লুপা করোর ৩৬,৬৫৯ হেন্না পব্লিক ফাইনান্সিয়েল মেনেজমেন্ত সিস্তেম (পি.এফ.এম.এস.)গী খুথাংদা দাইরেক্ত বেনিফিৎ ত্রান্সফর (দি.বি.তি.) শিজিন্নদুনা কোভিদ ২০১৯ লোকদাউনগী মনুংদা কান্নবা ফংগদবা মীওই করোর ১৬.০১গী বেঙ্ক একাউন্ততা দিপার্তমেন্ত ওফ এক্সপেন্দিচর, শেনথুম মন্ত্রালয়গী কন্ত্রোলর জেনরেল ওফ একাউন্তস (সি.জি.এ.)গী ওফিসনা হাপখ্রে।

দাইরেক্ত বেনিফিৎ ত্রান্সফরনা কেশ বেনিফিৎপু কান্নবা ফংগদবশিংগী একাউন্ততা হকথেংননা য়ৌহল্লি, মফম চাদনা চৎহন্দে অমসুং মপুং ফানা কান্নবা ফংবা হেলহল্লি।

মমাংদা পল্লিবা শেনফম অসি সেন্ত্রেল স্কিমশিং (সি.এস.)/সেন্ত্রেল্লী স্পোন্সর্দ স্কিমস (সি.এস.এস.)/ সি.এ.এস.পি. স্কিমশিংগী মখাদা দি.বি.তি. পেমেন্ত তৌনবগীদমক মপাঙ্গল লৈরবা দিজিতেল পেমেন্ত তেক্নোলোজী অমা ওইরিবা পি.এফ.এম.এস. (পব্লিক ফাইনান্সিয়েল মেনেজমেন্ত সিস্তেম) শিজিন্নদুনা থাখিবনি।

মরুওইবা পাউদমশিং:

I. লুপা করোর ৩৬,৬৫৯ (লুপা করোর ২৭,৪৪২ [সেন্ত্রেল্লী স্পোন্সর্দ স্কিম সি.এস.এস.+সেন্ত্রেল সেক্তর স্কিমস (সি.এস.)] + লুপা ৯৭১৭ [রাজ্য সরকার] হেন্না পব্লিক ফাইনান্সিয়েল মেনেজমেন্ত সিস্তেম (পি.এফ.এম.এস.)গী খুথাংদা দাইরেক্ত বেনিফিৎ ত্রান্সফর (দি.বি.তি.) শিজিন্নদুনা কোভিদ ২০১৯ লোকদাউনগী মনুংদা (ইং ২০২০গী মার্চকী তাং ২৪দগীনা ইং ২০২০গী এপ্রিলগী তাং ১৭ ফাওবদা) কান্নবা ফংগদবা মীওই করোর ১৬.০১ (করোর ১১.৪২ [সি.এস.এস./ সি.এস.] + করোর ৪.৫৯ [রাজ্য])গী বেঙ্ক একাউন্ততা হাপখ্রে।

II. প্রধানমন্ত্রী গরীব কল্যান য়োজনাগী মখাদা লাউথোকখিবা কেস বেনিফিৎসু দি.বি.তি. দিজিতেল পেমেন্ত ইনফ্রাস্ত্রকচর শিজিন্নদুনা থারি। জন ধন একাউন্ত পায়রবা নুপী খুদিংমক্তা লুপা ৫০০ হাপখি। ইং ২০২০গী ইপ্রিলগী তাং ১৩ ফাওবদা, কান্নবা ফংখিবা নুপীগী অপুনবা মশিং অসি করোর ১৯.৮৬নি, মসিনা লুপা করোর ৯,৯৩০ কাইথোকপা মথৌ তাখি (দিপার্তমেন্ত ওফ ফাইনান্স সর্বিসকী দেতাগী মতুং ইন্না)।  

III. দি.বি.তি.গী পেমেন্ত থাবদা পি.এফ.এম.এস. শিজিন্নবগী চাংসু হৌখিবা শেনবা চহী ৩ অসিদা হেনগৎলক্লি, কাইথোকখ্রবা দি.বি.তি.গী অপুনবা শেনফম শেনবা চহী ২০১৮-১৯দা ২২% ওইরম্বদগী শেনবা চহী ২০১৯-২০দা ৪৫%দা হেনকৎখি

মখাগীশিং অসি কোভিদ ১৯গী মনুংদা (ইং ২০২০গী মার্চ ২৪দগীনা ইং ২০২০গী এপ্রিল ১৭ ফাওবা) দি.বি.তি. পেমেন্ত তৌনবগীদমক পি.এফ.এম.এস. শিজিন্নদুনা কেশ বেনিফিৎ থাখিবগী অকুপ্পা ৱারোলশিংনি।

