କାର୍ମିକ, ସାଧାରଣ ଅଭିଯୋଗ ଓ ପେନସନ ମନ୍ତ୍ରଣାଳୟ
ଜମ୍ମୁ କଶ୍ମୀର ଓ ଲଦାଖର ସମସ୍ତ କେନ୍ଦ୍ର ଏବଂ କେନ୍ଦ୍ରଶାସିତ ଅଂଚଳ କର୍ମଚାରୀଙ୍କ ବୃତିଗତ ମାମଲାର ଶୁଣାଣି ଜମ୍ମୁ–କଶ୍ମୀର କ୍ୟାଟ ବେଞ୍ଚରେ ହେବ
प्रविष्टि तिथि:
01 MAY 2020 2:19PM by PIB Bhubaneshwar
କେତେକ ଗଣମାଧ୍ୟମରେ ପ୍ରକାଶ ପାଇଛି ଯେ, ଜମ୍ମୁ-କଶ୍ମୀର ଲଦାଖର ସମସ୍ତ କେନ୍ଦ୍ର ସରକାରୀ କର୍ମଚାରୀ ଏବଂ କେନ୍ଦ୍ର ଶାସିତ ଅଂଚଳ କର୍ମଚାରୀଙ୍କ ବୃତିଗତ ମାମଲା (ସର୍ଭିସ ମ୍ୟାଟର) ଗୁଡିକର ବିଚାର ଦାୟିତ୍ୱ କେନ୍ଦ୍ର ସରକାର ଚଣ୍ଡିଗଡସ୍ଥିତ କେନ୍ଦ୍ରୀୟ ପ୍ରଶାସନିକ ଟ୍ରିବ୍ୟୁନାଲ (କ୍ୟାଟ) ସ୍ଥାନାନ୍ତର କରିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଏହି ଖବରକୁ ଖଣ୍ଡିତ କରିବା ସହ ସ୍ପଷ୍ଟ କରି ଦିଆଯାଇଛି ଯେ, କୌଣସି କର୍ମଚାରୀ ବା ଆବେଦନକାରୀ କିମ୍ବା ତାଙ୍କ ଓକିଲଙ୍କୁ ସର୍ଭିସ ମ୍ୟାଟର ଆବେଦନ ବା ବିଚାର ପାଇଁ ଚଣ୍ଡିଗଡ ଯିବାର ଆବଶ୍ୟକତା ନାହିଁ । ଚଣ୍ଡିଗଡ ସର୍କିଟ ଶଦ୍ଦର କଦର୍ଥ କରାଯାଇ ଏଭଳି ଅର୍ଥ ବାହାର କରାଯାଇଛି ଯାହା ଠିକ୍ ନୁହେଁ ।
କେନ୍ଦ୍ର କାର୍ମିକ, ସାଧାରଣ ଅଭିଯୋଗ ଓ ପେନସନ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଜମ୍ମୁ-କଶ୍ମୀର, ଲଦାଖର ସମସ୍ତ କେନ୍ଦ୍ର ଏବଂ କେନ୍ଦ୍ର ଶାସିତ ଅଂଚଳ କର୍ମଚାରୀଙ୍କ ସମସ୍ତ ସର୍ଭିସ ମାମଲାର ଆବେଦନ ଓ ଶୁଣାଣି ଜମ୍ମୁ-କଶ୍ମୀର କ୍ୟାଟରେ ହିଁ ହେବ ।
ଆହୁରି ମଧ୍ୟ କୁହାଯାଇଛି ଯେ, ପୂର୍ବରୁ କ୍ୟାଟ ବେଂଚ ଜମ୍ମୁ-କଶ୍ମୀରରେ ଏହାର ଶୁଣାଣି ବ୍ୟବସ୍ଥା କରି ସେଠାକାର କେନ୍ଦ୍ରୀୟ କର୍ମଚାରୀମାନଙ୍କ ମାମଲାର ଫୈସଲା କରୁଥିଲା । ଏବେ କ୍ୟାଟ ଏହା ସହିତ ଦୁଇ କେନ୍ଦ୍ର ଶାସିତ ଅଂଚଳ କର୍ମଚାରୀମାନଙ୍କ ସର୍ଭିସ ମାମଲାର ବିଚାର କରିବ । ତେଣୁ ଜମ୍ମୁ-କଶ୍ମୀରରେ କ୍ୟାଟର ଅଦାଲତ ଏଣିକି ଅଧିକ ଥର ବସିବ ।
ମାମଲାଗୁଡିକ ପଞ୍ଜିକରଣ ଅନ୍ ଲାଇନରେ କିମ୍ବା କ୍ୟାଟର ସ୍ଥାନୀୟ ଦପ୍ତରରେ କରାଯାଇ ପାରିବ । ସଂପୃକ୍ତ କେନ୍ଦ୍ରଶାସିତ ଅଂଚଳ କର୍ତ୍ତୃପକ୍ଷ କ୍ୟାଟର ଦପ୍ତର ଖୋଲିବାକୁ ଆବଶ୍ୟକ ସୁବିଧା ସୁଯୋଗ ଦେଲେ ସେଠାରେ ଏହା କାର୍ଯ୍ୟ କରିବ ।
କ୍ୟାଟ ଦ୍ୱାରା ମାମଲାଗୁଡିକର ବିଚାର ହେଲେ ଆବେଦନକାରୀଙ୍କୁ ନ୍ୟାୟ ମିଳିବାରେ ସୁବିଧା ହେବ ବୋଲି ସରକାରଙ୍କ ପକ୍ଷରୁ କୁହାଯାଇଛି ।
**********
(रिलीज़ आईडी: 1620198)
आगंतुक पटल : 206