ভারত অমসুং ভারতকী মীওইশিংগী ওইনদি "লাইনীংগী খেৎনবা লৈতবা অমদি ৱাখল তিন্নবা” অসি "রাজনীতিগী ওইবা ফেসন" নত্তে তৌইগুম্বসুং "মপুং ফাবা পুক্নিংগী ইহুলনি" মাইনোরিতী এফিয়র্সকী কেন্দ্র মন্ত্রী শ্রী মুখতার অব্বাস নকবীনা ঙসি হায়খ্রে। মসিগী পুনশিল্লবা নাৎ অমদি ৱাশক্না লৈবাক অসি “খেন্নবা ময়াম্না অমত্তা ওইব”গী ফীজোলনা লৈতেংলি।

মীদিয়াগা ৱারী শান্নরদুনা, শ্রী নকবীনা হায়খি মদুদি মশিং য়ামদবা কাংলুপশিং য়াওনা নাগরিক খুদিংমক ভারতকী  সংবিধানগী, খুন্নাইগী অমসুং লাইনীং-লাইশোনগী ওইবা হকশিং অসি ভারতকী সংবিধানগী ওইরি অমসুং অচুম অরান লেপ্ননবনি। ঐখোয়না ঐখোয়গী “খেন্নবা ময়াম্না অমত্তা ওইব”গী পাঙ্গল অসি মরম অমত্তনা শোন্থহল্লোইদবনি। হৌজিকসু অরানবা পাউ শন্দোক্নবা “চৎনবী অমদি মশিন ওইনা শাশিন্নবনা থোমজিন্দুনা শাবা লান্মী তেঙ্গোলশিং লৈরি। ঐখোয়না অরানবা পাউ শেমজিন-শাজিন্দুনা চমম্নহন্নবা অসিদগী চেকশিনগদবনি হায়না শ্রী নকবীনা হায়খি। লৈবাক অসিগী নাগরিক খুদিংমক শোহন্দনা অমদি নুংঙাই-য়াইফনবা ওথোরিতীশিংনা থবক তৌরি। অসিগুম্বা মখলগী তোকঙাশিং অমদি চমম্নহনবশিং অসি কোরোনাগী মায়োক্তা শোক্নরিবা লান্থেং অসি শোন্থহন্নবা শেমজিন শাজিনবনি। ঐখোয়না অসিগুম্বা মখলগী তোকঙা, অরানবা পাউ অমদি চমম্নবশিং অসি মায়থিহন্দুনা কোরানাগী মায়োক্তা লান্থেং ঙম্ননবা পুন্না থবক তৌমিন্নগদবনি। প্রধান মন্ত্রী নরেন্দ্র মোদীগী লীচিং মখাদা অপুম্বা জাৎ-বিজাৎ, লাইনীং-লাইশোন অমদি মফমগী পল নমখায়দুনা কোরোনাগী মায়োক্তা লান্থেংনবদা লৈবাক পুম্বা পুনশিন্নখ্রে।

মীয়াম্না মখোয়-মখোয়গী য়ুমদা লৈদুনা রামদান পোংথোকপীয়ু

এপ্রীল ২৪দগী হৌগদৌরিবা রামদানগী শেংলবা থা অসি মখোয়-মখোয়গী ময়ুমদা লৈরগা পাংথোক্নবা মুস্লিমগী লুচিংবশিং, ইমামশিং, রিলিজিয়স অমসুং সোসিএল ওর্গনাইজেসনশিং অমদি মুস্লিমগী কাংলুপশিংনা লাইশোন শোন্নবা অমদি অতৈ লাইনীং-লাইশোনগী ওইবা থৌরমশিং পুন্না ৱারেপ লৌমিন্নখ্রে। অপুনবা মুস্লিমগী লুচিংবশিং, ইমামশিং, রিলিজিয়স অমসুং সোসিএল ওর্গনাইজেসনশিং, মুস্লিমগী কাংলুপশিং অমদি লোকেল এদমিনিস্ত্রেসনশিংনা পুন্না খুৎশম্নদুনা শোয়দনা লোকদাউন, কার্ফিয়ু, অমদি সোসিএল দিস্তেন্সিং অকনবা মওংদা চৎনহন্নবা রাজ্য ৩০ কী ৱাকফ বোর্দনা থবক পায়খৎপা হৌখ্রে হায়না শ্রী নকবীনা মীদিয়াদা হায়খ্রে। লৈবাক পুম্বা খংথোক-থোরকপা কোরোনাগী লায়চৎকী মায়োক্তা পুন্না লান্থেংনমিন্নরি। শ্রী নকবীগী চেয়রমেনশিপ অমগী মখাদা রাজ্যগী ৱাকফ বোর্দশিংনা মমাংগী চয়োলদা মীফম অমদা ভিদিও কনফরেন্সকী থোংদা রামদানগী শেংলবা থাগী মতমদা শোয়দনা অকনবা মওংদা লোকদাউন, কার্ফিয়ু অমদি সোসিএল দিস্তেন্সিং তৌনবগীদমক ৱারেপ লৌখ্রে হায়বসি নীংশিংবা য়াই। লৈবাক অসিগী রাজ্য ৱাকফ বোর্দকী মখাদা লৈবা মক্কা, ইদগাহ, ইমামবরা, দর্গা অমদি অতৈ লাইনীং-লাইশোনশিং, খুন্নাইগী ওইবা লুপশিং লাখ ৭ হেনবনা রেজিস্তর তৌখি হায়বসি নীংশিংবা য়াই। সেন্ত্রেল ৱাকফ কাউন্সিল অসি ভারতকী ৱাকফ রাজ্যগী রিগুলেতরী বোদীনি।

