(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং,ফিল্দ ওফিসশিংদগী ফংবা

পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লৈবাক অসিদা কোবিদ-১৯না নারবা অপুনবা মীওই ২৯,৪৩৫গী মনুংদা মীওই ৬,৮৬৮ নাবা ফরে, হায়রিবসি রিকোবরী রেৎ ২৩.৩% পীরে।
• মাইল/প্রি-সিম্পতোমেতিক ওইবা অনাবশিংগী ময়ুমদা আইসোলেসন তৌনবগী কাংলোনশিং ফোংখ্রে।
• এ.দি.বি.না সরকারনা কোবিদ-১৯ লাইচৎ থেংনরিবা অসিদা মতেং পাংনবগীদমক দোল্লর বিলিয়ন ১.৫গী মতেং পীগদৌরি।
• লোকদাউন লৈরবসু গেহু লৈশিনবা য়াওনা লোকপগী থবক নীংথিনা চত্থরি।
• লোকদাউন মনুংদা মমাংদা অমুক্তা ওইখিদ্রিবা মওংদা হার য়োনখ্রে।
•  করিগুম্বা কোবিদ-১৯না মরম ওইদুনা হিথাংফমগী ইমপ্লোয়ী/শিন্মীশিং পুন্সি মাংবা য়াওরকপদা  পীনবগীদমক লুপা লাখ ৫০গী খেতিপুরোন লাওথোকখ্রে।

     হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

হৌজিক ফাওবদা, কনবা ঙম্বগী চাং ২৩% ওইবগা লোইননা মীওই ৬,৮৬৮ কোবিদ-১৯দগী কনবা ঙম্লে। হৌজিক ফাওবদা ভারত্তা মীওই ২৯,৪৩৫ কোবিদ-১৯না নারি। লৈবাক অসিদা হান্ননা কেস লৈরম্বা জিল্লা ১৭ লৈমরম্মি অদুবু হায়রিবা জিল্লাশিংদা নুমিৎ ২৮নি অসিদা অনৌবা কেস লাকপা লেপখ্রে। হকশেল অমসুং য়াইফ-য়ুম্বাল মন্ত্রালয়না মাইলদ/প্রিসিমতোমেতিক ওইবা অনাবশিংগী য়ুমদা আইসোলেসন তৌনবগী চৎন-কাংলোনশিং থোকখ্রে। ময়ুমদা আইসোলেত তৌনবগী খুদোংচাবা লৈবা অনাবশিংনা মশাগী য়ুমদা আইসোলেসন তৌজবগী অয়াবা পীরে। কোবিদ-১৯গী প্লাজমা থেরাপী তৌনবগীদমক, আই.সি.এম.আর.না মাংজৌননা ময়েক শেংনা হায়খ্রে মদুদি, হৌজিক ফাওবদা কোবিদ-১৯গী ওইবা প্লাজমা থেরাপী য়াওনা এপ্রুব তৌরবা থেরাপী অমত্তা লৈত্রি। মসিসু হৌজিক কন্না চাংয়েং তৌরিবা থেরাপীশিংগী মনুংদা অমা ওইরি। অদুমওইনমক, হৌজিক ফাওবদা, মসিবু লাইয়েং অমনি হায়বগী প্রমান ওইবা য়াবা অমত্তা লৈত্রি। আই.সি.এম.আর.না মখোয়গী থিজিনবা লোইরদুনা মতীক চাবা সাইন্তিফিক ওইবা প্রমান লৈত্রিবা ফাওবা মসিবু রিসর্স অমসুং ত্রাইলগী ওইবা খক্তং নত্তনা শিজিন্নদনবা হায়রি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618722

ভারতকী কোবিদ-১৯গী খুদক্কী ওইবা রেস্পোন্সকীদমক দোল্লর বিলিয়ন ১.৫কী লোন এ.দি.বি.গা খুৎয়েক পীনখ্রে

ভারত সরকার অমসুং এসিয়ান দিবেলপমেন্ত বেঙ্ক অনীগী মরক্তা ঙসি কোবিদ-১৯ লাইচৎ অসিদা সরকারনা অথুবা রেস্পোন্স পীবা ঙম্নবগীদমক দোল্লর বিলিয়ন ১.৫কী লোনগী খুৎয়েক পীনখ্রে তৌনখ্রে, মসিনা মরুওইনা লাইনা অসিবু লাকশিনবা অমসুং ঙাকথোকপগা লোইননা লাইরবা অমসুং শেল-থুমদা শোত্থরবা কাংবুশিং, মরুওইনা নুপী অমসুং খুদোংচাবা ফংজদ্রবা কাংবুশিংবু শৌগৎনবা হোৎনবদা মীৎয়েং থম্লি। এ.দি.বি.গী বোর্দ ওফ দিরেক্তরশিংনা লাইচৎ অসিদগী থোক্লকপা হকশেলগী ওইবা অমাং-অতাদা য়েংশিন্নবা অমসুং সোসিও ইকোনোমিক্স সরকারনা ফগৎনবা হোৎনবদা শেলগী ওইবা মতেং পাংনবগীদমক অয়াবা পীখিবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618955

