প্রধানমন্ত্রীগী লোইশঙ
প্রধান মন্ত্রী অমসুং ইন্দোনেসিয়াগী রাস্ত্রপতিনা তেলিফোন্দা ৱারী শানখ্রে
Posted On:
28 APR 2020 3:27PM by PIB Imphal
প্রধান মন্ত্রী শ্রী নরেন্দ্র মোদী অমসুং ইন্দোনেসিয়াগী রাস্ত্রপতি হিজ এক্সীলেন্সী জোকো ৱিদোদোগা ঙসি ফোন্দা ৱারী শানখ্রে।
লুচিংবা অনীনা লৈবাক অসিদা অমসুং মালেমদা কোবিদ-১৯ লাইচৎ শন্দোরকপগী মতাংদা মোৎ পীনখি।
ইন্দোনেসিয়াগী রাস্ত্রপতিনা ভারত সরকারনা ফার্মাস্যুতিকেল প্রদক্তশিং ইন্দোনেসিয়াদা পীবীবগীদমক থাগৎপা ফোংদোকখি। মেদিকেলগী পোত্থোকশিং নত্ত্রগা অতোপ্পা পোৎলমশিং লৈবাক অনীগী মরক্তা পীথোক-পীশিন তৌনবদা থিন্থদনবা ভারতনা অঙম্বা থাক্তা হোৎনগনি হায়না প্রধান মন্ত্রীনা থাজবা পীখি।
লুচিংবা অনীনা লৈবাক অনি অসিদা লৈরিবা মখোয়গী মীয়ামদা থেংনবা খুদোংচাদবশিংগী মতাংদা নৈনখি অমসুং মখোয়গী তীমশিংনা মসিগী মতাংদা হেন্না খুদোংচানবা পাউ ফাওনদুনা লৈনবদা য়ানখি।
ইন্দোনেসিয়া অসি ভারতকী য়ুম্লোন্নবা লৈবাকশিংগী মনুংদা য়াম্না মরুওইবা মেরিতাইম পার্তনরনি হায়না প্রধান মন্ত্রীনা ফোংদোকখি, অমসুং লৈবাক অনীগী মরক্তা লৈরিবা মরী অসি চেৎশিলহনবনা লাইচৎ অসিনা পীরক্কদবা চৈথেংশিং থেংনবদা মতেং পাংগনি হায়না থমখি।
রমজানগী অশেংবা থানা লাকপদা মহাক্না হিজ এক্সিলেন্সী রাস্ত্রপতি ৱিদোদোদা অমসুং ইন্দোনেসিয়াগী মপুক মপাও ফরবা মীয়ামদা য়াইফ-পাউজেল পীখি।
****
(Release ID: 1619010)
Visitor Counter : 173
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam