এয়র ইন্দিয়া, আই.এ.এফ. অমসুং ভিসতারানা ওপরেৎ তৌবা লাইফলাইন উরান ফ্লাইৎশিংনা ২০২০গী এপ্রিল ২২দা কার্গো লোদ তন ৩৫.৭৮ পুখি। কোবিদ-১৯গী মায়োক্তা চংশিল্লিবা লান্দা তেঙবাংলদুনা দোমেস্তিক সেক্তরদা এয়র ই্দিয়া, এলাইন্স এয়র, আই.এ.এফ. অমসুং প্রাইভেৎ কেরিয়রশিংনা ঙসি ফাওবদা লাইফলাইন উরানগী মখাদা ফ্লাইৎ ৩৩৯ ওপরেৎ তৌরি। ফ্লাইৎশিং অসিগী মনুংদা ২০৪দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাউরাক্না তন ৫৮৭.৫৭নি। ঙসি ফাওবদা লাইফলাইন উরান ফ্লাইৎশিংনা পাইখিবা এরিয়েল অরাপ্পা অসি কিলোমীতর ৩,৩৭,৬৩৯নি। কোবিদ-১৯গী মায়োক্তা ভারতকী লান্দা তেঙবাংনবা লৈবাক্কী মনুং হুঞ্জিনবা শরুকশিংদা মরুওইবা মেদিকেল কার্গো ত্রান্সপোর্ত তৌনবা সিভিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি।

অৱাং-নোংপোক লমদম, ইথৎ লমদশিং অমসুং চিংগী রাজ্যশিংদা অখন্নবা মীৎয়েং থম্লি। এয়র ইন্দিয়া অমসুং আই.এ.এফ.না মরুওইনা জম্মু অমসুং কাশ্মীর, লাদাখ, অৱাং-নোংপোক অমসুং অতোপ্পা ইথৎ লমদমশিংগীদমক পুন্না থবক তৌরি। মরুওইবা মেদিকেল কার্গো অমসুং অনাবশিং ত্রান্সপোর্ত তৌনবগীদমক পৱন হন্স লিমিতেদ য়াওনা হেলিকোপ্তর সর্বিসশিংনা জম্মু অমসুং কাশ্মীর, লাদাখ, অৱাং-নোংপোক অমসুং অতোপ্পা ইথৎ লমদমশিংদা ওপরেৎ তৌরি। ২০২০গী এপ্রিল ২২ ফাওবদা পৱন হন্সনা কার্গো তন ১.৯০ পুদুনা কিলোমীতর ৬৫৩৭কী অরাপ্পা পাইখ্রে।

দোমেস্তিক লাইফলাইন উরান কার্গোদা কোবিদ-১৯গা মরী লৈনবা রিএজেন্তশিং, এঞ্জাইমশিং, মেদিকেল ইক্বিপমেন্ত, তেস্তিং কিৎস অমসুং পি.পি.ই., মাস্ক, গ্লোব অমদি ঐচ.এল.এল.গী অতোপ্পা পোৎলমশিং অমদি রাজ্য/য়ুনিয়ন তেরিতোরী সরকারশিংনা হায়জরকপা কার্গো অমসুং পোস্তেল পেকেৎ অসিনচিংবশিং য়াওরি।

দোমেস্তিক কার্গো ওপরেতরশিং স্পাইসজেৎ, ব্লু দার্ত অমসুং ইন্দিগোনা কম্মর্সিয়েল বেসিসতা কার্গো ফ্লাইতশিং ওপরেৎ তৌরি। স্পাইসজেৎনা ২০২০গী মার্চ ২৪দগী এপ্রিল ২২ ফাওবদা কার্গো ফ্লাইত ৪৯৫ ওপরেৎ তৌবগা লোয়ননা কার্গো তন ৩৮৩৭ পুদুনা কিলোমীতর ৭,৪৬,২১৯গী অরাপ্পা কোবর তৌখি। মসিগী মনুংদা ১৬৬তি ইন্তরনেস্নেল কার্গো ফ্লাইতশিংনি। ব্লু দার্তনা দোমেস্তিক কার্গো ফ্লাইত ১৬৯ ওপরেৎ তৌবগা লোয়ননা ২০২০গী মার্চ ২৫দগী এপ্রিল ২২ ফাওবগী মনুংদা কার্গো তন ২৭৪৯ পুদুনা কিলোমীতর ১,৬৮,৩৯৬কী অরাপ্পা কোবর তৌখি। ইন্দিগোনা এপ্রিল ৩-২২গী মনুংদা কার্গো ফ্লাইত ৩৫ ওপরেৎ তৌদুনা কার্গো তন ৮৪ পুদুনা কিলোমীতর ৪২,৭৫২গী অরাপ্পা কোবর তৌখি। মসিদা সরকারগীদমক মমল লৌদনা মেদিকেল সপ্লাই পুবসু য়াওরি।

২০২০গী এপ্রিল ৪দগী ঙসি ফাওবদা ইস্ত এসিয়াদগী এয়র ইন্দিয়ানা পুরকখিবা মেদিকেল কার্গোগী অপুনবা চাং অসি তন ৩৪৮নি। ফার্মাতিকেল্স, মেদিকেল ইক্বিপমেন্ত অমসুং কোবিদ-১৯ রিলিফ মেতরিয়েল ত্রান্সপোর্ত তৌনবগীদমক ইস্ত এসিয়াগী লোয়ননা কার্গো এয়র-ব্রিজ অমা শেমগৎখি। দরকারগী মতুং ইন্না এয়র ইন্দিয়ানা ক্রিতিকেল মেদিকেল সপ্লাইশিংগী ত্রান্সফরগীদমক অতোপ্পা লৈবাকশিংদা কত্থোক্লবা সেদ্যুল কার্গো ফ্লাইৎশিং ওপরেৎ তৌগনি।