i. কোভিদ ১৯ লোকদাউনগী মনুংদা হায়বদি ইং ২০২০গী মার্চ ২৪দগীনা ইং ২০২০গী এপ্রিল ১৭ ফাওবা; সেন্ত্রেল সেক্তর/সেন্ত্রেল্লী স্পোন্সর্দ স্কিমশিংগী মখাদা, পি.এম. কিসান, মহাত্মা গান্ধী নেস্নেল ইম্প্লোইমেন্ত গরেন্তী স্কিম (এম.এন.আর.ই.জি.এস.), নেস্নেল সোসিয়েল এসিস্তেন্স প্রোগ্রাম (এন.এস.এ.পি.), প্রধান মন্ত্রী মাতৃ বন্দনা য়োজনা (পি.এম.এম.ভি.ৱাই.), নেস্নেল রুরেল লাইবলিহুদ মিসন (এন.আর.এল.এম.), নেস্নেল হেলথ মিশন (এন.ঐচ.এম.), নেস্নেল স্কোলরশিপ পোর্তেল (এন.এস.পি.)গী মখাদা পীবা তোঙান-তোঙানবা স্কোলরশিপ স্কিমগুম্বা স্কিমশিংগী খুৎথাংদা পি.এফ.এম.এস. শিজিন্নদুনা কান্নবা ফংখ্রবা মীওই ১১,৪২,০২,৫৯২দা থাখিবা দি.বি.তি.গী পেমেন্তকী শেনফম অসি  লুপা করোর ২৭,৪৪২.০৮ য়ৌখি।

ii. মথক্তা পনখ্রিবা স্কিমশিং অসিগী মথক্তা, প্রধান মন্ত্রী গরীব কল্যান য়োজনাগী মখাদা জন-ধন একাউন্ত পায়বা নুপী খুদিংদা লুপা ৫০০ হাপখি। ইং ২০২০গী এপ্রিল ৩০গী মনুং ফাওবদা লৈখিবা কান্নবা ফংখিবা নুপীগী অপুনবা মশিং অসি করোর ১৯.৮৬নি, মসিনা লুপা করোর ৯.৯৩০ কাইথবা মথৌ তাখি (দিপার্তমেন্ত ওফ ফাইনান্সিয়েল সর্ভিসকী দেতা মতুং ইন্না)।

iii. কোভিদ ১৯গী মনুংদা, য়ু.পি., বিহার, এম.পি, ত্রিপুরা, মহারাস্ত্র, জে. এন্দ কে., এ.পি. অমসুং অতোপ্পা রাজ্যশিংসু বেঙ্ক একাউন্তশিংদা শেল থানবগীদমক দি.বি.তি. শিজিন্নখ্রে। য়াইফ-থৌরাংগী স্কিম ১৮০গী মখাদা, রাজ্য সরকারশিংনা পি.এফ.এম.এস. শিজিন্নদুনা ইং ২০২০গী মার্চ ২৪দগী ইং ২০২০গী এপ্রিল ১৭ ফাওবগী মনুংদা কান্নবা ফংখ্রবা মীওই ৪,৫৯,০৩,৯০৮তা লুপা করোর ৯,২১৭.২২গী শেনফম হাপখ্রে।

সেন্ত্রেল্লী স্পোন্সর্দ স্কিমশিং/সেন্ত্রেল সেক্তর স্কিমশিংগী অহানবা মথং মনাও ১০গী  দি.বি.তি. পেমেন্তকী শম্লপ্পা ৱারোলঃ

* পুন্না পীখ্রবা বেনিফিসরী মশিং- ১১,৪২,০২,৫৯২/ এমাউন্তঃ লুপা করোর ২৭,৪৪২.০৮ [ মথক্কী পেরা (১)গী মতুং ইন্না] 

রাজ্য সরকারশিংগী অহানবা মথং মনাও ১০গী  দি.বি.তি. পেমেন্তকী শম্লপ্পা ৱারোলঃ

* পুন্না পীখ্রবা বেনিফিসরী মশিং- ৪,৫৯,০৩,৯০৮/ এমাউন্তঃ লুপা করোর ৯২১৭.২২ [ মথক্কী পেরা (৩)গী মতুং ইন্না] 

হৌখিবা চহী অহুমদা পি.এফ.এম.এস. শিজিন্নদুনা দি.বি.তি. পেমেন্ত তৌবগী শাহৌঃ

পি.এফ.এম.এস. শিজিন্নদুনা দি.বি.তি. পেমেন্ত তৌবা অসি হৌখিবা শেনবা চহী #৩দা হেনগৎলে অমসুং ত্রাঞ্জেক্সন তৌবগী মশিং অসি শেনবা চহী ২০১৮-১৯দা ১১% হেনগৎলে (শেনবা চহী ২০১৭-১৮গা চাংদম্নবদা) অমসুং শেনবা চহী ২০১৯-২০দা ৪৮% হেনগৎলে। দি.বি.তি.গী অপুনবা এমাউন্ত থাদোকপসি শেনবা চহী ২০১৮-১৯দা ২২% ওইবা অদুদগী শেনবা চহী ২০১৯-২০দা ৪৫% ওইরে।