কেন্দ্রগী শেন্থং মখাদা গেহু লৈশিনবগী থবক খুমাং চাউশিল্লি

লৈবাক অসিগী মরু ওইরিবা প্রোক্যুরিং রাজ্যশিংদগী গেহু লৈশিনবগী থবক য়াম্না য়াংনা চংশিল্লি। তাং ২৬.০৪.২০২০ ফাওবদা কেন্দ্রগী পূলগীদমক গেহু মেত্রিক তন লাখ ৮৮.৬১ লৈশিনখ্রে। মসিগী মনুংদগী, অয়াম্বা শরুক্তি পঞ্জাবতগী মেত্রিক তন লাখ ৪৮.২৭ লৈখিবসিনি অমসুং মসিগী মতুংদা হরিয়ানাদগী মেত্রিক তন লাখ ১৯.০৭ লৈখি। হৌজিক লৈরিবা লৈশিনবগী খোংজেল অসিদা চৎলবদি হন্দক কুমগী মেত্রিক তন লাখ ৪০০ লৈশিন্দুনা থম্বগী পান্দম অদু য়ৌবা ঙমগনি থাজরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618747

লোকদাউনগী তাল্লক্তা লৈবাক শীনবা থুংনা গেহু লোকপগী থবক খুমাং চাউশিন্না চত্থরি

লৈবাক শীনবা থুংনা, লোকদাউনগী তাল্লক অসিদা গেহু লোকপগী থবক খোংজেল য়াংনা খুমাং চাউশিল্লি। খারিফ ২০২০গী মনুংদা, মহৈ-মরোং লোকপা অমসুং য়ৈবগা মরী লৈনবা এস.ও.পি.শিং লৌমীশিং অমসুং শিন্মীশিংনা নিংথীনা ইন্দুনা চৎলি। ভারত সরকারগী লৌউ-শিংউ, কোওপরেসন অমসুং লৌমীশিংগী য়াইফ-থৌরাংগী বিভাগনা রাজ্যশিংদা লৌমীশিং অমসুং ফার্মদা শুরিবা শিন্মীশিংগী হকশেলদা  অশোই-অঙাম য়াওদনবা অমসুং কোরোনা ভাইরস শন্দোকপা লাকশিন্নবা এস.ও.পি.শিং থোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618891

লোকদাউনগী মনুংদা মমাংদা থোকখিদ্রিবা মওংদা হার য়োনখ্রে

লৈবাক শীনবা থুংনা চত্থরিবা কোবিদ-১৯গী লোকদাউন অসিগী মনুংদা, লৌমীশিংদা মমাংদা য়োনখিদ্রিবা মওংদা হার য়োনখ্রে। এপ্রিল ১-২২, ২০২০গী মনুংদা, লৌমীশিংদা য়োনখিবা হারগী পি.ও.পি. অসি মেত্রিক তন লাখ ১০.৬৩নি, মসি মমাং চহীদা য়োনখিবা মেত্রিক তন লাখ ৮.০২দগী চাদা ৩২ হেল্লি। লৈবাক শীনবা থুংনা চত্থরিবা কোবিদ-১৯না মরম ওইদুনা চত্থোক-চৎশিন য়াদবা তারবসু, ফর্তিলাইজর, রেলৱেগী বিভাগ, রাজ্যশিং অমসুং হিথাংফমশিংনা কন্না হোৎনবদগী লৈবাক অসিদা হার পুথোকপগী থবক অকায়বা য়াওদনা চত্থরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618967

হিথাংফমদা লৈবা ইম্প্লোয়ীশিং/শিন্মীশিং, করিগুম্বা কোবিদ-১৯না মরম ওইদুনা পুন্সি মাংবা য়াওরকপা মতমদা পীনবগী লুপা লাখ ৫০গী খেতিপুরোন লাউথোকখ্রে

