‘জল শক্তি অভিয়ান’—অসি হৌজিক-হৌজিক থোক্লিবা হকশেলগী খুদোংচাদবশিং অসি তংদু-লৈতাহন্নবা অমদি মখল কয়াগী মচাক্তগী খুঙ্গংগী শেন্মিৎলোন হেনগৎহন্নবনি। হন্দক্কী চহি অসিদা কোবিদ-১৯ গী অথুবদা তঙাইফদবা, অমদি খুঙ্গংগী লমশিংদা অচৌবা শিন্মীগী শক্তি লৈহন্দুনা লাক্কদৌরিবা মোন্সুনগীদমক্তা অভিয়ান অসি শেম-শারে। মসিগী কেস অসিগী ইহান-হানবদা, জোইন্ত এদভাইজরীনা রুরেল দিবেলপমেন্ত, দিপার্তমেন্ত ওফ ৱাতর রিসোর্স, রিভর দিবেলপমেন্ত অমসুং গঙ্গা রিজুবিনেসন, দিপার্তমেন্ত ওফ লেন্দ অমসুং রিসোর্স অমদি দিপার্তমেন্ত ওফ দ্রিঙ্কিং ৱাতর অমসুং সেনিতেসন্না রাজ্য/য়ুনিয়ন তেরিতোরীশিংগী চীফ সেক্রতরিএত্তা কুমসিগী লাক্কদৌরিবা মোন্সুনসিগী মতাংদা অমদি ঈশিং য়োকশিন্নবা অমদি অমুক হাপচিন্নবগী তৌগদবা থৌরাংশিং অসি লৈবাকসিগী ওইনা খ্বাইদগী মরুওইবনি।

মমাংগী চহিদা জল শক্তি অভিয়ান অসি হৌদোকখি অমদি মসিদা লৈবাক অসিদা ঈশিংগী অৱাবা মায়োক্নরিবা জীলা ২৫৬ য়াওখি।

মসিগী ‘অভিয়ান’ অসি স্তেকহোলদরশিং পুম্নমকপু ঈশিং য়োকশিনবরোমদা পুশিল্লক্নবা চংশিনবা খোংজংনি, মমাংগী চহিদা লৈবাক শিন-থুংনা ঈথিল পীখি। অভিয়ান অসিগী মখাদা রাজ্য সরকারশিং, কেন্দ্র সরকার, সিবিল সোসাইতী ওর্গনাইজেসনশিং, পঞ্চায়তী রাজ ইন্সতিত্যুসনশিং অমদি কম্যুনিতীশিংগী ওইবা মীওই করোর ৬কা মখায়না শরুক ওইখি। লাখ হুম্ফুতরামঙাদগী হেনবা নাৎকী অমদি অতৈ ঈশিং ফংফম অমদি তেঙ্কীশিং নৌনা শেমদোকখি অমদি ঈশিং য়োকশিন্নবা অমদি নোংগী ঈশিং লোকশিন্নবগী স্ত্রকচর শেমখি।

মীয়াম্না পাম্নবদগী পুক্নিং থৌগত্তুনা, কুমসিগী ওইনা হেন্না পাক-চাউবা অমদি অকনবা লাল্লোং শেম শারে। অদুবু হৌজিক্কী হকশেলগী তঙাই ফদবসি য়েংলগা হন্দক্কী কালেনসিদা কেন্দ্র সরকারগী ওফিসিএলশিং অভিয়ান অসিদা থবক তৌহল্লরোই। মসি য়েংলগা, মোন্সুনগী মতমদা নোং ফাজিন্দুনা থমহৌনবা অরৈবা রিসোর্সশিং শোয়দনা শিজিন্নরগনি অমদি শেম-শাবগী থবকশিংসু নীংথিজনা থমখ্রে।

হোম এফিয়র্স মন্ত্রালয়না লোকদাউনগী মতমদা এম.এন.জি.আর.ই.জি.এস.কী থবকশিং/থক্নবা ঈশিং অমদি সেনিতেসনগী থবকশিং হান্না ঈথৈ-লৌখোং অমদি ঈশিং যোকশিনবগী থবকশিং পাইখৎনবা অয়াবা পীখ্রে। ঈথৈ-লৌখোং অমদি ঈশিং য়োকশিন্নবগী সেক্তরশিংদা কেন্দ্র অমদি রাজ্যগী সেক্তরগী স্কীমশিং চুনবা মথং-মনাও নাইনা তৌগদবা এম.এন.জি.আর.ই.জি.এস.কী থবকশিংগা য়াওহন্নবা অয়াবা পীখ্রে। থবক পুম্বা সোসিএল দিস্তেন্সিং, মাইখুমশিং/মাস্কশিং অমদি অতৈ মথৌ তাবা চেকশিন-থৌরাংশিং লৌখৎকদবনি। নাৎকী ঈশিং ফংফমশিং, ঈশিং ফংফমশিংদা পীরকপা অপনবশিং লৌথোকপা, পাৎশিং অমদি পুখ্রিশিং লু-নালহনবা, ঈশিং থাজিনফম/ঈশিং থাদোকফমশিং শাবা/মপাঙ্গল কলহনবা, ঈশিং ফাজিন্দুনা থম্নবা মফমশিং শেম্বগী থবক্না হান্না পায়খৎকদবনি। মতৌ অসুম্না, অপীকপা তুরেলশিং অমুক নৌনা শেমগৎনবা কম্যুনিতী দ্রাইভন বেসিন মেনেজমেন্তকী থবকশিংনা তৌবা য়াই। অসিগুম্বা থবকশিং অসিনা খুঙ্গংশিংগী মফমশিংদা শোয়হন্দনা অমদি জল শক্তি মন্ত্রালয়না চত্থহল্লিবা জল জীবন মিসনবু মপাঙ্গল কনখৎহনগনি। জল জীবন মিসনগীদমক লমদুগী মীশিংনা থৌরাং তৌবা ভিলেজ এক্সন প্লান (ভি.এ.পি.)দা হাপচিল্লকপা ওইনা খুঙ্গংগী থবকশিংদা মপুং ওইবা ফ্রেমৱর্ক অমা ফংহল্লগনি।

****