিং হেন্না শিজিন্নবা নুংঙাইনবগীদমক, সিবিল এবিএসন মন্ত্রালয়বু পি.পি.পি.দা য়ুম্ফম ওইরগা অহেনবা এয়রপোর্ত ৬ হাপচিনবগী থবক থুজন্নবা থা অহুমগী মনুংদা তেন্দরগী থৌরাং পুম্বা লোইশিন্নবা খঙহনখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620077
প্রধান মন্ত্রীনা পাৱর সেক্তর য়েংশিন্নবা মীফম পাংথোকখ্রে
প্রধান মন্ত্রী নরেন্দ্র মোদীনা ঙসি পাৱর সেক্তরগী মতাংদা কুপ্না খন্ননবা অমসুং কোবিদ-১৯না ওইহল্লিবা ফিবমগী মতাংদা খন্ননবা মীফম অমা পাংথোকখ্রে। মহাক্না সেক্তর অসিবু মতম কুইনা চৎনবা, মপাঙ্গল কন্নবা, অমসুং হেন্না কান্নবা পীনবা খন্নখি। খন্ন-নৈনবদুদা, করবার তৌবদা লাইহন্নবা; নৌনা শেমদোক-শাদোকপা য়াবশিং হেন্না শিজিন্ননবা; কোইলা সপ্লাই তৌবদা কোম্থোকহনবা; পব্লিক অমসুং প্রাইবেৎ অনী পুনবগী থৌদাং; পাৱর সেক্তরদা ইনভেস্তমেন্ত হেনগৎহন্নবা য়াওরি। শেন্মিৎলোন্দা পাৱর সেক্তরনা লৌরিবা অচৌবা থৌদাংশিংগী মতাংদা প্রধান মন্ত্রীনা পনখি। প্রাইবেত ইনভেস্তমেন্তশিং চিংশিন্নবা অফবা কন্ত্রেক্ত মথৌ তারিবসিগী মতাংদসু খন্ন-নৈনখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620072
প্রধান মন্ত্রীনা ঙাকশেল অমসুং এরোস্পেস সেক্তরদা হেন্না ফগৎনবগী মতাংদা খন্ননবা মীফম পাংথোকখ্রে
প্রধান মন্ত্রী নরেন্দ্র মোদীনা কোবিদ-১৯গী মতুংদা শেন্মিৎলোন্দা ফগৎনবা থৌরাংশিং অমসুং আর্ম ফোর্সেসকী ওইবা হৌজিক্কী অমসুং তুং কোইনগী ওইবা মওংদা য়েংদুনা দরকার লৈবশিং ৱাত্তনা মপাঙ্গল কনবা অমসুং মীপান তাংদবা ঙাকশেলগী ইন্দস্ত্রী অমা ওইহন্নবগী মতাংদা কুপ্না খন্ন-নৈননবা মীফম অমা পাংথোকখ্রে। খন্নখিবশিংদা ওর্দিনান্স ফেক্তরিশিংগী থবক থৌরম শেমদোক শাদোকপা, পোৎচৈ লৈশিনবগী থবক স্ত্রীম্লাইন তৌবা, রিসোর্সকী মফমশিংদা মীৎয়েং থম্বা, আর. অমসুং দি./ইনোবেসনশিং পুক্নিং থৌগৎপা, অরুবা ঙাকশেলগী তেক্নোলোজিগী ইনভেস্তমেন্ত পুক্নিং চিংশিনবা অমসুং মপাল লৈবাক্তা থাদোকপগী মতাংদা প্রোমোত তৌবা য়াওখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619822
প্রধান মন্ত্রীনা কোইলা অমসুং মাইনিংগী সেক্তরদা হেন্না ফগৎনবগী মতাংদা খন্ননবা মীফম পাংথোকখ্রে
