ভারত সরকারগী তুরিজম মন্ত্রালয়না এপ্রীল ২৪, ২০২০দা  “য়েংউ নশাগী লৈবাক”কী থীমদা অসম অমসুং মেঘালয়গী ময়াম্না খঙনবা ৱাৎলিবা মফমশিংবু হাইলাইৎ তৌরদুনা “অৱাং নোংপোক ভারত-অথোইবা খুঙ্গংশিং উরুবা”গী পরীংগী ৮শুবা ৱেবিনার পাংথোকপা হৌখ্রে।

অৱাং-নোংপোক ভারত অসি লম য়েংবদা পুমশং শংবা, হীগোক মচুগী ঈশিং ওইবা, ইংনা-নুংঙাইবা, লোইনাইদনা পাক-চাউরবা অমদি শুমহৎনীংঙাই ওইবা মীশিংনা লম য়ৌনা ফজরবা লমনি।  ভুগোলগী ওইবা মওং, মখল কয়াগী মাগী ওইবা লমগী ওইবা পাম্বীশিং শা-শন অমদি উচেক-ৱায়াশিংগী  পুন্সি অমদি লমদুগী ওইবা মীশিংগী পুৱারী অমদি মীওইবা জাতিগী কাংলুপশিং অমদি ইপানাৎ-ইপুনাৎকী ওইবা লনশিং অমদি মহৌশাগী নাৎশিং অমদি পুন্সিগী মওংশিং, হরাও-কুহ্মৈশিং অমদি হক-খোৎপশিং অদুনা পুক্নিং শুহ্মৎনীংঙাই ওইবা লম কোয়ফম অমা ওইরে। অৱাং নোংপোক্কী তোপ-তোপ্পা ফজরবাশিং অসিনা ঋতু খুদিংমক্তা ছুতীগী লমথুংফম ওইহল্লি।   

ৱেবিনার অদু কোয়েলী তুর্স এন্দ ত্রেবেল্সকী সি.ই.ও.(পি) লিমিতেদকী সি.ই.ও. শ্রী অরিজিৎ পুরকায়াস্থা অমদি লেন্দস্কেপ সফারীগী চীফ ওপরেতিং ওফিসর দা.শ্রেয়াবর্বরানা প্রজেন্ত তৌখি।

ৱেবিনার অদুগী হাইলাইত্তা মখাদা পীরিবা অসম অমসুং মেঘালয়গী খুঙ্গংশিং অসিগী মতাংদা উৎখি

অসমগী খুঙ্গংশিং:

সুৱালকুচী-গুৱাহতীদগী কি.মি.৩৫ রোম লাপ্না লৈবা ব্রহ্মপুত্রগী অৱাংথংবা তোর্বান্দা লৈ, সুৱালকুচী অসি কামরুপ জীলাগী ব্লোক অমনি। মসি ইমুং মনুং ৭৪% দি ফিশাবগী থবক তৌবা মালেমগী খ্বাইদগী চাউবা ফী শাবগী থবক তৌবা খুঙ্গংশিংগী মনুংদা অমনি, মফম অসিদা  সনা মচুগী মুগা অমসুং শামু ময়াগুম্না ঙৌবা পত অমসুং করিমত্তা মচু শংদ্রিবা ইরি অমসুং ইন্দিগী হঙ্গাম মপাল অৱাওবা মচু অসি চহী চা কয়া লিরবা মাগী পারী-পুরীগী ওইবা ফী শাবগীদমক মমিং চৎলি। মফমসিগী মীশিংনা মুগাগী তীল অমত্তা হাৎতনা মুগা শুংদুনা  অহিংশাগী মুগা লং শুংবগী ৱাখল্লোনবু শৌগৎলি।  মসি মহৌশাগী অকোয়বদা লৈরিবশিংবু তেকহন-কাইহন্দনা থম্নবরোমদা থাংজিল্লপা অফবা খোংথাং অমনি। 

রন্থালি – মসি নাগাও জীলাগী য়াম্না পীকপা অমসুং লমদুগী ওইবা উপাল-ৱাপাল অমদি শা-ঙাগী ওইবা মপোৎ-মরলশিংগী  মওংদা লীক-কোল খুৎনা শাবদা মমিং চৎপা খুঙ্গং অমনি।  নাৎকী ওইবা মমল য়াম্লবা লীক-কোলশিং অসি ইচম-চম্নী অদুবু নীক-নীক লাওনা ঙাংবা মনি-মুক্তা, রবি নত্রগা মিনানা হকই। 

