ক’ভিড-১৯ লকডাউনৰ সময়ত ২৪ মাৰ্চৰ পৰা ১৭ এপ্ৰিললৈ ১৬.০১ কোটি হিতাধিকাৰীৰ বেংক একাউণ্টত ৰাজহুৱা বিত্তীয় ব্যৱস্থাপনা ব্যৱস্থা (পিএফএমএছ)ৰ জৰিয়তে প্ৰত্যক্ষ লাভ হস্তান্তৰ(ডিবিটি)ৰ মাধ্যমত ৩৬,৬৫৯ কোটিতকৈ অধিক টকা হস্তান্তৰ কৰা হৈছে বুলি বিত্ত মন্ত্ৰালয়ৰ, ব্যয় বিভাগ, মহাগাণনিক আৰু মহানিয়ন্ত্ৰক (কেগ) কাৰ্যালয়ে সদৰি কৰিছে৷ ডিবিটিৰ মাধ্যমত পোনপটীয়াকৈ হিতাধিকাৰী একাউণ্টলৈ ধন হস্তান্তৰ কৰাৰ ফলত মধ্যভোগীৰ সমস্যা নাইকিয়া হৈছে৷

ওপৰত উল্লেখ কৰা ধৰণে কেন্দ্ৰীয় আঁচনি(চিএছ), কেন্দ্ৰীয় চৰকাৰৰ পৃষ্ঠপোষক আঁচনি(চিচিএছ) আৰু চিএএছপি আঁচনিৰ অধীনৰ সুবিধাসমূহ ৰাজহুৱা বিত্তীয় ব্যৱস্থাপনা ব্যৱস্থা (পিএফএমএছ)ৰ জৰিয়তে প্ৰত্যক্ষ লাভ হস্তান্তৰ(ডিবিটি)ৰ মাধ্যমত হিতাধিকাৰীৰ একাউণ্টলৈ পোনপটীয়া হস্তান্তৰ কৰা হৈছে৷

লকডাউন সময়ত ৰাজহুৱা বিত্তীয় ব্যৱস্থাপনা ব্যৱস্থা (পিএফএমএছ)ৰ জৰিয়তে প্ৰত্যক্ষ লাভ হস্তান্তৰ(ডিবিটি)ৰ মাধ্যমত ৩৬,৬৫৯ কোটি টকা হস্তান্ত কৰা হৈছে৷ ইয়াৰে ভিতৰত ২৭,৪৪২ কোটি কেন্দ্ৰীয় চৰকাৰৰ আঁচনি আৰু ৯,৭১৭ কোটি টকা ৰাজ্য চৰকাৰ সমূহৰ আঁচনিৰ অন্তৰ্গত৷ ইয়াৰ জৰিয়তে ২৪ মাৰ্চৰ পৰা ১৭ এপ্ৰিললৈকে ১৬.০১ কোটি (১১.৪২ কোটি চিচি/চিচিএছ আৰু ৪.৫৯ কোটি ৰাজ্য চৰকাৰ) হিতাধিকাৰী উপকৃত হৈছে৷

প্ৰধানমন্ত্ৰী গৰীৱ কল্যান যোজনাৰ অধীনত ঘোষণা কৰা ৫০০টকাৰ সাহায্যও ডিবিটিৰ মাধ্যমত মহিলাসকলৰ  জন  ধন একাউণ্টত প্ৰদান কৰা হৈছে৷ ১৩ এপ্ৰিললৈকে ১৯.৮৬কোটি মহিলা হিতাধিকাৰীৰ একাউণ্টত ৯,৯৩০ কোটি টকা প্ৰদান কৰা হৈছে৷

বিগত ৩বছৰত পিএফএমএছৰ জৰিয়তে ডিবিটিৰ মাধ্যমত হোৱা লেনদেনৰ পৰিমাণ বৃদ্ধি পাইছে৷ ডিবিটিৰ জৰিয়তে হস্তান্তৰ কৰাৰ ধনৰ পৰিমাণ ২০১৮-১৯ বিত্তীয় বৰ্ষৰ ২২%ৰ পৰা ২০১৯-২০২০ত ৪৫%লৈ বৃদ্ধি হৈছে৷

