“ঐখোইনা কোবিদ-১৯গা লান্থেংনরিবা অসিদা মরু ওইনা পি.এম. সি.এ.আর.ই.গী খুত্থাংদা শেলগী মতেং পাংবা, খুৎশু খুৎলাই, সেনিতাইজরশিং, চানবশিং, অনা লায়েংশঙশিংগী পি.পি.ই. কিৎশিং অমসুং এন.৯৫ মাস্কনচিংবা কয়া মতেং পাংলকপা লাইওন্স ক্লবকী মীহুৎশিংবু য়াম্না লুনা খল্লি”, হায়না হকশেল অমসুং য়াইফ-য়ুম্বালগী মন্ত্রালয়গী কেন্দ্রগী মন্ত্রী দাক্তর হর্শ বর্ধন্না লৈবাকসিগী তোঙান তোঙানবা মফমদা লৈবা লাইওন্স ক্লব ইন্তর্নেস্নেলগী মীহুৎশিংগা ভিদিও কনফরেন্স (ভি.সি.)কী খুত্থাংদা ৱারী শাবদা হায়খ্রে। মখোইনা চহী কয়াদগী পাংথোক্তুনা লাক্লিবা পোলিও, কেতেরেক্তনচিংবগী কেম্পেন খুত্থাংদা মতেং পাংখিবশিং অদুবু থাগৎপা ফোংদোক্লদুনা হৌজিক সরকারনা থেংনরিবা কোবিদ-১৯গী লান অসিদসু পুন্না অমুক শরুক য়ামিন্নসি হায়না হায়খি। “ঐখোইনা তাঞ্জা অসিদা অমুক হন্না পুন্দুনা মালেমগী লৈবাক ২০০ হেনবদা শন্দোকখ্রবা কোবিদ-১৯গা লান্থেংনদুনা মায়থীবা পীবা তাই”, হায়না মহাক্না হায়খি। মীওই লাখ লাখ কয়াদা চাক য়েনবা, তঙাই ফদ্রবা মেদিকেলগী অমসুং ঙাকথোক্নবা খুৎলাইশিং মীয়ামদা ফংহনবগীদমক মহাক্না থাগৎপা ফোংদোকখি। 

ভারতনা কোবিদ-১৯গা লান্থেংনরিবা মওং অসি পল্লদুনা মহাক্না হায়খি, “ হৌজিক ঐখোইনা মওং মঙা থোক্না লান্থেংনরিঃ (১) ওইরিবা ফিভম লেপ্তনা খঙবা, (২) হকথেংননা থবক তৌবা অমসুং য়েক্নবনা ঙমহন্দবা, (৩) হোংলক্লিবা ফিভমগী মতুং ইন্না থবক তৌবগী থাক খাইবা, (৪) থাক খুদিংমক্তা শেক্তর পুম্নমক তেংবাংমিন্নদুনা থবক তৌমিন্নবা অমসুং অরোইবা অমসুং খ্বাইদগী মরু ওইবা ওইনা (৫) লায়না অসিগা লান্থেংনবদা মীয়ামসু য়াওহন্নবা শিনবনি”।

লায়না অসিবু মায়োক্নবদা লৈরিবা ভারতকী মপাঙ্গলবু পল্লদুনা মহাক্না হায়খি, “ মালেমগী থাক্তা পাখৎনীংঙাই ওইবা হকশেলগী খুদোংচাদবা অমসুং লাইচৎ কয়া মমাংদসু ভারতনা মায় পাক্না মায়োক্নখ্রে”। “ঐখোইগী লৈবাক অসিদা হকশেলগী ওইবা খুদোংচাদবা কয়া মায়োক্নবা ঙম্নবা ইন্তর্নেস্নেল হেলথ রিগুলেসন্দা পল্লিবা লৈবাক্কী থাক্তা তৌবা ঙম্বশিং অদু লোইনা লৈ। ইন্তিগ্রেতেদ দীজিজ সর্বেলিএন্স প্রোগ্রাম (আই.দি.এস.পি.) হায়রিবা লৈবাক পুম্বগী ওইনা লাইচৎ ওইরকপা য়াবা লায়নাশিং য়েংশিন্নবা লৈরিবা অসি কোবিদ-১৯ থেংননবগীদমক্তা থবক তৌবা হৌখ্রে অমসুং মচং ওইবা দিজিতেল ইনপুৎ কয়া পীশিন্দুনা মপাঙ্গলসু কনখৎহল্লি”, হায়না মহাক্না মখা তানা হায়খি।

