ফুদ প্রোসেসিং ইন্দস্ত্রীজ মন্ত্রালয়
শ্রীমতী হর্সিম্রৎ কৌর বাদলনা এফ.আই.সি.সি.আই. অমসুং মরুওইবা ইন্দস্ত্রীগী মীহুৎশিংগা লোইননা ভিদিও কনফরেন্স পাংথোকখ্রে
কেন্দ্রগী এফ.পি.আই. মন্ত্রীনা ইন্দস্ত্রীগী মীহুৎশিংনা মমাং থাদুনা লৌমীশিং নুংঙাইনবা চানবা হৱাই চেংৱাই অমসুং পত্থ-পুম্থগনবা পোত্থোকশিং লৈশিন্নবা তকশিনখ্রে
Posted On:
29 APR 2020 10:56AM by PIB Imphal
কেন্দ্রগী ফুদ প্রোসেসিং ইন্দস্ত্রীগী মন্ত্রী শ্রীমতী হর্সিম্রৎ কৌর বাদলনা ভিদিও কনফরেন্স অমগী ময়াই তাংবল লৌদুনা ফেদরেসন ওফ ইন্দিয়ান চেম্বর্স ওফ কম্মর্স অমসুং ইন্দস্ত্রী (এফ.আই.সি.সি.আই.) অমসুং মসিগী মীহুৎশিংগা লোইননা হৌজিক ওইরিবা ফুদ প্রোসেসিং ইন্দস্ত্রীগী ফিবম অমসুং লোকদাউন লোইরবা মতুংদা চংগদবশিংগী মতাংদা খন্ন-নৈনখ্রে।
কেন্দ্রগী এফ.পি.আই. মন্ত্রীবু এফ.আই.সি.সি.আই.গী সেক্রেতরী জেনরেল মিস্তর দিলিপ চেনোইনা তরাম্না ওকখি অমসুং লোকদাউন হেক হৌবদগী ফুদ ইন্দস্ত্রী অসিদা মন্ত্রীনা লেপ্পা লৈতনা মতেং পাংবীবগীদমক থাগৎখি।
কেন্দ্রগী মন্ত্রীনা কোবিদ-১৯ লাকশিন্নবা থৌরাংশিং নাথৈবা তৌদনা ইন্দস্ত্রীগী থবক থৌরমশিং হিংগৎহনবগী তঙাইফদবদু থমখি। মকোক থোংবা ওফিসিএলশিং অমসুং ইনভেস্ত ইন্দিয়াগী মীহুৎশিংনা লুচিংবা মন্ত্রালয় অসিগী তাস্ক ফোর্সনা মাংজৌননা ইন্দস্ত্রীগী মীহুৎশিংগা খুৎশম্নখ্রে অমসুং রাজ্য শিনথুংনা থেংনরিবা খুদোংচাদবা/শিংনবা কয়াদা মতেং পাংলি।
শ্রীমতী হর্সিম্রৎ কৌর বাদলনা লৈবাক অসিগী মফম কয়াদা লোক্লবা মহৈ-মরোংশিং অমসুং পত্থগনবা পোত্থোকশিং মাংলিবা অসিগী মতাংদা নুংনাংবা ফোংদোকখি। এপ্রিলগী ২৮, ২০২০দা পাংথোকখিবা ভিদিও কনফরেন্স অসিগী মনুংদা, কেন্দ্রগী মন্ত্রীনা মীহুৎ খুদিংমক্না থোক্লক্তুনা মসিগী লোক্লবা গেহু, ফৌ, উহৈ অমসুং মনা-মশীং অমসুং অতোপ্পা পত্থগনবা পোত্থোকশিংবু লৈশিন্দুনা মাংবা হন্থনবা অমসুং লৌমীশিংদা কান্নবা ফংজনবা ফোংদোকখি।
ইন্দস্ত্রীগী মীহুৎশিংনা মন্ত্রালয় অসিনা খুদক্তা খুৎ থিংজিনবা তঙাইফদবা হৌজিক থেংনরিবা খুদোংচাদবশিং পুখৎখি। মখোয়গী মনুংদা, কন্তেনমেন্ত জোনশিংদা থবক পায়খৎপা মতমদা চৎকদবা এস.ও.পি.শিং, রাজ্যগী থাক্তা লৈবা ফুদ প্রোসেসিং ইন্দস্ত্রীশিংগী খুদোংচাদবা কয়া মাইয়োক্ননবা অখন্নবা নোদল ওফিসর থম্বা, ফেসিলিতীশিং অমসুং সপ্লাই চেন মথৌ তৌবা য়ানবা শিন্মীশিংগী পাস পীবগী ওইবা মতীক চাবা প্রোতোকোল, কোবিদ ক্লস্তর/রিজনশিং খঙদোকপগী থৌওং য়েংশিনবনচিংবনি।