হাজো- হাজো অসি গুৱাহতীদগী কি.মি.২৫ লাপ্না লৈবা হিন্দু, বৌদ্ধ অমসুং মুশ্লিম লাইনিং-লীচৎশিংগী লাইনিংবশিংগা কোন্ননা হয়াগৃহ মাধবা লাইশংগা  অসি শেংলবা লাইনিংফম ওইনা মমিং চৎলি  অমসুং ময়াম্না শোন্নরবা মক্কা, পোৱা মেক্কাসু মফমসিদা লৈ। মবুংঙো বুদ্ধনা হয়াগৃহ মাধবা  লাইশংদা নির্ভানা য়াওখি হায়না থাজনৈ। মসিগী লাইশং অসিদা মকু অপাবা পানবা অমুবা থেঙ্গুবু তেক্ত-কায়দনা থম্নবা পুখ্রী অমা লৈ। মখোয়শিং অসি মবুংঙো বিশ্নুগী শায়োন্নি হায়না লৌনবনা কনা অমত্তনা অকায়বা পীদে।

দাদরা – অসমদনা হংগ্রীলা হায়না খঙনবা মাংশিল্লক্লবা খরা চাউখৎপা ঙানু-থঙ্গোংগী জাৎ অসিগী নীংথিরবা ময়ুম ওইনা  দাদরাদা লৈ।  মালেমসিদা খরা চাউখৎপা ঙানু-থেঙ্গোং অসি মশিং ১৫০০ খক্তমক ঙাইহৌরে অদুবু খুঙ্গং অসিদা ওনবদা ঙাইরিবা ঙানু-থেঙ্গোং ৫০০মুক্কী অশোয়-অহাম অমত্তা য়াওদনা লৈরি। গ্রীন ওস্কারগী মনা ফংখ্রবা শ্রীমতী পুর্নিমা দেবী বর্মন্না লুচিবা হর্গীলা আর্মীদগী মখোয়গী নুংঙাইরবা ৱারী খঙবা য়াগনি।

সর্থেবারী – অসমগী ধাতুগী কাংশিগী ইন্দস্ত্রী অসি ৱানা খুৎনা হক-খোত্তুনা শাবগী মথংদা অনীশুবা খ্বাইদগী চাউবা খুৎনা হক-খোত্তুনা শাবগী সেক্তরনি। কাংশিগী ধাতু অসি কোরী অমসুং তীনগী কোঞ্চাক্নি অমদি মফমসিদা খুৎশা-লোনশা তৌরিবশিং অসিবু ‘কহার’ নত্রগা ‘ওর্জা’ হায়না খঙনৈ।

মখা থংবা অসমগী নালবারী- অসমগী মমিং চৎলবা জাপী পুথোকপগী থবক্তা য়ুম্ফম ওইবা কাংলুপ অসি অমত্তা ওইনা শমজিন্নবা খুঙ্গং অমনি।  অসমগী কোন মওংগী তুপী, জাপী অসি মমাংঙৈদগী লৌবুক্তা লৌমীশিংনা নুংশাদগী ঙাকথোক্নবা শিজিন্নরম্মি। ঙসিদি মচু-মচুনা লৈতেংলবা তুপী অসি অসমগী চৎনবীগী সিম্বোল অমা ওইরে।

বন্সবারী- ভুতানগী চীংখোংশিংদা ঙমখৈ ওইনা গুৱাহতীদগী কি.মি.১৪০ লাপ্না লৈ। বন্সবারী অসি  মালেমদা মুৎশিল্লক্লবা অমদি শাথিবা মওংদা মুৎশিল্লক্লবা মখল কয়াগী উ-ৱা অমদি শা-ঙা কয়াগী লৈফম ওইরিবা য়ুনেস্কোগী মহৌশাগী মালেমগী ইপা-ইপুগী মফম ওইরিবা   মানস নেস্নেল পার্ক  অসিনা পুমকোয় –কোয়না লৈ।    