নাকল অমরোমদা, তোঙান-তোঙানবা লাইনীং-লাইশোনশিং অমদি খুন্নাইগী ওইবা লুপশিংগী মখল-মখা কয়াগী মুস্লিম লুচিংবশিংগা শ্রী নকবীগা পাউ ফাওনরি।

ঐখোয়না হেল্থ ৱার্করশিং, সেক্যুরিতী ফোর্সশিং, এদমিনিস্ত্রেতিব ওফিসরশিং, সেনিতেসন ৱার্করশিংগা মতেং পীনগদবনি; হন্দক খংথোক-থোরক্লিবা কোরোনা অসিদা মখোয়না ঐখোয়গী শোক্ত-পন্দনবা নুংঙাই-য়াইফনা লৈনবা মথৱায় খুবাক্তা হাপতুনা থবক তৌরিবনি হায়না শ্রী নকবীনা মখা তানা হায়খি। অসিগুম্বা সেন্তরশিং অসি খংহৌ হৌরকপা কোরোনাদগী মীশিংবু, মখোয়গী ইমুং-মনুং অমদি খুন্নাই অসিবু ঙাক শেন্নবা খক্তগীনি হায়না মীশিংদা চেকশিন-থৌরাং তৌদুনা ক্বরেন্তাইন অমদি আইসোলেসনগী মরমদা তোকঙা অমদি অরানবা পাউশিং শন্দোক্লিবা অসি মমু থুদেক্কদবনি। শ্রী নকবীনা হায়খি মদুদি খংহৌ-হৌরক্লিবা কোরোনাগী অৱাবশিং অসি য়েংলগা লৈবাক অসিগী  লাইশঙশিং, গুরুদ্বারশিং, চর্চশিং অমসুং অতৈ লাইনীং-লাইশোনগী ওইবা অমদি লাইনীং-লাইশোনশিং-খুন্নাইদা তৌবশিং অমদি মীয়াম খুন্নাইগী ওইবা মফমশিং পুম্নমক মথৌ তৌবা লেপখ্রে। মসিগা মান্ননা, লৈবাকসিদা মক্কা অমদি অতৈ মুস্লিমগী মফম খুদিংমক্তা মীয়াম তীনবসু লেপখ্রে।  রামদানগী শেংলবা থাসিদা মালেমসিগী অয়াম্বা মুস্লিম লেসনশিংদা মক্কা অমদি অতৈ লাইনীং-লাইশোনগী মফমশিংদা মীয়াম তীনবা থিংজিনখ্রে অমদি মীশিংদা মখোয়-মখোয়গী য়ুমদা লৈরগা লাইশোন পাংথোক্নবা অমদি অতৈ লাইনীং-লাইশোনগী ওইবা থৌদাংশিং মপুং ফাহন্নবা হায়খ্রে।   

শ্রী নকবীনা হায়খি মদুদি রাজ্য সরকারশিংগা খুৎশম্নদুনা, প্রধান মন্ত্রীনা মীয়াম্বু তেক্ত-কায়দনা নুংঙাই য়াইফনা থম্ননবা কন্না থবক তৌরি। ভারত্তা কোরোনাগী মায়োক্তা শোক্নরিবা লান্থেং অসিদা মীয়ামগী মতেংনা চাউনা অৱাবা কোকহল্লে। অদুবু হৌজিকসু লৈবাক অসিগী মমাংদা থেংনগদবা অরুবা কয়া লৈরি। খংহৌ হৌরকপা কোরোনাগী লান অসিদা মায়থিবা পীনবা কেন্দ্র অমদি রাজ্য সরকারগী গাইদলাইনশিং অসি মপুং ফানা হকচিন্না অমদি থম্মোয় শেংনা ইন্দুনা ঐখোয়না অরুবশিং অসি মায়থিবা পীবা ঙমগনি।