প্রধান মন্ত্রী নরেন্দ্র মোদীনা কোবিদ-১৯গী মতুংদা শেন্মিৎলোন্দা ফগৎনবগীদমক মাইন অমসুং কোইলাগী সেক্ররদা ইকোনোমিক রিফোর্ম অমা লাক্তবা য়াদসিগী মতাংদা কুপ্না খন্ন-নৈননবা মীফম অমা পাংথোকখ্রে। খন্ন-নৈননবদুদা, অমকপা য়াওদনা অমসুং মরীক চুম্বা থৌওংনা চাউনা থবক পীনবগীদমক দোমেস্তিক সোর্সশিংদগী মিনরেল রিসোর্সশিং লাইনা অমসুং মরাং কাইনা ফংহনবা, এক্সপ্লোরেসনগী থবক য়াংশিলহনবা, ইনভেস্তমেন্ত অমসুং অনৌবা তেক্নোজিশিং পুক্নিং চিংশিনবা য়াওখি। অহেনবা ব্লোকশিং নিলাম লাউথোকপা, নিলাম লাউবগী থবক্তা পাক শন্না শরুক য়াহন্নবা হোৎনবা, মিনরেল রিসোর্সশিং পুথোকপা হেনগৎহনবা, খোং তৌবা অমসুং পুথোক-পুশিন তৌবগী অচংবা শেল হন্থহনবা, অকোইবগী ফিবম কাইহন্দনা করবার তৌবা লাইহনবনচিংবসু মীফমদুদা খন্নখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619753
কোবিদ-১৯ থেংননবগীদমক থমখিবা লোকদাউন্না মরম ওইদুনা লৈবাক অসিগী মফম কয়াদা পন্দুনা লৈরিবা মীওইশিং পুথোক-পুশিন তৌনবা অখন্নবা ত্রেন থাগদৌরি
য়ুমলৈ-কৈরৈ মন্ত্রালয়না অতোপ্পা লমগী শিন্মীশিং, লাই খুইরম্বা, লম কোইবা, মহৈরোই অমসুং তোঙান-তোঙানবা মফমশিংদা পন্দুনা লৈরিবা অতোপ্পা মীওইশিং রেলৱে মন্ত্রালয়না থাবা অখন্নবা ত্রেনশিংদা চৎপা য়ারগনি হায়না চেরোল অমা থোকখ্রে।
অকুপ্পা মরোলগীদমক, https://pib.gov.in/PressReleseDetail.aspx?PRID=1620024
রেলৱেজনা তোপ্পা লমগী শিন্মীশিং, লাই খুইরম্বা, লম কোইবা, মহৈরোই অমসুং লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা অতোপ্পা মীওইশিং পুত্থোক-পুশিন তৌনবগীদমক শ্রামিক স্পেসল ত্রেনশিং থাবা হৌরে
য়ুমলৈ-কৈরৈ মন্ত্রালয়না পীখিবা কাংলোন অমগী মখা পোন্না, ঙসি "শিন্মীশিংগী নুমিৎ" অসিদগী "শ্রামিক স্পেসল" ত্রেনশিং তোপ্পা লমগী শিন্মীশিং, লাই খুইরম্বা, লম কোইবা, মহৈরোই অমসুং লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা অতোপ্পা মীওইশিং পুত্থোক-পুশিন তৌনবগীদমক থাবা হৌনবা লেপখ্রে। হায়রিবা ত্রেন অসি পন্দুনা লৈরিবা মীওইশিং থানবা অমসুং লৌশিনগদৌরিবা রাজ্য সরকার অনীনা ফোংদোরকপগী মতুং ইন্না প্রোতোকোলশিং ঙাক্তুনা মফম অমদগী মফম অমদা থাগনি। হায়রিবা 'শ্রামিক স্পেসল' অসিবু পাউ ফাওননবা অমসুং মথৌ নিংথীনা তৌনবা রেলৱেজ অমসুং রাজ্য সরকারনা মকোক থোংবা ওফিসিএলশিংবু নোদাল ওফিসর ওইনা হাপকনি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620027
য়ুমলৈ-কৈরৈ মন্ত্রালয়না রাজ্য/য়ু.তি.শিংদা লৈবাক অসিদা পোৎচৈ অমসুং সর্বিসশিংগী সপ্লাই চেন কাইদনবা ত্রক/পোৎচৈ পুবা গারীশিং অথিংবা লৈতনা চৎহন্নবা খঙহনখ্রে
