ভারত লৈঙাক্না এন.এ.এফ.ই.দি. অমদি এফ.সি.আই.গুম্বা সেন্ত্রেল নোদেল এজেন্সীশিংগী খুত্থাঙদা লৌমীশিংদা অহেনবা শেন্দোং ফংহন্নবা হোৎনদুনা লাক্লি‍। মীয়ামদা খঙহনখ্রবা পোৎলমশিং মিনিমম সপ্পোর্ত প্রাইস (এম.এস.পি.)দা রবী লৌরোক ২০২০-২১গী মতমদা লৌমীশিংদগী লৌবগী থবক তোঙান তোঙানবা স্তেৎশিংদা হৌখ্রে‍। অথিংবা লৈরিঙৈ তাল্লকসিদা লৌমীশিংদা মতম চানা মখোয়গী পোত্থোকশিং য়োলহন্নবগী খুদোংচাবা পীরি‍। কোভিদ-১৯ লাইচৎ থেংননবা পীরিবা চৎন-পথাপ কায়হন্দনা লৌমী মশিং য়াম্না খুদোংচাবা পীরি‍।

রবী লৌরোক ২০২০-২১গী মতমদা প্রাইস সপ্পোর্ত স্কিমগী মখাদা হৱাই চেংৱাই অমদি থাউ মরুশিং এম.এস.পি.দা লৌবগী থবক হৌজিক হৌজিক কর্নাতকা, অন্ধ্র প্রদেশ, তেলঙ্গনা, রজাস্থান, মহারাস্ত্র, উত্তর প্রদেশ অমসুং হর‍্যানাদা চত্থরি‍। এপ্রিল ১৬, ২০২০ ফাওবদা হৱাই চেংৱাই এম.তি. ১,৩৩,৯৮৭.৬৫ অমসুং থাউ মরু এম.তি. ২৯,২৬৪.১৭ এন.এ.এফ.ই.দি. অমদি এফ.সি.আই. লৌদুনা লৌমী ১,১৪,৩৩৮দা লুপা ক্রোর ৭৮৪.৭৭ কান্নবা পীখ্রে‍। অথিংবা থম্লিঙৈ মনুংসিদা পি.এস.এস. স্কিমগী মখাদা রবী হৱাই চেংৱাই অমসুং থাউ মরূ এম.তি. ৯৭,৩৩৭.৩৫ লৌশিনখ্রে।

এন.এ.এফ.ই.দি.না লৌমীশিংদগী প্রাইস স্তেবিলাইজেসন ফন্দ (পি.এস.এফ.)গী মখাদা অমসুং হৱাইগী বফর স্তোক্কীদমক্তা এম.এস.পি.দা হৱাই কংতক লৌশিনবগী থবক চত্থরি‍। খারিফ ২০১৯-২০গী পি.এস.এস./পি.এস.এফ.কী মখাদা হৱাই কংতক লৌশিনবগী থবক হৌজিক মহারাস্ত্রা, তমিল নাদু, গুজরাত, আন্ধ্র প্রদেশ, কর্নাতকা অমদি তেলঙ্গনাদা চত্থরি‍। খরিফ লৌরোক ২০১৯-২০গী পোত্থোকশিং য়োনবগী মতমদা লৌশিনগদবা হৱাই কংতক এম.তি. ৫,৩২,৮৪৯গী মনুংদা অথিংবা থম্লকপদগী হৌরগা হৌজিকফাওবদা এম.তি. ২৯,৩২৮.৬২ লৌশিল্লে‍।

রাজাস্থানগী কোতা দিভিজনদা হৱাই চেংৱাই অমসুং থাউ মরূ লৌবগী থৌরাং অথিংবা থম্লকপদগী লেপখি‍। ১৫-০৪-২০২০দগী কোতা দিভিজনদা সেন্তর ৫৪ মথৌ তৌবা হৌরে অমসুং লাক্কদৌরিবা নুমিৎশিংদা অহেনবা সেন্তরশিং মথৌ তৌরগনি‍। রাজস্থানগী লেমহৌরিবা দিভিজনশিংদসু হৱাই চেংৱাই লৌশিনবগী থবক মে ২০২০গী অহানবা চয়োলদগী হৌননবগী ৱাফম হৌদোক্লি‍। নোংমদা সেন্তর অমদা য়াম্লবদা লৌমী ১০ কৌখত্তুনা পাঙথোক্লি অমসুং মরী লৈনবা ঈ-পাউশিং লৌমীশিংদা পীরি‍।

হঙ্গাম মরূ অমসুং হৱাই চনা লৌশিনবগী থবক হরিয়ানাদা সেন্তর ১৬৩দা ১৫-০৪-২০২০দগী হৌখ্রে‍। সোসিএল দিস্তেন্সিং ঙাক্ননবা নুমিৎ খুদিংগী লৌমী মশিং য়ামদনা কৌখত্তুনা চত্থরি‍। অহানবা নুমিৎ নিনিদা লৌমী ১০,১১১দগী হঙ্গাম মরূ এম.তি. ২৭,২৬৭.৭৭ লৌশিল্লে‍।

মধ্য প্রদেশতসু হৱাই চনা, মুসোরী অমসুং হঙ্গাম লৌননবগীদমক লৌমীশিংদা মখোয়গী পোত্থোকশিং প্রোক্যুরমেন্ত সেন্তরশিংদা পুরক্নবা খঙহনখ্রে‍।