সিবিল এভিয়েসন মন্ত্রালয়না কোবিদ-১৯গী মায়োক্তা লৈবাক অসিনা লান্থেংনরিবা অসিদা মখোয়গী মায়কৈদগী মতিক চাবা থৌদাং য়ানবগীদমক্তা পোলিসী লেবেল অমসুং গ্রাউন্দ লেবেলদা লেপ্পা লৈতনা হোৎনরি। কার্গো অসিদা কোবিদ-১৯গা মরী লৈনবা রিএজেন্তশিং, এঞ্জাইমশিং, মেদিকেল ইক্বিপমেন্ত, তেস্তিং কিৎশিং, পি.পি.ই., মাস্কশিং, গ্লোবশিং, ঐচ.এল.এল. অমসুং আই.সি.এম.আর.গী অতোপ্পা পোৎলমশিং অমদি রাজ্য/য়ুনিয়ন তেরিতোরী সরকারশিংনা হায়জরকপা কার্গো অমসুং পোস্তেল পেকেৎশিং য়াওরি।

লৈবাক অসিগী তোঙান-তোঙানবা রাজ্যশিং অমসুং আই.সি.এম.আর. সেন্তরশিংদা মরুওইবা মেদিকেল সপ্লাইশিং য়ৌহনবগা লোয়ননা মখাগী অসি ফংলি:

• রিএজেন্তশিং/মেদিকেল কিৎশিং য়ৌহনবনা মতম চানা অনাবশিংগী তেস্ত তৌবা ঙমহন্দুনা মখা তাবা খোংথাংশিং লৌখৎপা ঙমহল্লি
• মসিগী ফ্লাইৎশিং অসিগী খুত্থাংদা য়ৌহনখিবা মাস্কশিং অমসুং গ্লোবশিং শিজিন্নবগা লোয়ননা দোক্তরশিং অমদি অতোপ্পা মীওইশিংনা মখোয় মশাবু ঙাকথোকচবা ঙমহল্লে।
• অৱাং-নোংপোক অমসুং মনুং হুঞ্জিনবা মফমশিংদা মেদিকেল সপ্লাইশিং য়ৌহনবনা কোবিদ-১৯গী মায়োক্তা চত্থরিবা লান অসিদা লৈবাক অসিগী রিজন অমত্তা চিত্থহন্দ্রে।

ফ্লাইৎশিংগী তামগী মতুং ইন্না ব্রেকঅপ মখাদা পীরি:    

* এয়র ইন্দিয়া অমসুং আই.এ.এফ.না লদাখ, দিমাপুর, ইম্ফাল, গেংতোক, গুৱাহাতী, বাগদোগ্রা, চেন্নৈ অমসুং পোর্ত ব্লেয়রগীদমক পুন্না থবক তৌমিন্নরি।      

• কত্থোক্লবা মেদিকেল এয়র কার্গোগা মরী লৈনবা ৱেবসাইৎ অমা হাংদোক্লে অমদি ঙসিদগী মপুং ফানা মথৌ তৌরে। লিঙ্ক অসি সিবিল এভিয়েসন মন্ত্রালয়গী ৱেবসাইৎ (www.civilaviation.gov.in)দা ফংবীগনি।

ইন্তর্নেস্নেল- শংহাই অমসুং দিল্লীগী মরক্তা এয়র ব্রিজ অমা শেমগৎলে। এয়র ইন্দিয়াগী অহানবা কার্গো ফ্লাইৎ ২০২০গী এপ্রিল ৫দা পাইগনি। এয়র ইন্দিয়ানা ক্রিতিকেল মেদিকেল ইক্বুইপমেন্ত পুনবগীদমক চাইনাদা কত্থোক্লবা সেদ্যুল কার্গো ফ্লাইৎশিং ওপরেৎ তৌগনি।

প্রাইবেৎ ওপরেতরশিং- দোমেস্তিক কার্গো ওপরেতরশিং; ব্লু দার্ত, স্পাইসজেৎ অমসুং ইন্দিগোনা কম্মর্সিয়েল বেসিস্তা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী মার্চ ২৪-এপ্রিল ৩ ফাওবদা কার্গো ফ্লাইৎ ১৫৩ ওপরেৎ তৌবগা লোয়ননা কার্গো তন ১২১৩.৬৪ পুদুনা কিলোমীতর ২০৭৯৪৭গী অরাপ্পা কভর তৌখি। মসিগী মনুংদা ৪৪দি ইন্তর্নেস্নেল কার্গো ফ্লাইৎশিংনি। ব্লু দার্তনা দোমেস্তিক কার্গো ফ্লাইৎ ৪৮ ওপরেৎ তৌবগা লোয়ননা ২০২০গী মার্চ ২৫-এপ্রিল ৩ ফাওবগী মরক্তা কার্গো তন ৭০২.৪৩ পুদুনা কিলোমীতর ৪৫৭৮৩গী অরাপ্পা কভর তৌখি। ইন্দিগোনসু কার্গো ফ্লাইৎ ৫ ওপরেৎ তৌদুনা ০৩.০৪.২০২০দা কার্গো তন ২.৩৩ পুদুনা কিলোমীতর ৪৮৭১গী অরাপ্পা কভর তৌখি।