কেন্দ্রগী য়ুমলৈ-কৈরৈ মন্ত্রালয়না রাজ্য/য়ু.তি.শিংদা খঙহনখ্রে মদুদি, লোকদাউনগী শেমদোক্লবা কাংলোনগী মতুং ইন্না, অহাংবা ত্রকশিং য়াওনা ত্রক অমসুং পোৎচৈ পুবা গারীশিংনা চত্থোক-চৎশিন তৌবা মতমদা অখন্নবা পাস পাইবগী অথৌ তাদ্রে হায়খ্রে। পাউ অদুদা, হায়রিবা কোম্না চত্থোক-চৎশিন য়াহনবা অসি লৈবাক অসিদা লোকদাউন মনুংদা পোৎচৈ অমসুং সর্বিসকী সপ্লাই চেন কাইদনা মথৌ তৌহন্নবগীদমক্তনি হায়রি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619675
এফ.সি.আই.না এপ্রিল ২০২০গী মনুংদা হৱাই-চেঙৱাই তন লাখ ৬০ পুথোক-পুশিন তৌখ্রে, হায়রিবসি মখোয়গী থাগী চাংচত্তা মেত্রিক তন লাখ ৩০ ওইরম্বদুগী শরুক অনী হেনগৎলবনি।
ফুদ কোর্পোরসন ওফ ইন্দিয়ানা ২০১৪গী মার্চ থাদা থা অমখক্তদা মেত্রিক তন লাখ ৩৮ পুদুনা খ্বাইদগী য়াম্বা ওইখিবদু লান্থোক্তুনা ইং ২০২০গী মার্চ থাদা হৱাই-চেঙৱাই মেত্রিক তন লাখ ৬০ পুথো-পুশিন থৌখ্রে। হায়রিবসি থাগী ওইবা চাংচত্তা মেত্রিক তন লাখ ৩০ ওইরমগী শরুক অনী হেল্লে। ক্বান্তিতী অসিদা কাস্মির অমসুং লেহ/লদাখতা মেত্রিক তন লাখ ১ অমসুং অৱাং –নোংপোক রাজ্যশিংগী অরুনাচল প্রদেশ অমসুং মেঘালয়দা মেত্রিক তন লাখ ০.৮১গী লম্বী পুখিবা য়াওরি। শমুদ্রগী লম্বীদা অন্দমান অমসুং নিকোবার ইথত্তা মেত্রিক তন লাখ ০.১ পুখি। কোবিদ-১৯ শন্দোরকপনা অৱাবা পীরিবা তাঙ্কক অসিদা, এপ্রিল ২০২০গী থা মনুংদা এফ.সি.আই.না তোঙান-তোঙানবা রাজ্যশিংদা হৱাই-চেঙৱাই মেত্রিক তন লাখ ৫৮ পুখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619652
লৌউ-শিংউগী পোত্থোকশিং য়োন্নবগীদমক রাজ্য ৭দগী অনৌবা মন্দি ২০০ ই-নাম প্লেতফোর্মগা শম্নরে
কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী শ্রী নরেন্দ্র সিংহ তোমারনা মে ২০২০ ফাওবদা, লৌউ-শিংউগী পোত্থোকশিং য়োন্নবা ই-নাম প্লেতফোর্মগা শম্নরবা মন্দি লীশিং অমরোম লৈরগনি। মহাক্না ঙসি রাজ্য ৭তগী অনৌবা মন্দি ২০০ ই-নাম প্লেতফোর্মদা হাপচিনবগী ওইবা কৃষিভাবন্দা ৱা ঙাংখি। মন্ত্রী অসিনা কুরনুল অমসুং হুব্লিগী মন্দিশিংদা লৈবাক হৱাই অমসুং চুজাক ললোন ইতিক তৌখিবদু ভিদিও কনফরেন্সকী খুথাংদা য়েংখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620050
শ্রী পিয়ুস গোয়ালনা মপান লমদা লৈরিবা ইন্দিয়ান মিসনশিংদা ভারতপু মীয়াম্নবা পাম্নবা পন্থুং অমা ওইহন্নবা হোৎনবদা মতেং পাংনবা পুক্নিং চিংশিনখ্রে