অসমগী চা বগানশিং – তোপ-তোপ্পা নাৎকী ওইবা কাংলুপশিং, ত্রাইবশিংনা অসমগী খ্বাইদগী চাউবা চাগী ইন্দস্ত্রী অসিদা থবক তৌরি। লম কোয়বা লাকপশিংগীদমক্তা ব্রীতিসকী যুগকী চা বগান খঙ-উননবা মখল-মখা কয়াগী শমহৎনীংঙাই ওইবা বগানশিংনা মখোয়গী থোং হাংদুনা খমখ্রে।   

মাজুলী-মালেমগী খ্বাইদগী চাউবা তুরেলগী ইথৎ ওইরিবা মঞ্জুলী অসি ব্রহ্মপুত্রগী মরক্তা লৈ। মঞ্জুলী অসি অসমগী অনৌবা বৈষ্ঞব কলচরগী, ১৫শুবা চহী চাদা লাইদা ৱাখল লুপচবা মুনি শ্রমতা সঙ্করাদেব অমদি মাগী সেবক মাধবনা হৌদোকখিবা কেন্দ্র অমনি। মসি অসামগী সভ্যতাগী নাওশুম হায়নসু খঙনৈ।

নম্ফাকে খুঙ্গং-ফজরবা তাই-ফাকে হায়নসু খঙনবা মফম অসি খ্বাইদগী অরিবা অমদি কি-হঙ্গোইনা চৎনবা বৌদ্ধগী মোনাস্ত্রীনি। বৌদ্ধগী লাইনিং চৎপা কাংলুপশিং অসি থাইলেন্দগী হৌরকফম ওই অমদি থাই লোলগা মান্নবা লোন ঙাংবা অমদি তাই শাগৈগী ওইবা নাৎ চৎলি। কাংলুপ অসি ১৮ শুবা চহী চাদা অসমদা লাকখিবনি হায়না থাজনরি।

মেঘালয়গী খুঙ্গংশিং

‘লৈচীলশিংগী ময়ুম’ খঙনবা অসি অইংবা উচান পাম্বী হৌবা তগৎ-তগৎ তেকপা নুংগী অঙম্বা চীংমায়শিং, অরুবা খোংনুংশিং অমদি তম্পাকশিংনা  শগোলগী খুগা মওং মান্না লৈবা চীংগী রাজ্য অমনি। রাজ্য অসিদা খোঙ্গুন মেলৈ মখল ৩০০ হেন্না ফংই অমদি মফমসিদা ৱাইল্দলাইফ মরাং কায়না ফংই। তুরিজমগী মেপতা মেঘালয়না মাগী ফজরবা লমথুংফমশিংগীদমক করিগুম্বা মখল অমত্তগী মাবু শক্তাকপগী মথৌ তাদে। 

মাওফ্লাং – ফজরবা তম্পাক অসি মাগী শেংলবা উমং, মালেমগী অতৈ মফম অমত্তদা উদবা উ-ৱাশিংগী লনগৈ-পুক্কৈগীনা মমল হঞ্জিলহনক্রবা মহৌশাগী ম্যুজিয়মগা শাগোন্নবা মঙাল নাইবা খাসি কাংলুপশিংনা নুংশিনা য়োক্তুনা থমজিনবা শেংলবা উমং মচাশিং অসিদা চহী ৫০০ লিরবা অচৌবা নুংশিং(মেগালিথ) লৈ।  নিংথিজরবা শেংলবা উমং মচাশিং অসি কনাগুম্বনা খোংশিং, নুংশিং, উমংশিং অমদি লমদুগী খুংঙ্গংশিং ফাওদুনা চৎলিবা ফজরবা মেঘালয়গী মরক্তা লৈবা ‘দেবিদ স্কোত্তকী ত্রেল’গা নক্ননা লৈবা ত্রেক্কিং জোন অমনি। 

কোন্থোং – মী খুদিংমক্কী মমিং অদু হ্নীসেল কৌবা হ্বীসেল খোংবা খুঙ্গং অমনি।   অঙাং অমা পোকপা মতমদা, মমা অদুনা চহী কয়াদগী চৎনরকপা হ্বীসেল খোংবা য়াবা মমিং অমা থোল্লি।

