তুরিজম মন্ত্রালয়
তুরিজম মন্ত্রালয়না ‘দেখো অপনা দেশ’কী মতাংদা শান্নবা ৱেবিনার সেরিজ অমগী খুত্থাংদা মালেমগী হেরিতেজ নুমিৎ পালন তৌখ্রে
মীওইবা খুন্নাইগী মতিক মগুন ঙাকপা অমসুং ঐখোয়গী হেরিতেজকী সেবা নীংথিনা তৌবা অসিনা ঐখোয়গী লৈবাক্কী শক্তাক্নিঃ শ্রী প্রহলাদ সিংহ পতেল
Posted On:
18 APR 2020 5:34PM by PIB Imphal
তুরিজম মন্ত্রালয়না ৱেবিনার সেরিজ অমগী খুত্থাংদা মালেমগী হেরিতেজ নুমিৎ ২০২০গী থৌরম পাংথোকখ্রে। তুরিজম অমসুং কলচরগী কেন্দ্রগী মন্ত্রী (আই./সি.) শ্রী প্রহলাদ সিংহ পতেলনা মমলাপুরমগী অরিবা লাইশঙগী শহরদগী লাইব ওইনা ৱেবিনারগী খুত্থাংদা ৱা ঙাংখি। লাইব ৱেবিনার অদুদা মালেমগী য়াম্লবা মফমশিংগী মীওই কয়ানা শরুক য়াখি।
মমলাপুরমগী অরিবা লাইশঙগী শহরদগী থাদোকখিবা অহানবা ৱেবিনার অদুদা পেনেলিস্তশিংনা লাইশঙশিং অসিগী আর্কিতেকচর অমসুং লাইনীংগী ওইবা মশক থোকপা ৱাফম কয়া থমখি। অনিশুবা ৱেবিনার অদুনা ‘হুমায়ুগী মংফমদা লৈবা মালেমগী হেরিতেজ অমসুং সস্তেনেবল তুরিজম’ কৌই। ৱেবিনার অসিনা মালেমগী হেরিতেজ সাইৎ অসিগী মতাংদা ৱাফম কয়া অমা থমখি অমসুং কমপ্লেক্স অসিদা লৈরিবা হুমায়ুগী মোঙফম অমসুং অতোপ্পা মোন্যুমেন্তশিংবু তেক্ত কাইদনবা নৌনা শেমজিন শাজিল্লিবশিংগী মতাংদা তাকখি।
থৌরম অসিদা ৱা ঙাংবদা শ্রী পতেলনা ঐখোয়গী চৎনবী অমসুং কলচর অসি অরিবা অমা ওইবতা নত্তনা মমল নাইদবা অমসু ওই হায়না ফোংদোকখি। মালেম অমসুং ঐখোয়গী লৈবাক্না হৌজিক্কী ওইরিবা কোবিদ-১৯গা থেংনরিবা অসিদা ঐখোয়না হৌজিক ওইরিবা অমসুং ঐখোয়বু শক তাক্লিবা অসি মীওইবা খুন্নাইগী মতিক মগুন ঙাকপা অমসুং ঐখোয়গী হেরিতেজগী সেবা নীংথিনা তৌবা অসিননি হায়না মহাক্না মখা তানা হায়খি। মহাক্না মহা উপনিশদতা য়াওবা শ্লোক, ‘বাসুদৈব কুতুম্বকম’ (পৃথিবী অসি ঐখোয়গী ইমুং মনুংনি) হায়বা অসি পল্লদুনা ভারতকী ৱাখল্লোন অসি ভারত্তা হৌজিক চৎফম খঙদনা লৈরিবা মপান লমগী লমকোইবশিং অসিদা নুংশিনা অমসুং চেকশিন্না মতেং পাংলিবা অসিনা উৎলি হায়না মহাক্না শম্লপ্না হায়খি।
অরিবা ভারতকী পুন্সি মহিংগী সাইন্তিফিক ওইবা ৱাখল্লোন অসি ঐখোয়গী পুন্সিগী শরুক অমা ওইদুনা লাক্লি অমসুং অসিগুম্লবা লিরবা হৈনবীশিং অসি লৈবগী মরম্না ঐখোয়না হৌজিক্কী অরুবা ফিভম অসিদা খোংকাপ শোইদনা লেপ্পা ঙম্লিবনি হায়না ফোংদোকখি। ঐখোয়গী পুক্নিং চেৎপা অমসুং খাংবা কনবা অসিনা ঐখোয় পুম্নমকপু পুন্সিন্দুনা অমত্তা ওইনা লৈহল্লিবনি হায়না মহাক্না মখা তাখি।