কম্মর্স অমসুং ইন্দস্ত্রীগী মন্ত্রী শ্রী পিয়ুস গোয়ালনা মপান লমদা লৈরিবা ইন্দিয়ান মিসনশিংনা মখোয়গী লৈবাক্তা লৈরিবা ভারতকী করবার অমসুং মপান লমদা থাদোকপগী খুদোংচাবা খঙদোক্নবা ,অমসুং ভারতপু ইনভেস্তমেন্ত তৌবদা থাজবা য়াবা অমসুং পাম্নবা মফম অমা ওইনবা হোৎনবদা অচৌবা থৌদাং লৌনবা হোৎনগদবনি হায়না পুক্নিং চিংশিনখ্রে। মহাক্না মপান থৌরম পুবা মন্ত্রী শ্রী এস. জয়সঙ্করগা লোইননা ভিদিও কনফরেন্স অমদা তোঙান-তোঙানবা মফমদা লৈবা মিসন ১৩১গা ৱারী শানখি। শ্রী গোয়ালনা হায়, ঐখোয় পুম্নমক্না কোবিদ-১৯গী ফিবম অসিবু ঐখোয়গী ইন্দস্ত্রীশিং চাউখৎনবা অনৌবা শেমদোকপা কয়াগা লোইননা খুদোংচাবা ওইনা লৌহৌগদবনি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620062
রেলৱেজ মন্ত্রীনা লোজিস্তিক্স ইন্দস্ত্রীগী কেপ্তেনশিংগা মীফম পাংথোক্তুনা ফ্রৈতকী থবক থৌরমশিং হোংদোক-হোংজিন তৌনবা খন্নখ্রে
কোবিদ-১৯গী খুদোংচাদ্রবা মতম অসিদা রেলৱেজনা লৌরিবা মরুওইবা থৌদাংশিংবু পল্লদুনা রেলৱেজনা কোবিদ ক্রাইসিস অসিবু লুম্না লৌবগা লোইননা মিনুংশিগা লোইননা থবক তৌরি, অমসুং খুদোংচাদ্রবা মতম অসিদা, রেলৱেজনা লৈবাক অসিগী মফম খুদিংমক্তা তঙাইফদবা পোৎলমশিং পুদুনা লৈবাক অসিগী হিংনবগী লম্বী ওইরি হায়না মন্ত্রীনা ফোংদোকখি। মসিতসু নত্তনা, "ঐখোইয়না হৌজিক ওইরিবা ফিবম অসিবু মরুওইবা লাইনশিংগা শম্নবা, হান্নদগী লোইশিন্দনা লাকপা শেমজিন শাজিনবগী থবকশিং, অতেক অকাই য়াওবা থোংশিং শেমজিনবা অমসুং হৌজিক লৈরিবা ইনফ্রাস্ত্রকচরেলগী ফেসিলিতিশিং ফগৎহনবগুম্বা লোইশিন্দনা লৈবা থবক কয়া অমা লোইশিন্নবগী মতম ওইনা শিজিনরে", শ্রী গোয়ালনা হায়খি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620046
মেদিকেলগী খুৎচু খুৎলাইশিং লৈশিনবনা অহানবা থৌদাংনি; মেক ইন ইন্দিয়াদা মরুওইবা পীগদবনি
অকুপ্পা মরোলগীদমক, https://pib.gov.in/PressReleseDetail.aspx?PRID=1620047
নেস্নেল তেস্তিং এজেন্সিনা তোঙান-তোঙানবা পরিখ্যাশিংগী ওনলাইন এপ্লিকেসন থাজিনবগী মতম শাংদোকখ্রে
কোবিদ-১৯না মরম ওইদুনা মমা –মপা ওইবশিং অমসুং মহৈরোইশিংদা পীরিবা চৈথেং অসি য়েংদুনা, কেন্দ্রগী ঐচ.আর.দি. মন্ত্রী শ্রী রামেস পোখ্রিয়াল 'নিশাঙ্ক'না নেস্নেল তেস্তিং এজেন্সি (এন.তি.এ.)দা তোঙান-তোঙানবা পরিখ্যাশিংগী ওনলাইন্দা এপ্লিকেসন থাজিনবগী মতম শাংদোকপীনবা খঙহনখ্রে। মসিগী মতুং ইন্না, নেস্নেল তেস্তিং এজেন্সিনা তোঙান-তোঙানবা পরিখ্যাশিংগী ওনলাইন্দা এপ্লিকেসন থাজিনবগী মতম শাংদোকখ্রে।
অকুপ্পা মরোলগীদমক, https://pib.gov.in/PressReleseDetail.aspx?PRID=1619698
ই.পি.এফ.ও.না করবারশিংগী ই.সি.আর. মেনবা লাইথোকহনখ্রে