সিপিংগী মন্ত্রালয়না মরুওইবা হিথাংফমশিংনা করিগুম্বা কোবিদ-১৯না মরম ওইদুনা পুন্সি মাংবা য়াওরকপা মতমদা অতোপ্পা কন্ত্রেক্তা থবক শুবা মীওইশিং য়াওনা হিথাংফমগী ইম্প্লোয়ীশিংদা তাংদুনা হিংলম্বা ইমুংগী মীওইশিংদা/লিগেল ওইরবা মখোয়গী সম্পতি কোলহৌগদবশিংদা পীনবা লুপা লাখ ৫০গী খেতিপুরোন/এক্স গ্রেসিয়া পীনবা লেপখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618891

লোকদাউন মনুংদা ই.পি.এফ.ও.না কোবিদ-১৯ ক্লেম য়াওনা পি.এম.জি.কে.ৱাই.গী মখাদা লাখ ১৩ গী ক্লেম সেত্তল তৌখ্রে

লোকদাউন মনুংদা ই.পি.এফ. থাদোকপগী চাং থুগৎহল্লদুনা, ইম্প্লোয়ীশিংগী প্রোবিদেন্ত ফন্দ ওর্গনাইজেসন (ই.পি.এফ.ও.)না লাখ ৭.৪০গী কোবিদ-১৯ ক্লেম য়াওনা প্রধান মন্ত্রী গরিব কাল্যান য়োজনা (পি.এম.জি.কে.ৱাই.)গী মখাদা লাখ ১২.৯১গী ক্লেম সেত্তল তৌখ্রে। মসিনা লুপা করোর ৪৬৮৪.৫২ থাদোক্লি, হাইরিবসি  পি.এম.জি.কে.ৱাই.গী মখাদা লুপা করোর ২৩৬৭.৬৫কী কোবিদ ক্লেম য়াওরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618924

শ্রী গদকারীনা কোবিদ-১৯গী মনুংদা মীয়ামগী পুন্সি নুঙাইনবগীদমক রাজ্যশিংগী মরক্তা তঙাই ফদবা পোৎলমশিং পুবা ত্রক/লোরিশিংগী চত্থোক-চৎশিন অথুবদা কোমহন্নবা হায়খ্রে

রোদ ত্রান্সপোর্ত অমসুং হাইৱে অমসুং এম.এস.এম.ই.এস.কী কেন্দ্রগী মন্ত্রী ওইরিবা শ্রী নিতিন গদকারীনা রাজ্য/য়ু.তি.শিংদা লৈবাক অসিদা লৈরিবা মফম খুদিংদা তঙাই ফদবা পোৎলমশিং য়ৌহন্নবগীদমক ঙম্লিবমখৈ থুনা রাজ্যশিং/য়ু.তি.শিংদা ত্রক অমসুং লোরিশিং চত্থোক-চৎশিন তৌবদা অথিংবা পীবশিং তকথোক্নবা হায়খ্রে। রাজ্য/য়ু.তি.গী রোদ ত্রান্সপোর্ত মন্ত্রীগা ভিদিও কনফরেন্সিংগী খুথাংদা ৱারী শারদুনা শ্রী গদকারীনা মন্ত্রীশিংদা লোকেল/জিল্লাগী এদমিনিস্ত্রেসনশিংগা হোৎনদুনা অথুবদা খুৎ থিংজিন্নবা খংহনখি। মহাক্না মখা তানা শিন্মীশিংবু ফেক্তরিশিংদা চত্থোক-চৎশিন তৌবদসু হেলথ প্রোতোকোলশিং নিংথীনা ইলহন্নবা খংহনখি। মহাকনা মখা তানা শিন্মীশিংদা চান-থক্নবা পীবা মতমদা সোসিএল দিস্তেন্সিংগী কাংলোনশিং নিংথীনা ইন্নবা হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618930

প্রধান মন্ত্রী অমসুং ইন্দোনেসিয়াগী রাস্ত্রপতিগা তেলিফোন্দা শানখিবা ৱারী

প্রধান মন্ত্রী শ্রী নরেন্দ্র মোদী অমসুং ইন্দোনেসিয়াগী রাস্ত্রপতি হীজ এক্সীলেন্সি জোকো ৱিদোদোগা ঙসি ফোন্দা ৱারী শানখ্রে। লুচিংবা অনীনা লৈবাক অসিদা অমসুং মালেমদা কোবিদ-১৯ লাইচৎ শন্দোরকপগী মতাংদা মোৎ পীনখি। ইন্দোনেসিয়াগী রাস্ত্রপতিনা ভারত সরকারনা ফার্মাস্যুতিকেল প্রদক্তশিং ইন্দোনেসিয়াদা পীবীবগীদমক থাগৎপা ফোংদোকখি। মেদিকেলগী পোত্থোকশিং নত্ত্রগা অতোপ্পা পোৎলমশিং লৈবাক অনীগী মরক্তা পীথোক-পীশিন তৌনবদা থিন্থদনবা ভারতনা অঙম্বা থাক্তা হোৎনগনি হায়না প্রধান মন্ত্রীনা থাজবা পীখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618917