জাক্রেম – মসি শিলোংদগী শিলোং মকৱারা লম্বীদা কি.মি.৬৪ লাপ্না লৈ অমদি মফম অসি মাগী অনা-লায়েংগী ওইবাহীদাক্কী গুন চেনবা সলফরহোত ঈশিং খোংগীদমক মমিং চৎলি। জাক্রেম অসি হৌজিক্তি অফবা ওইরক্নিংঙাই ওইবা হকশেলগী রেজোর্ত ওইনা শেমগৎলে অমদি রাফতিং, হাইকিং অমদি সাইক্লিংগুম্বগী চৎপগী থবকশিংগীদমক্তা মমিং চৎলি।

নোংগ্রীএত – উরাগী থোঙ্গীদমক্তা মমিং চৎলবা খুঙ্গং অমনি। থোং অসি মফমদুগী মীশিংনা মতম অমত্তদা মী কয়া পুবা ঙম্বা থোং অমা য়েৎশিন্দুনা শেম্নবা অহিংবা কনশিল্লবা অথাবা  উরাশিংনা য়েৎশিন্দুনা শাবনি।   থোং অসিগী কান্নরবা মপুন্সিগী অশাংবা অসি অসি চহী ৫০০-৬০০ ওইগনি হায়না খন্নৈ। মরোল অনী নাইবা অহিংবা উরাগী থোং অসি উরাগী তোংশিংগী মরক্তগী খ্বাইদগী চাউবনি অমদি রেনবো ফোল অসি রাজ্য অসিগী খ্বাইদগী ফজরবা ঈসিংচাইবিনি।

শ্নোপদেং – অসি নোং মংদনা ইংলবা উমঙ্গোত তুরেলনা চেন্থবা মেঘালয়গী জৈন্তিয়া চীংদা লৈবা ফজরবা খুঙ্গং উমঙ্গোত তুরেল অসি মথক্তগী উবদা অদুক্কী মতীক লুবা হায়ববু মথক্তগী য়েংবদা হী অদু নুংশীৎতা তাওবগুম উবা মাগী লীক্লাইগুম্না লুবা ঈশিংগীদমক মমিং চৎলি।

জোৱাই – জৈন্তিয়া চীংগী জীলাদা লৈবা, মফম অসিদা নাকল-নাকলদা উ হৌবগী অথোইবা ফজবগীদমক খঙনৈ। নিংথমথাদা ইংঙগা কালেন্থগদা নুংঙাইবা মিন্তদু তুরেলনা মায়কৈ অহুমদা য়োমশিনবা মফম্নি।  মোনোলিথশিংনা খাসি অমদি জৈন্তিয়া চীং থুংনা লৈ। তৌইগুম্বসুং, খ্বাইদগী চাউবা মোনোলিথ অমদি মেগালিথকী নুংশিংগী মপৈ অসি নার্তিং কৈথেলগী অৱাংথংবদা লৈ। নার্তিংগী দুর্গাগী লাইশং অসি লাই খুরুম্ফম্নি। ক্রাং সুরী ফোলশিং অসি জীলা অসিগী খ্বাইদগী ফজবা ঈশিং চাইবীনি।

মন্ত্রালয়না ৱেবিনারদগী য়েংথোকখিবদা উবা ভারতকী লম, সহরশিং অমদি অতৈ খঙউ-উরুবশিং অসি ইনক্রেদিবল ইন্দিয়া অমদি মন্ত্রালয়গী ৱেবসাইততগী www.incredibleindia.org অমসুং www.tourism.gov.in দা য়ুত্যুব চেন্নেল ওইনসু ফংবিগনি।

“অৱাং নোংপোক ভারত-অথোইবা খুঙ্গংশিং খঙউ-উরুবা”দা “য়েংউ নশাগী লৈবাক” পরীংগী ৮শুবা ৱেবিনারদা মী ৩৬৫৪না শরুক য়াখি অমদি মখাদা পীরিবা লৈবাকশিং য়াওখি:

​১. অফগানিস্তান ২. কেনাদা ৩.ফ্রাঞ্চ ৪. জর্মনী ৫. পাকিস্তান ৬. সিঙ্গাপুর ৭. স্পেন ৮. থাইলেন্দ ৯. য়ুনাইতেদ কিংদম ১০. য়ুনাইতেদ স্তেৎস ওফ অমেরিকা।