কন্তেনমেন্ত জোন্দা থবক তৌনবগীদমক শুগাইনা পীবা কাংলোনশিংগী ইন্দস্ত্রীনা থাংগৎলক্লিবা ৱাকৎশিং অমসুং মখোয়গী শিন্মীশিং ঙাক শেন্নবগী খোংথাং লৌখৎলবা মতুংদা ফেসিলিতীশিংদা শিন্মী ৬০-৭০% ফাওবা থবক শুবদা কেন্দ্রগী মন্ত্রীনা অয়াবা পীখি। ইন্দস্ত্রীনা রিতেল ইন্দস্ত্রীশিং হাংনবসু হৌদোকখি।
অচৌবা চানবগী পেকশিং য়ুম-য়ুমদা দিমান্দ তৌবা হেনগৎলকপনা ফুদ ইন্দস্ত্রী চাউখৎলকপগী মমি তারক্কনি হায়না মীহুৎশিংনা ফোংদোকখি, অমসুং সপ্লাই চেন্না নৌনা থবক হৌরকপগা ইন্দস্ত্রী অসি হিংগৎলক্কনি হায়নসু থমখি।
এফ.পি.আই.গী সেক্রেতরী শ্রীমতী পুস্পা সুব্রমনিয়মনা এফ.আই.সি.সি.আই. অমসুং মসিগী মীহুৎ পুম্নমকপু অসিগুম্বা লুরবা তাঞ্জা অসিদা চীঞ্জক্কী সপ্লাই পীনবা হোৎবীবগীদমক থাগৎপা ফোংদোকখি। লোজিস্তিক্স, ৱেয়রহাউস ওপরেসন, শিন্মীশিং অমসুং গারীশিংগী চত্থোক-চৎশিন য়ানবা সরকারনা মথৌ তাবা এদভাইজরীশিং ফোংখ্রে হায়নসু থমখি। এফ.পি.আই.গী সেক্রেতরীনা ইন্দস্ত্রীগী মীহুৎশিংদা অখন্নবা খুদোংচাদবশিং গ্রিভান্স সেলদা পুখত্তুনা হায়রিবা খুদোংচাদবশিং অসিবু কোকহন্নবা মখোয়গী তীমনা হোৎননবা থমখি। ফেসিলিতীশিংদা অহেনবা শিন্মীশিং থবক শুবা য়ানবা ইন্দস্ত্রীদগী ৱার্কিং মোদেল অমসু সরকারনা য়েংশিনবীনবা হায়খি। ফুদ ইন্দস্ত্রী অসিবু মপাঙ্গল কনখৎনবা করি তৌবা য়াবগে হায়বদু পুখৎলক্নবসু খঙহনখি।
এফ.আই.সি.সি.আই. ফুদ প্রোসেসিং কম্মিতীগী চেয়র অমসুং আই.তি.সি. ফুদ দিবিজনগী সি.ই.ও. মিস্তর হেমন্ত মালিক অমসুং ইন্দস্ত্রী অসিগী মরুওইবা মীহুৎশিংগী মনুংদা কার্গিল ইন্দিয়াগী প্রসিদেন্ত মিস্তর সাইমোন জিরোজ, কোকা কোলা ইন্দিয়াগী প্রসিদেন্ত মিস্তর তি. কৃষ্ণকুমার, কেলোগ ইন্দিয়াগী মেনেজিং দিরেক্তর শ্রী মোহিৎ আনন্দ, মোন্দেলেজ ইন্তর্নেস্নেল প্রসিদেন্ত ইন্দিয়া মিস্তর দিপক আইয়র, এম.তি.আর. ফুদকী সি.ই.ও. মিস্তর সঞ্জয় শর্ম, আমুলগী মেনেজিং দিরেক্তর মিসেস আর.এস. সোধী, জাইদস ৱেলনেসকী সি.ই.ও. মিস্তর তরুন আরোরাসু শরুক য়াদুনা ইদস্ত্রীগী ফিবম অমসুং হেন্না খুমাং চাউশিন্নবা মখোয়গী পাউদমশিং থমখি।
হায়রিবা রিকমেন্দেসনশিং অসি তঙাইফদবা থবকশিং লৌখৎনবগীদমক মরী লৈনবা মন্ত্রালয়শিংদা শিন্নখ্রে হায়না ইন্দস্ত্রীগী মীহুৎশিং অসিদা থমখি।
কেন্দ্রগী মন্ত্রী অসিনা ইন্দস্ত্রীগী মীহুৎশিং অসিদা মন্ত্রালয় অসিদগী মথৌ তাবা মতেং পুম্নমক পাংগনি হায়না থাজবা পীখি অমসুং তাস্ক ফোর্স অসিগা পাউ ফাওননবগী পাউতাকশিং ইন্দস্ত্রীগী মীহুৎ পুম্নমক্তা থমখি।
****
(Release ID: 1619229)
Visitor Counter : 187
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam