স্মার্ত সিতী মিসনগী মখাদা বরানাসী শহরগী খন্দোক্লবা মফম খরদা সেনিতাইজর কাপথোক্নবগীদমক বরানাসী স্মার্ত সিতীনা চেন্নৈদ বেজ তৌবা কম্পেনী ‘গরুর এরোস্পেস প্রাইভেৎ লিমিতেদ’ নেকথোকখ্রে‍। পোৎ পুথোক পুশিনগী লম্বী মরাং কায়না লৈতবনা মরম ওইদুনা সিভিল এভিএসন মন্ত্রালয়দগী অখন্নবা অয়াবা অমা লৌরবা মতুংদা দ্রোনশিং অদু এয়র ইন্দিয়া কার্গো ফ্লাইত্তা চেন্নৈদগী পুরকখি‍বনি‍। মীওই তরেৎনা শাবা দ্রোন অনিগী কাংবু অমা মথৌ তৌবা হৌনবগী ফীভমদা লৈরে অমদি এপ্রিল ১৭, ২০২০দা চাংয়েং মায় পাক্না তৌখ্রে‍।

দ্রোনগী মতেংনা সেনিতাইজর চাইথোকপগী থবক দিস্ত্রিক্ত এদমিনিস্ত্রেসন/চীফ মেদিকেল ওফিসরশিংনা মশক খঙদোক্লবা হোৎ স্পোৎ অমদি কন্তেনমেন্ত মফমশিংদা হান্না পাইখৎকনি‍। মদুগী মতুংদা আইসোলেসন, ক্বরেন্তাইন, সেল্তর হোম অমদি মেনুএল ওইনা কাপথোকপদা খুদোং চারোইদবা মফমশিংদা অমুক কাপথোক্কনি‍। দ্রোন থাজিনগদবা মফমশিং অদুদি বরানাসী নগর নিগমগী থৌমীশিংনা লেপকনি‍।

দ্রোনগী কাংবু অদুনা অহানবদা নোংমদুগী ওইনা সেনিতাইজ তৌগদবা মফমশিংদুদা চত্তুনা মফমদুগী লৈমায়গী ফীভম, য়ুম-কৈ অমদি অকোয়বগী ফীভমশিং চাউরাক্না য়েংথোক্কনি অদুগা দ্রোন পাইগদবা ফ্লাইৎ পাথ অমা শেমদোক্কনি‍। দ্রোন অদুদা সোদিয়ম হাইপোক্লোরাইৎ (এন.এ. ও. সি.এল.) চাদা ১গী চাং য়াওবা কেমিকেল সোলুসন হাপ্তুনা কেলিব্রেত তৌরবা মতুংদা পাইননবা শেম শাগনি‍। অদুদগী দ্রোনশিংদু হৈ-শিংলবা পাইলোৎশিংদুনা রিমোৎ কন্ত্রোলগী মতেংনা পাইহন্দুনা মদুদা য়াওরিবা মচীন মরিদুদগী সেনিতাইজর কাপথোরক্কনি‍। ফ্লাইৎ খুদিংগী মতুংদা (চাউরাক্না মিনৎ ১৫দগী ২০ফাওবা শাংবা) কেমিকেল অমুক হান্নবা অমদি বেত্তরী বেক শিন্দোক্নবা দ্রোনশিং অদু অমুক কৌশিনগনি‍। অদুদগী অমুক দ্রোনশিংদু মথংগী মফমদা চত্তুনা মখা তানা পাইহন্গনি অমদি হিদাক কাপথোক্কনি‍।

দ্রোনশিংদুনা পায়খিবা লম্বী অমদি য়ৌশিনখিবা মফমশিং রিমোৎ কন্ত্রোলরদুদা শমজিনবা খুৎনা পায়বা জি.আই.এস. মেপ য়াওবা খুৎলায় অমনা কন্ত্রোল তৌগনি অমদি রিকোর্দ তৌগনি‍।

দ্রোন ওপরেসনদা শিজিন্নগদবা গারীশিংসু জি.পি.এস. অমসুং জি.এস.এম.দা য়ুম্ফম ওইবা মরী পান্দবা কেমেরা পানদুনা দ্রোনগী চত্থোক চৎশিন অমদি তৌরিবা মথৌশিং পুম্বা কাসি ইন্তিগ্রেতেদ কমান্দ এন্দ কন্ত্রোল  সেন্তর, হৌজিক্না কোবিদ-১৯ ৱার রুম ওন্থোকখ্রবা মফমসিদগী য়েংশিনগনি‍। খঙদোক্লবা মফমশিংদা পাঙথোকপা দ্রোন ওপরেসন খুদিংগী মমাং অমসুং মতুংদা সেনিতরী ইনস্পেক্তর অমসুং অতৈ তীম মেম্বরশিংনা নোদেল ওফিসরদা রিপোর্ত তৌগনি‍।

খুৎলায়শিংগী কেপিতেল কোস্ত অদুগা শিজিন্নরিবা এজেন্সীদুনা পুথোক্কনি অদুগা শহরদুগী এদমিনিস্ত্রেসন্না ওপরেসনেল এক্সপেন্স (সর্ভিস কোস্ত অমসুং কেমিকেল কোস্ত)কী অচংবা শেনফম পুথোক্কনি‍। দ্রোন ওপরেসন অসিগী নোংমগী চঙগদবা চাউরাকপা শেনফম লুপা ৮০০০দগী লুপা ১২০০০ ফাওবনি অদুগা একরগী চাংদা কোনশিনগদৌরিবা মফমগী মতুং ইন্না খেন্নগনি‍।

দ্রোনশিং অসি হেলিকোপ্তরগুম্না পাইবা য়াবা অমদি নীংথিনা তম্লবা মীওইনা অখন্ননা শেম্বা রিমোৎ কন্ত্রোল শিজিন্নদুনা মথৌ তৌহনবা য়াবা মী য়াওদবা গারী মখল অমনি‍। লৌউ শিংউবদা তিলহাৎ হিদাক্নচিংবা কাপথোক্নবা অখন্ননা শেমবা দ্রোনশিং অসি হৌজিক্তি কোবিদ-১৯ লাইচৎ থেংনরিবা মতমসিদা ক্বরেন্তাইন মফমশিং অমদি আইসোলেসন কাশিংদা মহিক মতাং হাৎনবা মহী কাপথোকপদা শিজিন্নরি‍।

****