কোবিদ-১৯ শন্দোকপা থিংনবা অমসুং অতোপ্পা অকায়বা লাক্তনবগী সরকারনা লোকদাউন লাউথোকখিবনা করবারশিং অমসুং ইন্তর্প্রাইজশিং মথৌ নিংথীনা পাংথোকপা ঙম্নদ্রে, অমসুং মখোয়গী শিন্মীশিংবু মথৌ তৌহন্নবা হোৎনজরবসু মখোয়দা শেল লৈশিল্লক্তবনা মখোয়গী থীফম থোকপা পুত্থবশিং থীগৎপা ঙমদ্রে। মথক্কী ফিবম অসি য়েংদুনা, অমসুং ই.পি.এফ. অমসুং এম.পি. এক্ত, ১৯৫২গী মখাদা ইনগদবা থবকশিং কোম্থোক্নবগীদমক, থাগী মেনগদবা ইলেক্ত্রোনিক-চলান কম রিতর্ন (ই.সি.আর.) অসি ই.সি.আর.দা য়াওরিবা থীফম থোকপা কন্ত্রিব্যুসন্দুদগী তোখাইরে। হৌজিক্তি ই.সি.আর. অসি কন্ত্রিব্যুসন থীদ্রবসু ইমপ্লোয়র অমনা মেনশিনবা য়ারে অমসুং কন্ত্রিব্যুসন অদুবুনা কোন্না ই.সি.আর. মেনশিল্লবা মতুংদা থীবা য়ারগনি। মথক্কী অহোংবা অসিনা ইমপ্লোয়র অমসুং ইমপ্লোইয়ীশিংদা এক্ত অমসুং স্কিমগী মখাদা খুদোংচাহল্লগনি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619284
ওল ইন্দিয়া ইন্সতিত্যুত ওব আয়ুর্বেদনা আয়ুরক্সা- কোরোনা সে জং- দিল্লী পুলিস কে সং হৌদোকখ্রে
আয়ুশ মন্ত্রালয়গী মখাদা লৈরিবা, ওল ইন্দিয়া ইন্সতিত্যুত ওব আয়ুর্বেদনা (এ.আই.আই.এ.) অমসুং দিল্লী পুলিসনা নই দিল্লীদা ঙসি দিল্লী পুলিসশিংগীদমক আয়ুরক্সা থৌরম হৌদোকখ্রে। আয়ুরক্সা হায়না মিংথোনবা অপুনা থৌরম 'কোরোনা সে জং- দিল্লী পুলিস কে সং' অসিনা অচম্বা অমসুং মতম চংনা চাংয়েং তৌরক্লবা আয়ুর্বেদকী হকচাং পাঙ্গল কনখৎনবা খোংথাং অসিনা কোরোনা লান্থেংনবা পান্দম থম্লি। থৌরাংশিং অসি আয়ুশ মন্ত্রালয়না পীবা পাউতাক্কী মখা পোন্না লৌখৎপনি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619678
দা. জিতেন্দ্র সিংহনা মেদিকেল অমসুং পুলিসকী মীওইশিংনা শিজিন্নবা কেদ্রিয়াভান্দরনা শাবা প্রোতেক্তিব কিৎ ৪৯০০ হেন্না খুৎশিন্নখ্রে
দা. জিতেন্দ্র সিংহনা মেদিকেলগী হীরমদা থবক তৌরিবশিং অমসুং পুলিসকী ফোর্সশিংনা কত্থোকপগা লোইননা তৌরিবা থবকশিংবু থাগৎপা ফোংদোকখ্রে অমসুং কেন্দ্রিয়াভান্দরনা শাজবা সেনিতাইজর, হেন্দ ৱাসনচিংবা য়াওবা প্রোতেক্তিব কিত ৪৯০০ হেন্না মখোয়গী থবক থৌরমশিংবু তাগৎপা ফোংদোকপা ওইনা খুদোল তমখ্রে। হায়রিবা কিৎশিং অসি হকশেল মন্ত্রালয় অমসুং দিল্লী পুলিসতা ঙসি অচম্বা থৌরম অমদা খুৎশিন্নখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620053
কোবিদ-১৯গা লান্থেংনরিবা অসিদা মতেং পাংনবা লাইফলাইন উরানগী ফ্লাইৎ ৪১৫ পাইখ্রে
এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪১৫ পাইখ্রে। ফ্লাইৎশিং অসিগী মনুংদগী ২৪১দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখীবা কার্গো অসি তোন ৭৭৯.৮৬ ওইদুনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,০৭,১৩৯ হেল্লে। ‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি। পৱন হন্সনা এপ্রিল ২৯, ২০২০ ফাওবদা অরাপ্পা কিলোমীতর ৭,২৫৭ পাইদুনা তোন ২.০গী কার্গো পুথোক পুশিন তৌখ্রে। অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619655