ঙাকশেল মন্ত্রীনা কোবিদ-১৯ লাকশিন্নবা হোৎনরিবা দি.পি.এস.য়ু.শিং অমসুং ও.এফ.বি.গী তেংবাংশিং অমসুং মখোয়গী লোকদাউন মতুংগী ওপরেসনেল প্লানশিং য়েংশিনখ্রে

শ্রী রাজনাথ সিংহনা দি.পি.এস.য়ু.শিংনা কোবিদ-১৯ থেংননবগীদমক অনৌবা পোত্থোকশিং শাবদা উৎলিবা মখোয়গী হৈশিংবশিং অমসুং মখোয়না লোকেল এদমিনিস্ত্রেসনশিংদা মখল-মখলগী তেংবাং পীরিবশিংবু শিংথাখ্রে। ঙাকশেল মন্ত্রীনা মখোয়দা লোকদাউন লৌথোকখ্রবা মতুংদা হান্না মাংখিবা থবক্কী মতমশিং মেনখৎনবা থবক্কী মতম শাংদোক্তুনা পোত্থোক পুথোকপা হেনগৎনবা অফবা প্লানশিং শেম্নবা তকশিনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618912

উইদাইনা সি.এস.সি.গী খুথাংদা আধার অপদেত তৌবা য়াহনখ্রে

খুঙ্গংগী মফমশিংদা হিংলিবা মীওই কয়াগী খুদোংচাদবা কোক্নবা খোংথাং অমা ওইনা, য়ুনিক আইদেন্তিফিকেসন ওথোরিতি ওফ ইন্দিয়া (উইদাই)না আই.তি. অমসুং ইলেক্ত্রোনিক্স মন্ত্রালয়গী এস.পি. অমা ওইরিবা কমন সর্বিস সেন্তরশিংদা আধার অপদেত তৌবগী খুদোংচাবা মখোয়গী বেঙ্কিং করেস্পোন্দেন্স ওইনা মথৌ তৌরিবা সি.এস.সি. ২০,০০০ অমুক হন্না য়াহনখ্রে হায়না কম্যুনিকেসন, মৈতী অমসুং লো অমসুং জস্তিসকী কেন্দ্রগী মন্ত্রী শ্রী রবি সঙ্কর প্রসাদনা ত্বীৎ অমদা ফোংদোকখ্রে। হৌজিক্তি সি.এস.সি. ২০,০০০ লোম্না মীয়ামগী সেবা তৌবা ফংলগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618913

শ্রী মন্সুখ মান্দবিয়ানা ভারতকী হিথাংফমশিংগী ক্র্যু হোংবগী মতাংদা তোঙান-তোঙানবা এসোসিয়েসনশিংগা ৱারী শানখ্রে।

রাজ্যগী সিপিংগী কেন্দ্রগী মন্ত্রী (আও.সি.) ওইরিবা শ্রী মন্সুখ মান্দবিয়ানা ভিদিও কনফরেন্সকী খুথাংদা সিপ লাইনরশিং, সিপিং কম্পেনিশিং, মেরিতাইম এসোসিয়েসনশিং, সিফেররশিংগী য়ুনিয়নগা ভারতকী হিথাংফমশিংদা ক্র্যু হোংবগী মতাং অমসুং অন্তরজাতিগী ঈশিং শরুক্তা পন্দুনা লৈরিবা ভারতকী হিহোনবশিং য়াওনা হিহোনবশিংগী ফিবমগী মতাংদা ৱারী শানখ্রে।  

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618890

কেন্দ্রগী হ্যুমেন রিসোর্স চাউখৎ-থৌরাংগী মন্ত্রীনা লৈবাক অসিদা লৈরিবা মমা-মপা ওইবশিংগা কোবিদ-১৯না মরম ওইদুনা ওইরক্লিবা ফিবমশিংগী মতাংদা ৱেবিনারগী খুথাংদা ৱারী শানখ্রে

মন্ত্রী অসিনা, মহাক্কী ৱেবিনারগী খুথাংদা, মমা-মপা ওইবশিংদা মন্ত্রালয় অসিনা পায়খৎলিবা তোঙান-তোঙানবা ওনলাইন এদ্যুকেসনগী ওইবা কেম্পেনশিং অমসুং থৌশিলশিংগী মতাংদা পাউদমখ্রে। মন্ত্রালয় অসিনা মহৈরোইশিংগী লাইরিক লাইশুগী মরমদা য়াম্না লুম্না লৌই, মরম অসিনা ঐখোয়না লৈবাক অসিগী মহৈরোই করোর ৩৩দা কান্নবা ফংগদবা থৌরাং কয়া চত্থরি হায়না মন্ত্রীনা থমখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618724

খুঙ্গং চাউখৎ-থৌরাং অমসুং পঞ্চায়তি রাজকী মন্ত্রী শ্রী নরেন্দ্র সিংহ তোমারনা এস.ভি.এ.এম.আই.তি.ভি.এ. থৌশিলগী মতাংদা চৎন-কাংলোনশিং ফোংখ্রে

মসিগী থৌসিল অসিনা খুঙ্গংগী মফমশিংদা প্লানিং অমসুং রেবিন্যু কল্লেক্সনবু স্ত্রিম্লাইন তৌবদা মতেং পাংলনি অমসুং প্রোপর্তি রাইতশিংগী চয়েৎনবা হন্থহনবদা মতেং ওইরনি; হায়রিবা থৌসিল অসিনা দ্রোন সর্ভেয়িং তেক্নোলোজি শিজিন্নদুনা হেন্না মগুন লৈবা গ্রাম পঞ্চায়ৎ দিবেলপমেন্ত প্লানশিং শেম্বা ঙমহল্লগনি। শ্রী নরেন্দ্র সিংহ তোমারনা হায়রিবা থৌরম অসিদা ই-গ্রাম স্বারাজকা মরী লৈননা স্তেন্দার্দ ওপরেতিং প্রোসিজ্যুর (এস.ও.পি.) অমসু ফোংখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618735

লৈবাক পুম্বদা মরুওইবা পোৎলম অমসুং মেদিকেল সপ্লাইশিং য়ৌহন্নবা লাইফলাইন উরান ফ্লাইৎ ৪০৩ ওপরেৎ তৌরি

দোমেস্তিক সেক্তরদা এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ কেরীয়রশিংনা লাইফলাইন উরানগী মখাদা ফ্লাইৎ ৪০৩ ওপরেৎ তৌরি। মসিগী মনুংদা ফ্লাইৎ ২৩৫দি এয়র ইন্দিয়া অমসুং এলাইন্স এয়রনা ওপরেৎ তৌরি। ২০২০গী এপ্রিল ২৭ ফাওবদা লৈবাক পুম্বগী প্রজাশিংগীদমক মরুওইবা পোৎলম অমসুং মেদিকেল সপ্লাই তন ৭৪৮.৬৮ য়ৌহন্নবা লাইফলাইন উরান ফ্লাইৎশিংনা কিলোমীতর ৩,৯৭,৬৩২গী অরাপ্পা পাইখ্রে। কোবিদ-১৯গী মায়োক্তা ভারতকী লান্দা তেঙবাংনবা লৈবাক্কী মনুং হুঞ্জিনবা শরুকশিংদা মরুওইবা মেদিকেল কার্গো ত্রান্সপোর্ত তৌনবা সিবিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি। প্রাইবেৎ ওপরেতরশিং স্পাইসজেৎ, ব্লু দার্ত, ইন্দিগো অমসুং ভিস্তারানা কম্মর্সিয়েল বেসিসতা কার্গো ফ্লাইৎশিং ওপরেৎ তৌরি।

অকুপ্পা ৱারোলগীদমক, https://pib.gov.in/PressReleseDetailm.aspx?PRID=1618927

ক্লাস সেন্ত্রেল লিস্ততা ২০১৯গী খ্বাইদগী ফবা ওনলাইন কোর্সতা স্বায়মগী কোর্স তরুক য়াওরে

ক্লাস সেন্ত্রেল (স্তানফোর্দ, এম.আই.তি., হার্বার্দ, অসিনচিংবা য়ুনিবর্সিতিশিংদগী এম.ও.ও.সি. এগ্রেগেতর হায়নসু খংনবা শেল তিংদবা ওনলাইন কোর্স অমা)না ২০১৯গী ওইবা খ্বাইদগী ফবা ওনলাইন কোর্স ৩০গী লিস্ত ফোংখ্রে, হায়রিবসিদা স্বায়মদগী কোর্স ৬ য়াওরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618725

কেন্দ্র সরকারগী থৌমীশিংদগী এলাৱেন্সশিং কক্লোই, পি.আই.বি. ফেক্ত চেকনা অরানবা পাউ ফাবা

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618805

কোবিদ-১৯ লাইচৎকী মনুংদা আই.এ.এস. ওফিসরশিংগী ত্রেনিং প্রোগ্রামশিং চয়েৎনবা লৈতনা ওনলাইন্দা  মখা চত্থবগীদমক দা. জিতেন্দ্র সিংহনা এল.বি.এস.এন.এ.এ.বু থাগৎপা ফোংদোকখ্রে

একাদেমী অসিনা তেক্নোলোজি অমসুং লর্নিং মেনেজমেন্ত সিস্তেম অমসুং ওফিসর ত্রেনীশিংগী অরৈবা ইনপুৎ অমসুং এসাইন্মেন্তশিংগী খুথাংদা মখোয়গী ত্রেনিংবু মখোয়গী গ্যান পোর্তেলদা থাদোক্তুনা অনৌবা মওং অমদা হোংলে।  মসিগী থবক অসিদা হেন্না ফনবগীদমক ইন্তরনেত রেদিও ফেসিলিতি শিজিনরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618805

ভরানসি স্মার্ত সিতিনা কোবিদ-১৯ শন্দোকপা লাকশিন্নবগীদমক সেন্সিতিব ওইবা এরিয়াশিংদা সেনিতাইজ তৌনবা দ্রোন শিজিন্নরি

ভরানসি স্মার্ত সিতিনা স্মার্ত সিতি মিসনগী মখাদা ভরানসিগী অখন্নবা মফমশিং সেনিতাইজর কাপথোক্নবগীদমক চেনাইদা লৈবা কম্পনি অমগী ‘গরুদা এরোস্পেস প্রাইবেত লিমিতেদ’ শিজিন্নখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618733

কোবিদ-১৯ সেম্পল খোম্নবগীদমক আগর্তলা স্মার্ত সিতিনা মোবাইল কিয়োক্স শিজিন্নরি

আগর্তলা স্মার্ত সিতিনা সহর অসিগী চীফ মেদিকেল ওফিসরদা মোবাইল কোবিদ-১৯ সেম্পল কল্লেক্সন কিয়োক্স অমা শাদুনা খুৎশিন্নখ্রে। কিয়োক্স অসিনা সেম্পল খোমজিল্লিবা দোক্তরশিংবু ঙাকথোকই অমসুং পর্সনেল প্রোতেক্সন ইক্বীপমেন্ত (পি.পি.ই.) মাংহনবসু হন্থহল্লি। মসিগী অনৌবা খোংথাং অসি কোবিদ-১৯ থেংননবা  হোৎনবদা আগর্তলানা লৌখৎপা মরুওইবা খোংথাং অমনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1618971 

