কেন্দ্রগী রোদ ত্রান্সপোর্ত অমসুং হাইৱেজগী অমসুং এম.এস.এম.ই.এস.গী মন্ত্রী শ্রী নীতিন গদকারীনা ইন্তর স্তেৎ /য়ু.তি. বোর্দরশিংদা লৈরিবা ত্রক অমসুং লোরীশিংগী ব্লোকেৎশিং অসি অথুবা মতমদা কোমহন্নবা য়াম্না থুনা থবক থৌরাংশিং পাইখৎনবা খঙহল্লকখ্রে, লৈবাক অসিগী মফম কয়াদা তঙাইফদনা চংবা পোৎলমশিং কোম্না পুথোক-পুশিন তৌবা হায়বসি য়াম্না মরু ওই। কোবিদ-১৯গী লাইচৎ অসি লাকশিন্ননবা লাওথোকখিবা লোকদাউনগী মনুংদা মীয়ামগী পুন্সিদা অৱাবা লৈতনবা ত্রক/লোরীগী চৎথোক চৎশিনদা খুদোংচানবা অথুবদা মিৎয়েং চংবা তঙাইফদে হায়না মহাক্না হায়খি। ভিদিও কনফরেন্সকী খুত্থাংদা পাংথোখখিবা রাজ্য/য়ু.তি. রোদ ত্রান্সপোর্তকী মন্ত্রীশিংগী মীফম ৱা ঙাংলদুনা শ্রী গদকারীনা মন্ত্রীশিংদা লোকেল/দিস্ত্রিক্ত এদমিনিস্ত্রেশনশিংগী খুত্থাংদা মসিগী মতাংদা খুৎ থিংজিন্দুনা অমসুং মসিগী চপ চাবা ৱারোইশিন পুরক্নবা খঙহল্লকখ্রে। নসিগা লোইননা মহাক্না হেল্থ এদভাইজরীশিং অমসুং মতিক চানা লাপথোক্নবা, মাস্কশিং উপ্পা, সেনিতাইজরশিং শিজিন্নবা, দ্রাইভর/ক্লীনরশিং অনিমক্না অমসুং ধাবাশিংদসু অতোপ্পা গাইদলাইনশিং অসি নীংথিনা ইন্নবা মরু ওইনা খঙহল্লকখ্রে।

শ্রী গদকারীনা মখাতানা পল্লদুনা খঙহল্লকখ্রে মদুদি ফেক্তরীনচিংবা মফমশিংদা শিন্মী পুথোক পুশিন তৌবদা য়ামদ্রবদা মীতর অমগী অরাপ্পা লৈহনবা, মাস্কশিং উপ্পা, সেনিতাইজরশিং শিজিন্নবা অসিনচিংবশিং অসিগী হেল্থ প্রোতোকোলশিং ঙাক্না চৎহনগদবনি। অদুদসু নত্তনা মহাক্না শিন্মীশিংদা চান-থক্নবা অমসুং লৈফম পীবা মতমদা সোসিয়েল দিস্তেন্সিং অমসুং হাইজিনগী কাংলোনশিং ঙাক্না চৎননবা খঙহল্লকখ্রে।

পীরকখিবা সজেশন অমগী মতুং ইন্না শ্রী গদকারীনা খঙহল্লকখ্রে মদুদি মহাক্কী মন্ত্রালয়না ত্রান্সপোর্তেশনগা মরী লৈননা থেংনরিবা খুদোংচাদবশিং অদু কোকহন্নবা হেল্পলাইন অমা হৌদোক্লগনি।

রোদ ত্রান্সপোর্ত অমসুং হাইৱেজগী রাজ্যগী মন্ত্রী জেনরেল (থবক্তগী পোৎথারবা) ভি.কে. সিংহসু য়াওখি। ত্রান্সপোর্ত অমসুং পি.দবল্যু.দি.গী মন্ত্রীশিং/ দিপ্যুতি সি.এম.শিং, মিজোরম, হিমাচল প্রদেশ অমসুং অরুনাচল প্রদেশকী মুখ্য মন্ত্রীশিংসু রোদ ত্রান্সপোর্ত অমসুং হাইৱেজ মন্ত্রলয়গী সেক্রেতরী, মন্ত্রালয়গী সেনিয়র ওফিসিয়েলশিং, এন.ঐচ.এ.আই., এন.ঐচ.আই.দি.সি.এল. অসিনচিংবশিংগা লোইননা য়াওখি।

কেন্দ্র মন্ত্রী শ্রী গদকারীনা হায়খি মদুদি রোদ/ হাইৱেগী ইনফ্রস্ত্রকচর ফগৎহনবনা খ্বাইদগী মরু ওইনা লৌই অমসুং লাক্কদৌরিবা চহি খরগী মনুংদা হৌজিক ওইরিবা খোংজেল অসিগী সরুক ২দগী ৩ফাওবগী চাংদা নেস্নেল হাইৱেশিং শেম্বা হেনগৎহন্নবা থৌরাং তৌরি। মহাক্না রাজ্য.য়ু.তি.শিংদা খঙহনখি মদুদি লম লৌশিনবা থেংথবনা শেমগৎ শাগৎপগী থবক্কী খোংজেলদা অকাইবা লাকই অমসুং চাউরাক্না লুপা কোতি ২৫০০০ ফাওবগী মখোয়দা শিজিন্নদনা লৈরিবা ফন্দশিং অদু মখোয়না শিজিন্নবা হায়রকখ্রে।