গুজরাতকী মোধেরাদা লৈবা মখোং ৫২ য়াওবা সন তেমপল, মখোং অমমম্না চহী অমদা লৈবা চয়োল অমমমগী মহুৎ শিনবা, অসিদা খুদম পীরদুনা অরিবা ভারতকী লাইনীংগী ৱাখল্লোন অসি বিজ্ঞানদা য়ুম্ফম ওই হায়বসি মহাক্না নৌহৌননা অমুক নীংশিংহনখি। ঐখোয়না ভারতকী ৱাখল খনবগী অমসুং চৎনবীগী মনুং হুৎনা লৈবা ৱাখল্লোন অসিবু নীংথিনা খঙবা ঙমদ্রিবা অসি ঐখোয়না খঙবা ৱাৎপগীনি হায়না মখা তাখি। মোধেরাগী সন তেম্পল অমসুং মমলাপুরম অনি অসি য়ু.এন.ই.এস.সি.ও. ৱর্লদ হেরিতেজ সাইৎনি।
মহাক্না “নমস্তে” হায়রিবা য়ুম চংবদা খোংউপ লৌথোকপা, য়ুম চংদ্রিঙৈদা ইরু লুথোকপগী ইচম চম্বা মানবা অদুবু মতমগা শাগোন্নরবা ৱাখল্লোন ফজবা অমা চেন্দুনা লাক্লবা থৌওং অসিদা মরু ওইবা মিৎয়েং অমা থমদুনা পনখি। লোন্নরিবা লোনদি খেৎনবা য়াই অদুবু ঐখোয়গী ফজরবা লৈবাক অসিগী তৎন-থানবা য়াদ্রবা মতিক মগুনশিং অসিদি মসিগী কুইনদগী লৈরক্লবা চৎনবী কয়া অমনা উৎলি হায়না মহাক্না মখা তাখি।
ভারতকী প্রধান মন্ত্রীগী ভিজন ২০২৪ হায়বা অমা লৈ অমসুং মসিগী মতম অসিগী মনুংদা ঐখোয়গী ফজরবা লৈবাক অসিগী লিরবা অমসুং মমল নাইদ্রবা মোন্যুমেন্তশিং অমসুং চৎনবীশিংবু য়াওহন্নবা, ঙাক শেন্দুনা থম্নবা অমসুং মীয়ামদা খঙহন্নবা শেম শাবগী থৌওং অমা লৈরে হায়না মহাক্না ৱেবিনার অসিবু তারিবা মীয়াম অদুদা ফোংদোকখি। ঐখোয়গী অরিবা সিবিলাইজেসন অসিগী পাক চাউবা অমসুং মনুং হঞ্জিনবা অসিবু য়েংলুরগদি মসিগী পরিং অসি হেন্না চাউখৎলক্কনি হায়না মহাক্না মখা তাখি। মসিগা মরী লৈননা মন্ত্রীনা তেক্নোলোজীগী খুত্থাংদা নেস্নেল লিস্ত ওফ দি ইন্তেন্সিবল কলচরেল হেরিতেজ ওফ ইন্দিয়া কৌবা লিস্ত অমা ফোংখি অমসুং অসিবু লৈবাক অসিগী মীয়ামদা কত্থোক্লবনি হায়না ফোংদোকখি। লিস্ত অসি কলচর মন্ত্রালয়গী ৱেবসাইত্তা ফংগনি। লাই য়েকপা, খুৎশা হৈবা অমসুং তোঙান তোঙানবা মফম মফমগী চৎনবীশিং অসি পুনশিল্লগা ঐখোয়গী অরিবা সিবিলাইজেসন অসিগী পাক চাউবা অমসুং মনুং হঞ্জিনবা অসিবু য়েংলুরগদি মসিগী পরিং অসি হেন্না চাউখৎলক্কনি হায়না মহাক্না মখা তাখি।
(Release ID: 1616238)
Visitor Counter : 144