পি.আই.বি. ফিলদ ওফিসশিংদগী ফংবা পাউ

• চান্দিগরঃ চান্দিগরগী এদমিনিস্ত্রেসন্না ফাইনান্স সেক্রেতরি শ্রী এ.কে. সিনহানা চেয়র লৌদুনা চান্দিগরদা কর্ফিয়ু লোইরবা মতুংদা এদমিনিস্ত্রেসন অসিনা লৌখৎকদবা খোংথাংশিং য়েংশিন্নবা অমসুং পাউতাক পীনবা কমিতি অমা শেমখ্রে। কমিতি অসিগী পাউতাকশিংদা য়াওবা য়ারিবশিংদি, পব্লিক ত্রান্সপোর্ত, মহৈলোইশঙ অমসুং কোলেজশিং হাংবা, হোস্পিতালিতিগী ইন্দস্ত্রি, ইন্দস্ত্রি/ফেক্তরি/দুকানশিং হাংবা, রাজ্য অসিগী মনুংদা চত্থোক-চৎশিন তৌবা, ওফিসশিং হাংবনচিংবগা মরী লৈনবা পাউতাকশিংনি।
• পঞ্জাবঃ মুখ্য মন্ত্রীনা মন্দিশিংদগী পোৎচৈ লৈশিনবগী থবক থৌরমশিং চত্তুনা য়েংশিল্লুনবা আই.এ.এস. ওফিসর তরুক থাখ্রে অমসুং মখোয়না এপ্রিল ৩০ ফাওবগী মনুংদা রিপোর্ত পীখৎলক্নবা খংহনখ্রে। মখোয়দা মরুওইনা কর্ফিয়ু পাসকী চৎন-পথাপশিং য়েংশিন্নবা, অপীবা মন্দিশিংদা খুঙ্গং-খুঙ্গংদগী লাকপা গেহুশিং, গেহুগী মগুন য়েংশিন্নবা, অমসুং কোবিদ-১৯গী তৌগদবশিং পীরিবদু চৎলিব্রা য়েংশিনবগী থবক শিন্নখি। নান্দেদতগী পন্দুনা লৈরিবা য়াত্রিকশিং য়াওনা রাজস্থান্দগী শিন্মীশিং অমসুং মহৈরোইশিং পঞ্জাবতা লৈবা মখোয়গী ময়ুমশিংদা য়ৌবা ঙম্লিবনা, পঞ্জাব সরকারনা লোকদাউন্না মরম ওইদুনা লৈবাক অসিগী কোনুংদা লৈবা মজনু কা তিলা গুরুদ্বারাদা পন্দুনা লৈরিবা সিখ য়াত্রিক ২৫০বু অশোই অঙাম য়াওদনা পুরক্নবগীদমক দিল্লী সরকারগা পাউ ফাওনখ্রে।
• হরিয়ানাঃ মুখ্য মন্ত্রীনা ভারত সরকারদা এন.দি.এ., ইঞ্জিনীয়রিং কোলেজ অমসুং মেদিকেল কোলেজশিংদা মিং চন্নবগীদমক থাগদবা কম্বাইন দিফেন্স সর্বিস, জে.ই.ই. অমসুং নীতকুম্বা কম্পিতিতিব একজামগী তাং মফম খংদনা লৈরিবসি কোক্নবা খোংথাং অথুবদা লৌখৎনবা তকশিনখি। কোবিদ-১৯ লোকদাউনগী তাল্লক্তা, হরিয়ানা পুলিসনা মীয়ামদা মখোয়গী বেঙ্ক একাউন্তগী শেল লোন্না লৌথোকখিবা য়াবগী খুদোংচাবা লৈবনা ৱাৎসঅপ নত্ত্রগা ইমেলদা লাকপা চিংননিঙাই ওইবা লিঙ্কশিংদা ইশাগী পর্সনেল দেতাশিং পীথোকপীদনবা পাউতাক পীখ্রে।
• হিমাচল প্রদেশঃ রাজ্য সরকার অসিনা হৌদোকখিবা হিমাচল প্রদেশ মুখ্য মন্ত্রীগী ইসেন্সিএল মেদিকেল হেল্পলাইন্না হৌজিক ওইরিবা খুদোংচাদ্রবা মতম অসিদা রাজ্য অসিদা লৈরিবা মীওই কয়াদা মতেং পাংবা ঙমখ্রে। অনাবা ১৫০০ হেনবনা সিরমৌর জিল্লাদা মশাগী ময়ুমদা হিদাক ফংহনখ্রে।
• কেরলাঃ কেরলাগী ঐচ.সি.না রাজ্যগী সরকারনা কোবিদকা লান্থেংননবা হায়দুনা সরকারগী থবক তৌবা মীওইশিংগী থাগী তোলোব কক্কদবনি হায়না থোকখিবা ওর্দর অদু য়াখিদ্রে। রাজ্য অসিগী অচৌবা ললোন ইতিক্কী মফমশিং অমসুং ফেক্তরিশিং তপ্না তপ্না থবক তৌবা হৌনরে। এফ.এ.সি.তি., কোচি রিফাইনরি, ঐচ.এম.তি., কোচিন শীপয়ার্দ অমসুং ঐচ.এল.এল.গুম্বা পি.এস.য়ু.শিংসু অকক্নবা স্তাফশিংগা লোইননা থবক তৌবা হৌখ্রে। ঙরাং ফাওবদা কনফর্ম ওইবা অপুনবা কেস: ৪৮১, এক্তিব কেস: ১২৩, ফখ্রবা কেস: ৩৫৫।   