অথুবদা ৱারেপ লৌনবগী হায়রদুনা শ্রী গদকারীনা হায়খি মদুদি ভারতপু ইকোনোমিক সুপর পাৱর অমসুং ত্রিলিয়ন ৫গী ইকোনোমী ওইহন্নবা খোংজেল য়াংনা ইকোনোমীক দিবেলপমেন্ত তৌবদা মসি য়াম্না মরু ওই। মন্ত্রীনা ত্রান্সপোর্ত ফেসিলিতীশিং/ ইনফ্রাস্ত্রকচরনা ইকোনোমীগী য়াংলেন শরু ওইরিবনি হায়নসু মরু ওইনা পনখি। প্রোজেক্তশিং অদু রেদ-তেপকী ভিক্তিম ওইদনবা ৱারেপ লৌবগী থৌওংদা মন্ত্রীশিংনা হকথেংননা য়েংশিনগদবনি হায়না খঙহল্লকখ্রে।

শ্রী গদকারীনা অনৌবা ৱাফম খরা হৌদোকখ্রে মদুদি রাজ্যগী ত্রান্সপোর্ত মন্ত্রীশিংনা মরু ওইনা খুঙ্গংগী মফমশিংদা এপ শিজিন্নবা চকা অনি পানবা গারীগী তেক্সিশিং চেলহনবগী থবক হৌদোক্কদবনি মসিনা লৌ উরিবা মীওইশিংদা কোম্না চৎথোক চৎশিন তৌবদা মতেং ওইগনি। মসিনা অনৌবা থবক তৌবগী খুদোংচাবা পীগনি। মখোয়না পব্লিক ত্রান্সপোর্ত অদু এল.এন.জি./সি.এন.জি. নত্ত্রগা ই-ভেহিকলদা ওন্থোক্নবসু হোৎনবা য়াই মসিনা ফ্যুএল বিলদা অচৌবা সেভিং তৌরকপা য়াই অমসুং মসিনা পোল্যুৎ তৌবা হন্থবা/য়াওদবা ফ্যুএলশিং ওইবনা এনভাইরনমেন্ততা মতেং পাংগনি।

জেনরেল (থবক্তগী পোত্থারবা) ভি.কে. সিংহনা ৱা ঙাংবদা রাজ্য অমসুং কেন্দ্রগী মরক্তা কোওর্দিনেশন ফজনা লৈনবনা প্রোজেক্ত অসি য়াংনা পাইখৎপদা মতেং পাংগনি হায়না পনখি। মহাক্না খুদম ওইনা পল্লদুনা হায়খি মদুদি কেন্দ্রগী এজেন্সী অমদগী অতোপ্পা অমদা থবকশিংগী মতাংদা শিন্দোকপা মতমদা তোঙানবা রেজিস্ত্রেশন/চার্জ লৌরোইদবনি হায়না হায়খি। অসিগুম্বা চৎনবী অসি থাদোক্কদবনি হায়না হায়খি।

তোঙান তোঙানবা সি.এম./ দিপুতী সি.এম.শিং/রাজ্যগী মন্ত্রীশিং/ য়ু.তি.শিংনা শ্রী গদকারীনা ফোংদোকখিবা ৱাফম অদুবু খোন্থাং য়ৈনা ফোংদোক্নরকখি অমসুং মখোয়গী রাজ্য/য়ু.তি.শিংদা লৈরিবা হাইৱে প্রোজেক্তশিং অদুবু য়াংনা পাইখৎপীনবগীদমক্তা হাইজরকখ্রে। মসিগী মতাংদা অঙম্বা মতং পাংগনি হায়বগী থজবা পীখি। রাজ্যশিং/য়ু.তি.শিংদা পন্দুনা লৈরিবা অখন্নবা প্রোজেক্তশিংদা রিফরেন্স শেমখ্রে। মন্ত্রী শ্রী গদকারী অমসুং এম.ও.এস. জেনরেল (থবক্তগী পোত্থারবা) শ্রী ভি.কে. সিংহগী মখাদা কেন্দ্রগী রোদ ত্রান্সপোর্ত অমসুং হাইৱেজ মন্ত্রালয়না তৌখিবা থবক অদু অখন্ননা থাগৎখ্রে।

লোকদাউন মনুংদা পাংথোকখিবা থবকশিং উত্তুনা প্রজেন্তেশন অমা তৌখি। লুপা কোতি ৫,৮৯,৬৪৮গী কিলোমীতর ৪৯,২৩৮ শাংবা প্রোজেক্ত ১৩১৫দা থবক কন্না পাইগৎলি হায়না মসিদা পল্লি, মসিগী মরক্তা চাউরাক্না লুপা কোতি ৩,০৬,২৫০ চংবা কিলোমীতর ৩০,৩০১ শাংবা প্রোজেক্ত ৮১৯দি পন্থদুনা লৈখ্রে। মসিদা রাজ্য অখন্নবা ইশুশিং শম্না হায়রবদা লম লৌশিনবদা পন্দুনা লৈরিবশিং, এনভাইরনমেন্ত ক্লিয়রেন্স অসিনচিংবশিং অসিনা প্রোজেক্ত অসি পাইখৎপদা থেংথহল্লিবনি। মসিদা শরুক য়ারিবা রাজ্যশিংদা হায়রকখ্রে মদুদি মখোয়না হাইৱে সেক্তরগী মফমদা থেংনরিবা অৱাবশিং অদু কোকহন্নবা তংতাবা খোংথাং লৌখৎকদবনি।

****