সাইন্স অমসুং তেক্নোলোজী মন্ত্রালয়

ভারতকী কোবিদ-১৯ লান্থেংনবগী খোঙথাং
সি.এস.আই.আর.না গ্রাম-নেগেতিব সেপ্সিসনা কন্না নারবা মীওইশিংগী পুন্সি কন্নবা লায়েংনবগী হিদাক পুথোকপদা মতেং পাংলি

সি.এস.আই.আর.না রেন্দমাইজদ, ব্লাইন্দেদ, তু আর্ম, এক্তিব কম্পেরেতর কন্ত্রোল তৌরবা হিদাক্কী ক্লিনিকেল ত্রায়েল চত্থদুনা কোবিদ-১৯না ফিভম শোক্না নারবা অরুবা অনাবশিংগী মোর্তেলিতী (শিবা) হন্থহন্নবা হিদাক অসিগী মথৌ তৌবগী মতিক মগুন খঙদোক্নবা খোঙথাং অমা হৌজিক লৌখৎলি

দ্রগ কন্ত্রোল্লর জেনেরেল ওফ ইন্দিয়া (দি.জি.সি.আই.)নসু ত্রায়েল অসিগী অয়াবা পীখ্রে অমসুং অনা লায়েংশঙ কয়াদা শিজিন্নবা হৌরগনি

মসিনা অনাবশিংনা শিজিন্নবদা খুদোং থিনীংঙাই ওইদে হায়বা খঙলে অমসুং মসি শিজিন্নবদা পামদবা সাইদ ইফেক্ত অমত্তা লৈতে

Posted On: 20 APR 2020 4:31PM by PIB Imphal

কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)না মশাগী ন্যু মিলেনিয়ম ইন্দিয়ন তেক্নোলোজী লিদর্শিপ ইনিসিএতিব (এন.এম.আই.তি.এল.আই.) কৌবা ফ্লেগশিপ প্রোগ্রামগী খুত্থাংদা অহমেদবাদকী কেদিলা ফার্মাস্যুতিকেল্স লিমিতেদপু ২০০৭তগী হৌনা গ্রাম-নেগেতিব সেপ্সিসনা ফিভম শোক্না নারবা মীওইশিংগী পুন্সি কন্নবা হিদাক পুথোকপদা মতেং পাংদুনা লাক্লি। মসিগী থৌওং অপুম্বা (প্রি ক্লিনিকেল অমসুং ক্লিনিকেল স্তদী) অসি সি.এস.আই.আর.না খনবা মোনিতরিং কমিতী অমনা য়েংশিনবনি। হিদাক অসিনা ফিভম লুনা নারবা মীওইশিংগী শিবগী চাং অসি তংখাই ফাওবদি হন্থহনবা ঙম্লে হায়বা উৎলবনি। ফিভম অসিদা উবা ফংবা হকচাং কয়াৎ মথৌ তৌবা ঙমদবগী লাইওংসু হিদাক অসিনা ফগৎহনবা ঙমহল্লি। মসি ভারত্তা য়োনবা য়াবগী অয়াবসু ফংলে। মসি ললোন ইতিক্কী ওইনা কেদিলা ফার্মাস্যুতিকেল্সতগী সেপ্সিস ভেক® হায়বা মিংদা ফংলগনি।  

হায়রিবা অসি ঐখোই পুম্নক্কী য়াম্না চাউথোকচনীংঙাই ওইবা পুংফম্নি মরমদি মালেমগী অতোপ্পা মফম অমত্তদা, য়াম্না কন্না হোৎনবা লৈরবসু, শিবগী চাং হন্থহনবা ঙম্বা গ্রাম-নেগেতিব সেপ্সিসকী হিদাক অমত্তগী অয়াবা পীবা লৈত্রি।

গ্রাম-নেগেতিব সেপ্সিস অমসুং ফিভম শোক্লবা কোবিদ-১৯গী অনাবশিংদা সাইতোকাইনিন প্রোফাইলদা অচৌবা অহোংবা ওইহল্লকপা শেমদোক্লবা ইম্ম্যুন রেস্পোন্স অমা য়াওই। হিদাক অসিনা কচাংগী ইম্ম্যুন সিস্তেম মোদ্যুলেৎ তৌদুনা সাইতোকাইনিনগী স্তোর্মবু থিন্থহন্দুনা/ঙাকথোক্তুনা শিবগী চাং হন্থহল্লি অমসুং হকচাং ফগৎহল্লি।

কোবিদ-১৯ অমসুং গ্রাম-নেগেতিব সেপ্সিসকী অনাবশিংগী ক্লিনিকেলগী ওইবা মওং মতৌদা মান্নরিবা অসি য়েংলদুনা, সি.এস.আই.আর.না, হৌজিক রেন্দমাইজদ, ব্লাইন্দেদ, তু আর্ম, এক্তিব কম্পরেতর কন্ত্রোল তৌরবা হিদাক্কী ক্লিনিকেল ত্রায়েল চত্থদুনা কোবিদ-১৯না ফিভম শোক্না নারবা অরুবা অনাবশিংগী মোর্তেলিতী (শিবা) হন্থহন্নবা হিদাক অসিগী মথৌ নীংথিনা তৌবগী চাং খঙনবা হোৎনবগী খোংথাং অমা লৌখৎলি। দ্রগ কন্ত্রোল্লর জেনেরেল ওফ ইন্দিয়া (দি.জি.সি.আই.)নসু ত্রায়েল অসিগী অয়াবা পীখ্রে অমসুং অনা লায়েংশঙ কয়াদা শিজিন্নবা হৌরগনি
 

হিদাক অসিদা মৈশা পীদুনা হাৎলবা মাইকোবেক্তরিয়ম দব্ল্যু. (এম.দব্ল্যু.) য়াওই। মসি অনাবশিংনা শিজিন্নবদা অকাইবা ওইদে অমসুং মসি শিজিন্নবগী পামদবা সাইদ ইফেক্তসু লৈতে। অসিগুম্লবা অনাবশিংদা মখোইবু লায়েংবগী ওইনা হান্ননা থারিবা হিদাকশিংগী মথক্তা হায়রিবা হিদাক অসি অথিংবা লৈতনা অদুমক শিজিন্নবা য়াই। মসিগী মশক থোকপা মগুন অসিদা প্রোতেক্তিব ইম্ম্যুনিতি (তি.ঐচ. ১, তি.এল.আর. ২ এগোনিস্ত) হেনগৎহনবা অমসুং নন-প্রোতেক্তিব রেস্পোন্স (তি.ঐচ. ২) নমথহনবসু য়াওই। 

সি.এস.আই.আর.না কোবিদ-১৯না নাদুনা অনা লায়েংশঙদা লৈরবা অনাবশিংগী এম.দব্ল্যু. য়েংথোক্তুনা অথুবা মতমদা অনাবা ফহন্নবসু শেম শাদুনা লৈরবনি অমসুং মসিগী মতেংনা অনাবশিং অমসুং মখোইগা থেংনরুবা ইমুং মনুংগী মীওইশিং অমসুং হেলথ কেয়রগী থৌমীশিংদা লায়না অসি শন্দোকপগী চাং নেমথহনবগী পান্দমসু হায়রিবা শেম শাবা অসিদা য়াওরি। 



(Release ID: 1616582) Visitor Counter : 43