নোবেল কোরোনাভাইরস মকুপ তানা কাইথহনবা ঙম্বা মাইক্রোৱেব স্তেরিলাইজর শাখ্রে
পুনেদা লৈবা দিম য়ুনিবর্সিতি অমা ওইরিবা দিফেন্স ইন্সতিত্যুত ওব এদবান্স তেক্নোলোজিনা দিফেন্স রিসর্স এন্দ দিবেলপমেন্ত ওর্গনাইজেসনগী মখাদা 'আতুল্যা' হায়না মিংথোনবা কোবিদ-১৯ মকুপ তানা কাইথহনবা ঙম্বা মাইক্রোৱেব স্তেরিলাইজর অমা শাখ্রে। ভাইরস অসি ৫৬0দগীনা ৬০0 সেলসিয়স ফাওবদা দিফরেন্সেল হীতিং পীদুনা কাইথহনবা ঙমই।
অকুপ্পা মরোলগীদমক, https://pib.gov.in/PressReleseDetail.aspx?PRID=1619643
তুরিজম মন্ত্রালয়না 'রেস্পোন্সিবল তুরিজমদা ভারতকী মশক থোক্লবা নুপীশিংবু হরাউবা ফোংদোকপা' হায়বসিদা ১২শুবা "দেখো অপ্না দেশ" ৱেবিনার পাংথোকখ্রে
এপ্রিল ৩০, ২০২০গী 'রেস্পোন্সিবল তুরিজমদা ভারতকী মশক থোক্লবা নুপীশিংবু হরাউবা ফোংদোকপা' হায়না মিন্থোন্দুনা তুরিজম মন্ত্রালয়গী ১২শুবা দেখো অপ্না দেশ ৱেবিনারদা লম কোইবা হায়বসিদা তোপ তোপ্পা মংলান অমা শাগৎপা ঙমখ্রবা ভারতকী মশক নাইরবা নুপী খরগী শক্তি লৈরবা পুন্সি ৱারী উৎখ্রে।
অকুপ্পা মরোলগীদমক, https://pib.gov.in/PressReleseDetail.aspx?PRID=1620007
জি. ২০ দিজিতেল মিনিস্তরশিংগী মীফম্না লাইচৎ থেংননবা অপুনবা মালেমগী দিজিতেল রেস্পোন্স অমা শেম্নবা খন্নখ্রে
জি. ২০ দিজিতেল ইকনোমী তাস্ক ফোর্স কোবিদ-১৯ মিনিস্তেরিয়েল স্তেৎমেন্তনা পাউ ফাওননবা ইনফ্রস্ত্রকচর অমসুং নেতৱার্ক কম্যুনিতী মপাঙ্গল কনখৎহন্নবা, নোন-পার্সনেল দেতা লান্থোক-লানশিন তৌবদা চেকশিন্না তৌনবা, হেলথকেয়রদা দিজিতেল সোলুসন শিজিন্ননবা, সাইবর সেকিয়োর ওইরবা মালেম অমা শাগৎনবা অমসুং করবারগী রেজিলিয়েন্স মপাঙ্গল কলহন্দুনা লাইচৎ থেংননবা অপুনবা মালেমগী দিজিতেল রেস্পোন্স অমা শাগৎপা পাম্লি। তোপ-তোপ্পা ভর্চুৱেল জি. ২০ দিজিতেল ইকনোমী মিনিস্তরশিংগী মীফম অসি কোবিদ-১৯ শন্দোকপা থিংনবা অমসুং দিজিতেল তেক্নোলোজিবু শিজিন্নদুনা অপুনবা মালেমগী রেস্পোন্স অমা শাগৎনবা ফমখিবনি। কেন্দ্রগী লো অমসুং জস্তিস, কম্যুনিকেসন অমসুং ইলেক্ত্রোনিক্স অমসুং আই.তি.গী মন্ত্রী শ্রী রবি সঙ্কর প্রসাদনা ভারতকী মহুৎ শিনখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619788