• তামিল নাদু: সি.এম.না কেন্দ্র সরকারদগী অহেনবা শেলগী তেংবাং অমসুং তেস্ত কিৎ পিবীনবা হায়খ্রে। চেন্নাইদা পুলিস্কী মীওই অনি অমসু পোজিতিব ওইরে। চেন্নাই রজিব গান্ধী হোস্পিতালদগী ৱাখল চোইরবা কোবিদ-১৯গী অনাবা অমা নান্থোক্তুনা চেনখ্রবা মতুংদা ময়ুমদা য়ৌখ্রে; পুলিস্কী মতেংনা হোস্পিতালদা অমুক পুরকখ্রে। ঙরাং ফাওবদা ওইবা অপুনবা কেস: ১৯৩৭, এক্তিব কেস: ৮০৯, শিখ্রবা: ২৪, দিসচার্জ তৌখ্রবা: ১১০১; চেন্নাইগী ওইবা খ্বাইদগী য়াম্বা কেস: ৫৭০।
• করনাতকা: ঙসি কেস ৮ কনফার্ম ওইখি। অপুনবা কেস: ৫২০; কালবুর্গি: ৬, বেঙ্গলোর অমসুং গদগ: অমমম। হৌজিক ফাওবদা ২৯ শিরে অমসুং ১৯৮ দিসচার্জ তৌখ্রে। কোবিদকী কেস লৈতবা মফমশিংদা লোকদাউনগী চৎন কাংলোন খরা কোমথোকখ্রে।
• অন্ধ্র প্রদেশ: মমাংগী পুং ২৪দা অনৌবা কেস ৮২ লাকখি; হৌজিক ফাওবদা ওইবা অপুনবা কেস: ১২৫৯; এক্তিব কেস: ৯৭০, নাবা ফরবা মশীং: ২৫৮, অশিবা: ৩১। হৌখিবা নুমিৎ হুম্নিদা মীওই অমত্তা শিখিদে। রাজ্য সরকারনা ‘জগন্ননা বিদ্যা দীবেনা’ স্কিমগী মখাদা মহৈরোই লাখ ১৪ মুক্কী ফী অসি ১০০% হন্দোক্নবা হায়দুনা লুপা কোতি ৪০০০ থাদোকখ্রে।  গুজরাত্তা পন্দুনা লৈবা চাওরাক্না ঙামী ৫,০০০ পুরক্নবা থবক পাইখৎপা হৌখ্রে। সরকারনা ক্রেদিৎ কার্দ লাখ ৫৬ অমসুং দেবিৎ কার্দ লাখ ৫৬ লৌউবশিংদা খরিফ কুমগী মনুংদা য়েন্থোক্ননবা হায়খ্রে। পোজিতিব কেস্তা মকোক থংলিবা জিলাশিং: কুরনুল (৩৩২), গুন্তুর (২৫৪), কৃষ্ণ (২২৩)।
• তেলঙ্গানা: রাজ্য সরকারনা জিলা ২১দা কোবিদ লৈত্রে হায়না লাওথোরকপা য়াই। অতোপ্পা লমদগী লাকপা শিন্মীগী মশীং ৱাৎপনা লোকদাউন লোইরবা মতুংদা রাজ্যগী শেন্মিৎলোন্দা অকাইবা ওইরকপা য়াই; রাজ্য অসিনা মপান্দগী লাকপা শিন্মী লাখ ৭ মুক্কী মখা পোল্লিবনি। অপুনবা কেস: ১০০৩, এক্তিব কেস: ৬৪৬।
• অরুনাচল প্রদেশ: রাজ্য অসিদা য়ুমথোং খুদিংদা চত্তুনা য়োন্নবা হায়দুনা লৌউবশিংদগী হকথেংননা মনা মশীং খোমজিন্নবা এগ্রিকলচরেল প্রোদ্যুস মার্কেতিং কমিতিদা শিন্নখ্রে।
• অসাম: হকশেলগী মন্ত্রী হিমন্তা বিস্বা সর্মনা মরকজ য়াওরুবা অমগা নকশিন্নরুবী সলমারা, বোঙ্গাইগাও জিলাদা লৈবী চহী ১৬ শুরবী নুপী মচা অমা কোবিদ-১৯গী পোজিতিব ওইখ্রে।
• মনপুর: নিশাদা লাইচুরবশিংবু কোবিদ-১৯দগী ঙাকথোক্নবা হায়দুনা রাজ্য অসিদা শেলতর হোম কয়া অমা শেম শাখ্রে।
• মিজোরাম: ভিলেজ টাস্ক ফোর্সেসকী মীওইশিংবু পোত্থাহন্নবা রাজ্যগী অমসুং মীরমগী ঙমখৈদা পুলিস্কী মীওই হেন্না থাজিন্নবা হায়দুনা মরু ওইবা ওপোজিসন পার্তি ওইরিবা জোরাম পীপলস মুবমেন্তনা রাজ্য সরকারদা হায়খ্রে।
• নাগালেন্দ: কোহিমাদা লোকদাউন ঙৈহাক কোমথোকপদা কৈথেলশিংদা মী য়াম্না তিনখি। অয়ুক্কী পুং ৭তগী নুংথিলগী পুং ২ ফাওবা দুকানশিং হাংনখি।
• সিক্কিম: রাজ্য সরকারনা রাজ্য অসিগী ৱাংমদা পন্দুনা লৈরিবা মীওইশিংগী অকুপ্পা মরোল খোমজিনবা হৌরে হায়না সি.এম.না হাইখ্রে।
• ত্রিপুরা: ঙসিদগী হৌনা অগরতলা শহরগী মরু ওইবা কৈথেলশিংদা থর্মেল স্কেন্নর শিজিন্নবা হৌখ্রে।

পি.আই.বি.গী ফেক্তচেক