য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রীনা লোকদাউনগী অথিংবশিং এপ্রীল ২০দগী কোমথোক্নবা রাজ্যশিংগা খন্ননবা অমদি কোবিদ-১৯গী লায়চৎপু লাকশিন্নবা হায়খ্রে

Posted On: 19 APR 2020 4:59PM by PIB Imphal

হোম এফিয়র্সকী কেন্দ্র মন্ত্রী, শ্রী অমীৎ শাহনা মন্ত্রালয় অসিগী সেনিয়র ওফিসরশিংগা লৈবাকসিদা থোক্লিবা কোবিদ-১৯ লায়চৎকী ফিভম ঙরাং অমুক হন্না য়েংশিনখ্রে। গৃহ মন্ত্রীনা লোকদাউনগী অথিংবশিং এপ্রীল ২০দগী কোমথোক্নবা রাজ্যশিংগা খন্ননবা অমদি কোবিদ-১৯গী লায়চৎপু লাকশিন্নবা হায়খ্রে।

প্রধান মন্ত্রী শ্রী নরেন্দ্র মোদীগী লীচিং মখাদা হৌজিক ফাওবা ভারতনা কোরোনাবু লান্থেংনরি হায়খি, মরম অসিনা চৎনগদবা লোকদাউনগী অথিংবশিংগা লোয়ননা জাতি অসিগী ওইনা ইন্ননবা তাক্লিবশিং পুকচেল শেংনা ইনগদবনি। ফীভম অসি হন্না য়েংশিল্লিঙৈগী মতমদা, লুনা লৈরিবা মফমশিং/পুল্লপ ওইরিবশিং/ওইরকপা য়াবা ফীবমদা লৈরিবা জোনশিংদা তাদবা মফমশিংদা অকক্নবা থবকশিং তৌবগী অয়াবা পীগনি, লৌখৎফম থোকপা চেকশিন-থৌরাংশিং লৌখৎলগা লৌথোক্নবা/কোমথোক্নবা তৌখিবনি।

খুঙ্গংগী শেনবাগী থবকশিং খঙহেন হেনগৎনবা, খুঙ্গংগী মফমশিংদা অকক্নবা শেনবাগী থবকশিং তৌবগী অয়াবা পীখ্রে। মসিগা মরি লৈননা, দিস্ত্রিক্ত মেজিস্ত্রেৎশিং/দিপুতী কম্মিসনরশিংনা ইন্দস্ত্রীশিংগা অপুনবা মওংদা, রাজ্য অদুগী মনুংদা শিন্মীশিং মফম হোংদোক্নবা থৌরং তৌগদবনি। অমরোমদা মোদী সরকারনা থাজৈ মদুদি মসিনা শেন্মিৎলোনগী থবকশিংদা পুক্নিং থৌগৎকনি অমদি নাকল অমদনা শিন্মীশিংদা থবক পীগনি।  

মসিগা মান্ননা, রাজ্যশিংনা অচৌবা ইন্দস্ত্রীগী য়ুনিৎশিং, ইন্দস্ত্রী ইস্তেৎশিং অমদি ইন্দস্ত্রীএল কমপ্লেক্সশিংদা, মরুওইনা কম্প্লেক্স মনুংদা শিন্মীশিংগী লৈফম পীবা য়াবা মফমশিংদা থবক তৌবদা চেকশিনগদবনি। অসিগুম্বা থবকশিং অসিনা শিন্মীশিংদা শোন্দোং ফংবা থবক শোয়দনা পীবদা অসিগুম্বা থবকশিং অসিনা শেন্মিৎলোন হেনগৎহনবদা তেংবাং ওই। মোদী সরকারনা লুরবা মতমসিদা খুন্নাই অসিগী সেক্সন খুদিংমক্কী হকশিংবু ঙাক-শেন্নবা অচেৎপা ৱাফম থম্লি। দিস্ত্রিক্ত মেজিস্ত্রেতশিং/দিপুতী কমিস্নরশিংনা লৌউ-শিংউনা অমদি এম.জি.এন.আর.ই.জি.এ.গী থবকশিংনা শিন্মীশিংদা থবক ফংহনবা ঙম্নবা হোৎনগদবনি হায়না গৃহ মন্ত্রীনা হায়খি।

রিলিফ কেম্পতা মখা তানা লৈরিবা শিন্মীশিংগীদমক্তা মখোয়দা পীরিবা চাক্লেনশিংগী মগুন য়াওনা মখোয়গী য়াইফনবা তৌগদবনি। ফীভম অসি শিংননীংঙাই ওই হায়বসি খঙনরবা ওইবনা থোরক্লিবা অদু খঙহনবা য়াই।  

গৃহ মন্ত্রীনা হায়খ্রি মদুদি হৌজিক মেদিকেল তীমশিংগী থোংদা কম্যুনিতী-বেজ তেস্তিং লৌখৎখ্রে, মেদিকেল তীম খুদিংমক্না অশোয়-অঙাম য়াওহন্দনবা তৌরি হায়বসি থাজনবা রাজ্যনা অখন্নবা চেকশিন-থৌরাং লৌখৎকদবনি। তীম অসিনা কম্যুনিতীদুদা তেস্ত তৌবা চৎত্রিঙৈগী মতমদা, কম্যুনিতীদুদা পীস কমিতী মথৌ তৌহল্লগা অমদি তেস্তিং তৌদ্রিঙৈগী মমাংদা তেস্তিংগী, লায়েং অমদি কোবিদ-১৯গী অতৈ মওংশিংগী মতাংদা মীয়ামগী মরক্তা ফাওনরিবা অকিবা অমদি চমম্নবা অদু ইংথহনবা ঙম্বা মথৌদাং মশক খঙবা কম্যুনিতীদুগী লীদরশিং য়াওহল্লগা গ্রাউন্দ ৱর্ক অদু তৌবা য়াই।

কোবিদ-১৯ লান্থেংনবা জাতিগী ওইনা ইন্নবা খঙহনবশিং য়েংশিন্নবা খুঙ্গংগী মফমশিংদা পেত্রোল্লিং চৎপা হেনগৎকদবনি। হায়বা ইন্দবশিং ৱারক ৱাতেম্বদা মতেং পাংনবা দিস্ত্রিক্ত মেজিস্ত্রেতশিং/দিপুতী কমিস্নরশিংনা পুলিস, পঞ্চায়েৎকী ওফিসিএলশিং, রেভিন্যুগী ওফিসিএলনচিংবদা তাকপা য়াই।



(Release ID: 1616301) Visitor Counter : 259