য়ুম্ফমঃ

ভারত সরকারগী শেল-থুম মন্ত্রালয় (এম.ও.এফ.) না দি.বি.তি.গী মনুং চনবা পেমেন্ত, একাউন্তিং অমসুং রিপোর্ত তৌবগী থৌওং কয়াবু কন্ত্রোল্লর জেনেরেল ওফ একাউন্তস (সি.জি.এ.)কী পব্লিক ফাইনেন্সিএল মেনেজমেন্ত সিস্তেম (পি.এফ.এম.এস.) অসি শুংসোই সোইদনা শিজিন্নগদবনী হায়খ্রে অমসুং এপ্রিল ১, ২০১৫দগী হৌনা করিগুম্বা দি.বি.তি. স্কিমগী শেল পীথোকপগী ইলেক্ত্রোনিক পেমেন্ত ফাইলশিং অসি পি.এফ.এম.এস.কী খুত্থাংদা লাক্ত্রবদি মরী লৈনবা মন্ত্রালয়শিং/বিভাগশিংনা শেল পীথোকপদা অথিংবা থমগদবনি হায়বা ৱারোল অমসু (দিসেম্বর, ২০১৪দা) থোকখ্রে। দাইরেক্ত বেনিফিৎ ত্রান্সফর (দি.বি.তি.) অসি অনৌবা মতমগা চান্নবা ইনফোর্মেসন অমসুং কম্ম্যুনিকেসন তেক্নোলোজী (আই.সি.তি.) শিজিন্নদুনা হৌজিক লৈরিবা অচৌবা অমসুং অতপ্পা পীথোকপগী থৌওংশিং অসিবু নৌনা শেমদোক্নবা হায়দুনা ভারত সরকারনা পায়খৎপা মশক থোকপা খোঙথাং অমনি। মসিগী থৌওং অসিদা কান্নবশিং অসি ময়েক চুম্না খন্দোক্লবা বেনিফিসরীশিংগী আধারগা মরী লৈনরবা বেঙ্ক/পোস্তেল একাউন্ততা থাজিল্লি অমসুং সরকারদগী বেনিফেসরী ওইবা মীওইশিংদা ইন-কাইন্দ ওইবা ত্রান্সফরসু তৌই।

পি.এফ.এম.এস.তা দি.বি.তি. পেমেন্তকী ইকোসিস্তেম

পি.এফ.এম.এস.তা বেনিফিসরীশিং শিল-লাংনবা বেনিফিসরীশিংগী দেতা অসি মখাদা পীরিবা থৌওংশিং অসিগী মরক্তা অমা শিজিন্নদুনা পাংথোকই। থৌওংশিং অদুদিঃ

১.  পি.এফ.এম.এস. য়ুজর ইন্তর্ফেসতগী এক্সেলদা অপ্লোদ তৌবগী খুত্থাংদা অমসুং/নত্ত্রগা

২.  ইন্তেগ্রেতেদ এক্সতর্নেল সিস্তেমস/লাইন ওফ বিজিনেস (এল.ও.বি.) এপ্লিকেসনশিংগী সেক্যুর লাইন ত্রান্সফর প্রোতোকোল (এস.এফ.তি.পি.) সরবরশিংগী খুত্থাংদা

৩.  পি.এফ.এম.এস.না নেস্নেল পেমেন্ত কোর্পোরেসন ওফ ইন্দিয়া (এন.পি.সি.আই.) আধার মেপ্পরদা বেঙ্ক/পোস্তেল একাউন্ত অমসুং আধার নম্বরগী প্রী-ভেলিদেসনসু তৌই।

দি.বি.তি.দা বেনিফিসরীশিংদা ইন-কাইন্দ অমসুং শেল ওইনা ত্রান্সফর তৌবগী থৌওংশিং য়াওই অমসুং কম্ম্যুনিতিগী থৌমীনচিংবশিংনা সরকারগী স্কিমশিং অসিবু মায় পাক্নবা হোৎনবদা মতেং পাংবগীদমক্তা ত্রান্সফর/হোনোরেরিয়ম পীবগী থৌওংসু য়াওই।

মন্ত্রালয়/বিভাগতগী শেলগী তেংবাং পীবশিং অসি পি.এফ.এম.এস.কী খুত্থাংদা মখাগী অসুম্না তৌইঃ

ক. মন্ত্রালয়/বিভাগতগী বেনিফিসরীশিংদা হকথেংননা

খ. রাজ্যগী ত্রেজরী একাউন্তকী খুত্থাংদা; নত্ত্রগা

গ. সেন্তর/রাজ্যগী সরকারনা খনবা ইম্প্লিমেন্তিং এজেন্সী অমা হেক্তগী খুত্থাংদা

দি.বি.তি.গী কান্নবশিং:

দি.বি.তি.না (সি.এ.আর.ই.)গী খুত্থাংদা পান্দম অসি ফংনবা হোৎনরিঃ

ক.    হুরান চিন্থী তৌবা অমসুং অনিরক হঞ্জিনবা থিংবা

খ.    বেনিফিসরীশিং য়াম্না চুম্না খন্দোকপা

গ.    শেল পীথোকপদা থেংথবা তৌদবা অমসুং

ঘ.    শেলশিং অসি ইলেক্ত্রোনিক ত্রান্সফর তৌবা, কান্নবা পীথোকপদা চংবা থাক হন্থহনবা।