আয়ুশ সেক্তর অসি তৌবা ঙম্বা শক্তি কয়া অমা লৈ অমসুং ভারতপু শেলথুমদা শক্তি লৈবা লৈবা অমা ওইহন্নবা হোৎনবদা অচৌবা থৌদাং লৌবা ঙমই হায়না শ্রী নিতিন গদকারিনা ফোংদোকখ্রে
ভারত্তা চহী চা কয়াদগী চৎনদুনা লাক্লবা আয়ুশকী অনা লায়েংগী অতোপ্পা মওং অসিবু হেন্না পাম্নরক্লিবনা আয়ুশনা ভারতপু শেল-থুমদা শক্তি লৈবা লৈবাক ওইহনবা ঙমগনি হায়না শ্রী নিতিন গদকারিনা ফোংদোকখ্রে। মহাক্না রিসর্স হেন্না তৌনবা অমসুং অনৌবা ৱাখল্লোন পুথোক্তুনা আয়ুশ সেক্তর চাউখৎহন্নবা তকশিনখি। ভারতকী আয়ুর্বেদ, হোমিওপেথী, য়োগা, সিদ্ধা অসি থাক হেন্না ৱাংহনবা মথৌ তারি হায়খি। মপান লৈবাকশিংদা ভারতকী আয়ুর্বেদ, য়োগা, হোমিওপেথী, সিদ্ধা অসি য়াম্না পাম্নরি, ওন্ত্রপ্রিনরশিংনা মসিগী খুদোংচাবসি লৌদুনা অমসুং মখোয়গী ক্লিনিকশিং/আউতলেতশিং হাংদোক্তুনা মপান লৈবাক্তা থাদোকপদা মতেং পাংনবা খঙহনখি।
অকুপ্পা মরোলগীদমক, https://pib.gov.in/PressReleseDetail.aspx?PRID=1619618
কেন্দ্রগী মন্ত্রী দা. জিতেন্দ্র সিংহনা লোকদাউন মনুংদা আই.আই.পি.এ.গী "ওনলাইন" কনভোকেসন অমদা ৱা ঙাংখ্রে
ওল ইন্দিয়া অমসুং সেন্ত্রেল সর্বিসেসশিংদগী সেনিয়র গ্রুপ 'এ' ওফিসর ৪৫গা লোইননা আর্ম ফোর্সেসতগী সেনিয়র ওফিসর কয়ানা শরুক য়াখিবা ইন্দিয়ান ইন্সতিত্যুত ওব পব্লিক এদমিনিস্ত্রেসন (আই.আই.পি.এ.)না মখোয়গী ৪৫শুবা এদবান্স প্রোফেসনেল প্রোগ্রাম ইন পব্লিক এদমিনিস্ত্রেসন (এ.পি.পি.পি.এ.)গী লোইশিনবা নুমিত্তা কেন্দ্রগী মন্ত্রী দা. জিতেন্দ্র সিংহনা লোকদাউন মনুংদা অথোইবা মীথুংলেন ওইদুনা ৱা ঙাংখ্রে।
অকুপ্পা মরোলগীদমক, https://pib.gov.in/PressReleseDetail.aspx?PRID=1619667
সি.এস.আই.আর.না নৌনা চাংয়েং তৌনবা হিদাক ২৫ মশক খঙদোক্লে
নৌনা পুথোকপা হিদাকশিংদি মপুং ফানবা হোৎনবদা চহী য়াম্না চংবনা মরম ওইদুনা হান্ননা লৈরবা হিদাকশিংবু নৌনা চাংয়েং তৌদুনা অনৌবা শিজিন্নফমদা শিজিন্নবা য়ানবা হোৎনবগা লোইননা সি.এস.আই.আর.না কোবিদ-১৯ থেংনবদা মাংজিল থারি। ভারত্তা লৈবা কোরোনাভাইরসনা নারবা অনাবশিংদা থানবগীদমক হান্নগী হিদাক ২৫ নৌনা চাংয়েং তৌদুনা শিজিন্ননা মশক খঙদোক্লে।
অকুপ্পা মরোলগীদমক, https://pib.gov.in/PressReleseDetail.aspx?PRID=1619671
কোবিদ-১৯ য়েংশিন্নবগীদমক বিসাখাপত্নম স্মার্ত সিতী ওপরেসন সেন্তরনা পুংজা খুদিংগী মথৌ তৌরি
ওপরেসন সেন্তরনা ত্রেক্কিং, মোনিতরিং অমসুং মীয়াম ভাপ তাহন্নবা থবকশিং পায়খৎলি।
অকুপ্পা মরোলগীদমক, https://pib.gov.in/PressReleseDetail.aspx?PRID=1620002
পি.আই.বি. ফিল্দ ওফিসশিংদগী ফংবা পাউ