উল্লেখ্য যে ক’ভিড-১৯ লকডাউনৰ সময়ত ২৪ মাৰ্চৰ পৰা ১৭ এপ্ৰিললৈ পিএম কিষাণ, মহাত্মা গান্ধী নিয়োগ নিশ্চিতকৰণ আঁচনি, ৰাষ্ট্ৰীয় সামাজিক সহায় আঁচনি(এনএছএপি), প্ৰধানমন্ত্ৰী মাতৃ বন্দনা যোজনা(পিএমএমভিৱাই), ৰাষ্ট্ৰীয় গ্ৰামীণ জীৱিকা অভিযান(এনআৰএলএম), ৰাষ্ট্ৰীয় স্বাস্থ্য মিচন(এনএইচএম) আৰু বিভিন্ন মন্ত্ৰালয়ৰ বৃত্তিমুলক আঁচনি ৰাষ্ট্ৰীয় বৃত্তি পৰ্টেল(এনএছপি) ইত্যাদি কেন্দ্ৰীয় আঁচনিৰ ১১,৪২,০২,৫৯২গৰাকী হিতাধিকাৰীৰ একাউণ্টত পিএফএমছৰ জৰিয়তে ২৭,৪৪২.০৮ কোটি টকা ডিবিটি কৰা হৈছে৷

ক’ভিড-১৯ৰ লকডাউনৰ সময়ত উত্তৰপ্ৰদেশ, বিহাৰ, মধ্যপ্ৰদেশ, ত্ৰিপুৰা, মহাৰাষ্ট্ৰ, জম্মু আৰু কাশ্মীৰ, অসম, অন্ধ্ৰপ্ৰদেশৰ লগতে অন্য একাংশ ৰাজ্যই ডিবিটিৰ জৰিয়তে বেংক একাউণ্টত ধন হস্তান্তৰ কৰিছে৷ ১৮০খন কল্যানমুলক আঁচনিৰ অধীনত এই ৰাজ্য চৰকাৰসমূহে পিএফএমএছৰ জৰিয়তে ৪,৫৯,০৩,৯০৮গৰাকী হিতাধিকাৰীক ২৪ মাৰ্চৰ পৰা ১৭ এপ্ৰিললৈকে ৯,২১৭.২২ কোটি টকা হস্তান্তৰ কৰিছে৷

ডিবিটিৰ মাধ্যমেৰে ধন হস্তান্তৰ কৰা কেন্দ্ৰীয় চৰকাৰৰ শীৰ্ষ ১০খন আঁচনিৰ সাৰাংশঃ

*মুঠ ১১,৪২,০২,৫৯২ গৰাকী হিতাধিকাৰীক ২৭,৪৪২.০৮ কোটি টকা প্ৰদান কৰা হৈছে৷

ডিবিটিৰ জৰিয়তে ধন হস্তান্তৰ কৰা ৰাজ্য চৰকাৰৰ শীৰ্ষ ১০ খন আঁচনিৰ সাৰাংশ:

*মুঠ হিতাধিকাৰীৰ সংখ্যা ৪,৫৯,০৩,৯০৮ আৰু প্ৰদান কৰা ধনৰ পৰিমাণ ৯২১৭.২২ কোটি টকা ৷

বিগত ৩ বছৰত পিএফএমএছৰ জৰিয়তে ডিবিটি লেনদেন বৃদ্ধি:

পিএফএমএছৰ জৰিয়তে ডিবিটি লেনদেনৰ পৰিমাণ বিগত তিনি বছৰৰ ভিতৰত ২০১৭-১৮ৰ তুলনাত ২০১৮-১৯ৰ ১১%ৰ পৰা ২০১৯-২০২০ বিত্তীয় বৰ্ষত ৪৮% বৃদ্ধি হৈছে৷ ২০১৮-১৯ৰ কৰা ডিবিটি মুঠ লেনদেনৰ পৰিমাণ ২২%ৰ পৰা ২০১৯-২০২০ বিত্তীয় বৰ্ষত ৪৫%লৈ বৃদ্ধি হৈছে৷

***

RM/KMN/DB