এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪১৫ পাইখ্রে। ফ্লাইৎশিং অসিগী মনুংদগী ২৪১দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখীবা কার্গো অসি তোন ৭৭৯.৮৬ ওইদুনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,০৭,১৩৯ হেল্লে। ‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি।

পৱন হন্সনা এপ্রিল ২৯, ২০২০ ফাওবদা অরাপ্পা কিলোমীতর ৭,২৫৭ পাইদুনা তোন ২.০গী কার্গো পুথোক পুশিন তৌখ্রে। অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি। জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকপ্তর সর্বিস কয়া চলাইরি। এয়র ইন্দিয়া অমসুং আই.এ.এফ.না মরু ওইনা জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংগী ওইনা পুন্না থবক তৌমিন্নরি।

দোমেস্তিক কার্গো ওপরেতর - স্পাইসজেৎ, ব্লু দার্ত অমসুং ইন্দিগো অমসুং ভিস্তারানা কমর্সিএল ওইনা কার্গো ফ্লাইৎ পাইরি। স্পাইসজেৎনা নোংথক্কী অরাপ্পা কিলোমীতর ১১,৮৪,১০৭ পাইদুনা অমসুং কার্গো তোন ৪,৯৪০ পুদুনা কার্গো ফ্লাইৎ ৬৮৩ পাইখি। মসিগী মনুংদা ২৪৫দি ইন্তর্নেস্নেল কার্গো ফ্লাইৎনি। ব্লু দার্তনা নোংথক্কী অরাপ্পা কিলোমীতর ২,৫৩,৬৩১ পাইদুনা অমসুং কার্গো তোন ৩,৯৩২ পুদুনা কার্গো ফ্লাইৎ ২৩৩ পাইখি। মসিগী মনুংদা ১২দি ইন্তর্নেস্নেল কার্গো ফ্লাইৎনি। ইন্দিগোনা ইন্তর্নেস্নেল ফ্লাইৎ ১৮ য়াওনা নোংথক্কী অরাপ্পা কিলোমীতর ১,০১,৯৮৯ পাইদুনা অমসুং কার্গো তোন ২৬৯ পুদুনা কার্গো ফ্লাইৎ ৬৪ পাইখি। মসিদা সরকারগীদমক্তা শেল লৌদনা মেদিকেল সপ্লাইশিং পুদুনা পাইখিবসু য়াওখি। ভিস্তারানা নোংথক্কী অরাপ্পা কিলোমীতর ২৪,১৪১ পাইদুনা অমসুং কার্গো তোন ১২৩ পুদুনা কার্গো ফ্লাইৎ ১৭ পাইখি।

ইন্তর্নেস্নেল সেক্তরদা নোংপোক এসিয়াগা ফার্মাস্যুতিকেলগী, মেদিকেলগী খুৎশু খুৎলাইশিং অমসুং কোবিদ-১৯গী তেংবাংনবা পোৎলমশিং পুথোক পুশিন তৌনবগীদমক কার্গো এয়র ব্রিজ অমা শেমখ্রে। এয়র ইন্দিয়ানা পুরকখিবা মেদিকেল কার্গো অসি পুন্না তোন ৭২৯নি।

মথক্তা পীরিবশিং অসিদগী অহেনবা ওইনা ব্লু দার্তনা এপ্রিল ১৪-২৯, ২০২০দা গ্বাংঝৌ অমসুং শাংহাইদগী মেদিকেল সপ্লাই চাউরাক্না তোন ১১৪ মুক পুদুনা পাইরকখ্রে। স্পাইসজেৎনসু শাংহাই অমসুং গ্বাংঝৌদগী এপ্রিল ২৯, ২০২০ ফাওবদা মেদিকেল সপ্লাই তোন ১৫৩ অমসুং হোং কোং অমসুং সিঙ্গাপুরদগীনা এপ্রিল ২৫, ২০২০ ফাওবদা মেদিকেল সপ্লাই তোন ১৩ পুদুনা পাইরকখ্রে।

****