হৌখিবা নুমিৎ হুম্নিদা লৈবাক অসিগী ওইনা দব্লিং রেৎ অসি ১১.৩ য়ৌখ্রে হায়না মহাক্না মখা তানা হায়খি। মালেমগী ওইনা শিবগী চাং অসি ৭% ওইরবসু, ভারতকী ওইনদি চাওরাক্না ৩% অমসুং ৮৬%না কো-মোর্বিদীতিগা লোইননা ফেতালিতী লৈবা মীওই ওইরি হায়না মহাক্না মখা তানা হায়খি।

অনাবগী মশিং ০.৩৩% খক্তনা ভেন্তিলেতর শিজিন্নদুনা লৈ, ১.৫%না ওক্সিজেন সপ্পোর্ত তৌদুনা অমসুং ২.৩৪%না আই.সি.য়ু.দা লৈ অমসুং মসিনা লৈবাক শিনবা থুংনা অনাবশিংদা পীরিবা চেকশিনবগী ফজরবা চাং অসি উৎলি হায়না মহাক্না হায়খি। মখা তারকপা খুদিং মায়োক্ননবা লৈবাক অসিগী ওইনা মতিক চাবা আইসোলেসন তৌনবা ফমুং, ভেন্তিলেতরশিং, পি.পি.ই., মাস্কনচিংবা লৈরি হায়না মহাক্না হায়খি।

সরকারগী লেবোরেতরী ২৮৮না লন্নাইগী লেব মখল ৯৭কা লোইননা  সেম্পল লৌনবা মফম ১৬,০০০ শিংদা নোংমদা তেস্ত ৬০,০০০ তৌদুনা থবক তৌরি হায়না মহাক্না হায়খি।  লাক্কদৌরিবা নুমিৎ খরনিগী মনুংদগীদি নোংমদা তেস্ত তৌবগী চাং অসি লাখ ১ য়ৌবা ঙম্নবা সরকারনা কন্না হোৎনরি হায়না মহাক্না হায়খি। 

হকশেল মন্ত্রীনা মখা তানা হায়খিবদা ভেক্সিন পুথোকপদা মতম শাংনা চংখিগদবা ওইবনা লোকদাউন অমসুং সোসিএল দিস্তেন্সিং তৌবা অসিনা য়াম্না কান্নবা ‘সোসিএল ভেক্সিন’ অমা ওইনা মথৌ তৌরি হায়না ফোংদোকখি। “সাইন্স অমসুং তেক্নোলোজীগী মন্ত্রালয়না, ঐগী ইখাদা, তেস্ত তৌবগী থৌওংশিং অসি হেন্না থুগৎহনবা য়ানবা অনৌবা ৱাখল্লোন কয়া অমদা থবক তৌরি অমসুং মসিগা মরী লৈনবা অকক্নবা প্রোজেক্ত খরদা শেলসু থাদরি” হায়না মহাক্না হায়খি।

রাজ্যশিং/য়ু.তি.শিং অমসুং থৱাই হকচাং য়াওনা থবক তৌমিন্নরিবা স্তেকহোলদরশিং অমসুং পার্তনরশিংগী মতেংনা ভারতনা কোবিদ-১৯গা লান্থেংনবদা মায় শোইদনা পাক্কনি হায়না হকশেলগী মন্ত্রীনা হায়খি।

****