কোইলা মন্ত্রালয়

কোইলা অমসুং মাইন্সকী পি.এস.য়ু.শিংনা কোবিদ-১৯গা লান্থেংনবদা অঙম্বা মতেং পাংগনি: শ্রী প্রল্হাদ জোশী
নাল্কো (এন.এ.এল.সি.ও.) অমসুং এম.সি.এল.না ওরিশাদা কোবিদ-১৯গীদমক্তা ওইবা হোস্পিতাল অনিগী শেন্থং পুথোক্লগনি

Posted On: 20 APR 2020 3:20PM by PIB Imphal

ঙসি ভিদিও কনফরেন্সিংগী থোংদা কেন্দ্রগী পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধান অমসুং কেন্দ্রগী কোইলা অমসুং মাইন্সকী মন্ত্রী শ্রী প্রল্হাদ জোশীগা লোইননা ওরিশাগী মুখ্য মন্ত্রী, শ্রী নবীন পতনাইকনা শঙ্গাদুনা ওরিশাদা কোবিদ-১৯গীদমক্তা ওইবা হোস্পিতাল অনিগী শেন্থং পুম্নমক নেস্নেল এলুমিনিয়ম কম্পনী (এন.এ.এল.সি.ও.) অমসুং কোইল ইন্দিয়া সবসিদ্যরী মহানদী কোলফীলদ লিমিতেদ (এম.সি.এল.)না পুথোক্লগনি। ওরিশাগী সরকারনা চলাইবা হৌখিবা হোস্পিতাল অসি রাজ্য অসিগী তোঙান তোঙানবা মেদিকেল হোস্পিতালশিংগী মতেংনা চলাইগনি।

“কোইলা অমসুং মাইন্স মন্ত্রালয়গগী পি.এস.য়ু.শিংনা কোবিদ-১৯গা লান্থেংনবদা রাজ্য সরকারশিংদা মখোয়গী অঙম্বা মতেং পাংখি হায়বসি চাউথোক্নীংঙাই ওইবা ৱাফম্নি। কোবিদকা মরি লৈনবা ফেসিলিতীশিং লোইনমক য়াওরবা মসিগী হোস্পিতালশিং অসিনা ওরিশাগী মীয়ামদা য়াম্না চাউরবা মতেং অমা ওইগনি” হায়না কেন্দ্রগী কোইলা অমসুং মাইন্সকী মন্ত্রী শ্রী প্রল্হাদ জোশীনা হায়খি। নাল্কোনা ওরিশাগী নাবরংপুর জীলাদা ফমুং ২০০ লৈবা হোস্পিতাল অমা অমগী শেন্থং পুথোক্কনি অদুগা এম.সি.এল.না রাজ্য অসিগী অঙ্গুল জিলাদা লৈবা তালচেরদা হৌদোকখিবা ফমুং ১৫০ লৈবা হোস্পিতালগী শেন্থং পুম্নমক পুথোক্কনি। এম.সি.এল.না হোস্পিতাল অদু লিংখৎনবগীদমক্তা মখোয়গী মেদিকেল কোলেজগী ইনফ্রাস্ত্রকচরসু পুথোকখি।

“কেন্দ্র সরকারনা কোবিদ-১৯ লান্থেংননবা দিস্ত্রিক্ত মিনরেল ফন্দ (দি.এম.এফ.)দা লৈবা অহেনবা ফন্দগী ৩০% ফাওবা রাজ্য সরকারনা শিজিন্নবা য়ানবা গাইদলাইনশিং হান্নদগী থোকখ্রে। মসিনা মিনরেল মরাং কাইনা ফংবা ওরিশাগুম্বা রাজ্যশিংদা লাইচৎ অসিগা লান্থেংনবদা মতেং পাংগনি।” হায়না কোইলা অমসুং মাইন্সকী মন্ত্রীনা মখা তানা হায়খি।

 

 

https://static.pib.gov.in/WriteReadData/userfiles/image/image001089X.jpg

 

https://static.pib.gov.in/WriteReadData/userfiles/image/image002DVUR.jpg

পনবা য়াবদি, নাল্কোগী এম্প্লোয়ীশিংনা মখোয়গী নোংমগী তলব অদু খোমগত্তুনা লুপা কোতি ২.৫ ওরিশাগী চিফ মিনিস্তর রিলীফ ফন্দদা খাইগৎখি। ইকুই কুইদনা ওরিশাগী সরকারনা হৌদোকখিবা ভুবনেস্বরদা লৈবা কোবিদ-১৯ খক্তগী ওইবা ফমুং ৫০০ লৈবা হোস্পিতাল অসি এম.সি.এল.না হান্নদগী ফন্দিং তৌদুনা লাক্লি। মসিগী কোল ইন্দিয়া আর্ম অসিনা ওরিশাগী ঝারসুগুদা জিলাদা ফমুং ৫০গী মথক্তা লৈবা আইসোলেসন সেন্তর অমসু লিংখৎখি। কম্পনী অসিনা কোল মাইনরশিং অমসুং মখোয়গী থবক তৌরিবা মফমশিং অদুগী মনুং অমসুং অকোইবদা লৈরিবা মীশিংদা মাস্কশিং অমসুং এল্কোহোল বেজ সেনিতাইজরশিং য়েন্থোকপদা নত্তনা খ্বাইদগী নৌবা ইক্বুইপমেন্ত “ফোগ কেনন” অসিবু অকোইবদা লৈরিবা মফমশিংদা সেনিতাইজ তৌনবা থবক তৌবা হৌহনখি।

নাল্কো অসি মিনিস্ত্রী ওফ মাইন্স (এম.ও.এম)গী মখাদা থবক তৌরিবা সেন্ত্রেল পব্লিক সেক্তর এনতর্প্রাইজ (সি.পি.এস.ই.)নি অমসুং এম.সি.এল. অসিনা ভারত সরকারগী মিনিস্ত্রী ওফ কোল (সি.ও.সি.)গী মখাদা থবক তৌরিবা কোল ইন্দিয়া লিমিতেদ (সি.আই.এল.)গী সবসিদ্যরীনি। নাল্কোনা ভারত্তা বোক্সাইৎ ৩২%, এলুমিনা ৩৩% অমসুং এলুমিনিয়ম ১২% পুথোকপদা শরুক য়ারিবনি। সি.আই.এল.না ভারতকী কোইলাগী পোত্থোক অসিগী চাদা ৮০গী মথক্তা পুথোক্লিবনি।



(Release ID: 1616584) Visitor Counter : 44