এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪১১ পাইখ্রে। ফ্লাইৎশিং অসিগী মনুংদগী ২৩৭তি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখীবা কার্গো অসি তোন ৭৭৬.৭৩ ওইদুনা  ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,০৪,২২৪ হেল্লে। এপ্রিল ২৮, ২০২০দা পুখিবা কার্গো অসি তোন ২৮.০৫নি। ‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি। 

জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকপ্তর সর্বিস কয়া চলাইরি।  পৱন হন্সনা এপ্রিল ২৮, ২০২০ ফাওবদা অরাপ্পা কিলোমীতর ৭,২৫৭ পাইদুনা তোন ২.০গী কার্গো পুথোক পুশিন তৌখ্রে।  অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি। এয়র ইন্দিয়া অমসুং আই.এ.এফ.না মরু ওইনা জম্মু অমসুং কশ্মীর, লদাখ, ইথৎশিং অমসুং অৱাং নোঙপোক্কী লমদমশিংগী ওইনা পুন্না থবক তৌমিন্নরি।

দোমেস্তিক কার্গো ওপরেতর -  স্পাইসজেৎ, ব্লু দার্ত অমসুং ইন্দিগো অমসুং ভিস্তারানা কমর্সিএল ওইনা কার্গো ফ্লাইৎ পাইরী। স্পাইসজেৎনা ২০২০গী মার্চ ২৪ অমসুং এপ্রিল ২৮ ফাওবগী মনুংদা নোঙথক্কী অরাপ্পা কিলোমীতর ১১,৩৪,২০৪ পাইদুনা অমসুং কার্গো তোন ৪,৭৪১ পুদুনা কার্গো ফ্লাইৎ ৬৫১ পাইখি। মসিগী মনুংদা ২৩৩দি ইন্তর্নেস্নেল কার্গো ফ্লাইৎনি। ব্লু দার্তনা ২০২০গী মার্চ ২৫ অমসুং এপ্রিল ২৮ ফাওবগী মনুংদা নোঙথক্কী অরাপ্পা কিলোমীতর ২,৪৪,৬৪৩ পাইদুনা অমসুং কার্গো তোন ৩,৭৪২ পুদুনা দোমেস্তিক কার্গো ফ্লাইৎ ২২৪ পাইখি। মসিগী মনুংদা ১০দি ইন্তর্নেস্নেল কার্গো ফ্লাইৎনি। ইন্দিগোনা ইন্তর্নেস্নেল ফ্লাইৎ ১৮ য়াওনা ২০২০গী এপ্রিল ৩-২৮ ফাওবগী মনুংদা নোঙথক্কী অরাপ্পা কিলোমীতর ৯৬,৭৪২ পাইদুনা অমসুং কার্গো তোন ২৪৬ পুদুনা কার্গো ফ্লাইৎ ৫৯ পাইখি। মসিদা সরকারগীদমক্তা শেল লৌদনা মেদিকেল সপ্লাইশিং পুদুনা পাইখিবশু য়াওখি।  ভিস্তারানা ২০২০গী এপ্রিলগী ১৯- ২৮ ফাওবগী মনুংদা নোঙথক্কী অরাপ্পা কিলোমীতর ২০,৪৬৬ পাইদুনা অমসুং কার্গো তোন ১১৩ পুদুনা কার্গো ফ্লাইৎ ১৪ পাইখি।

ইন্তর্নেস্নেল সেক্তরদা নোংপোক এসিয়াগা ফার্মাস্যুতিকেলগী, মেদিকেলগী খুৎশু খুৎলাইশিং অমসুং কোবিদ-১৯গী তেংবাংনবা পোৎলমশিং পুথোক পুশিন তৌনবগীদমক কার্গো এয়র ব্রিজ অমা শেমখ্রে। এয়র ইন্দিয়ানা পুরকখিবা মেদিকেল কার্গো অসি পুন্না তোন ৬৬৮নি। 

মথক্তা পীরিবশিং অসিদগী অহেনবা ওইনা ব্লু দার্তনা এপ্রিল ১৪, ২০২০দগী হৌরগা এপ্রিল ২৮, ২০২০ ফাওবদা গ্বাংঝৌদগী মেদিকেল সপ্লাই চাওরাক্না তোন ১০৯ মুক পুদুনা পাইরকখ্রে। ব্লু দার্তনা এপ্রিল ২৫, ২০২০দা সাংহাইদগী মেদিকেল কার্গো তোন ৫ অমসু পুদুনা পাইরকখি। স্পাইসজেৎনসু এপ্রিল ২৮, ২০২০ ফাওবদা সাংহাইদগী মেদিকেল সপ্লাই তোন ১৪০ অমসুং হোং কোং অমসুং সিঙ্গাপুরদগীনা এপ্রিল ২৫, ২০২০ ফাওবদা মেদিকেল সপ্লাই তোন ১৩  পুদুনা পাইরকখ্রে।

****