কেন্দ্রগী লেবর অমসুং এম্প্লোইমেন্তগী রাজ্য মন্ত্রী (আই./সি.) শ্রী সন্তোশ গঙ্গৱারনা রাজ্য/য়ু.তি. কয়া অমগী সরকারশিংদা কোবিদ-১৯গী লাইচৎ অসি মায়োক্নবা ঙম্নবা লাওথোকখিবা লোকদাউন অসি য়েংলগা লৈবাক অসিদা লৈরিবা লেবর/ৱার্করশিংগী থোরকপা ইসুশিংগী মতাংদা য়েংশিন্নবগীদমক্তা কেন্দ্র সরকারনা থমখিবা কন্ত্রোল রুমশিংগা মান্নদুনা থবক তৌমিন্ননবা লেবর দিপার্তমেন্ততগী নোদল ওফিসর অমমম খন্নবা হায়রকখ্রে। রাজ্য/য়ু.তি. সরকারশিংগী মন্ত্রীশিংদা শ্রী গঙ্গৱারনা ইরকখিবা চিথি অমদা মহাক্না হায়খি মদুদি লেবর দিপার্তমেন্ততা লৈরিবা ওফিসরশিংদা মসিগী কন্ত্রোল রুম ২০ অসিগী মতাংদা খঙহনগদবনি। কেন্দ্র অমসুং রাজ্য সরকারশিংনা লেং মান্ননা হোৎনমিন্নবগী মথৌ তাবা অসিবু পল্লদুনা, শ্রী গঙ্গৱারনা হায়, “ৱার্করশিংগী ৱাকৎ তাদুনা ৱাকৎশিং অদুগী ৱারোইশিন পুরক্নবা কেন্দ্র অমসুং রাজ্য সরকারশিংনা পুন্না লেং মান্ননা হোৎনমিন্নবা অসি য়াম্না তঙাইফদে।”

লেবর অমসুং এম্প্লোইমেন্ত মন্ত্রালয়না ইকুই কুইদনা কোবিদ-১৯গী লৈরিবা ফিভম অসিগা মরি লৈননা থোরকপা ৱার্করশিংগী থৌদোক ৱাথোকশিং অদুনা য়েংশিন্নবগীদমক্তা ভারত পুম্বগী ওইনা চীফ লেবর কমিশনর (সি)গী মখাদা কন্ত্রোল রুম ২০ লিংখৎখি। হৌদোরকপদদি কন্ত্রোল রুমশিং অসি কেন্দ্রগী থাক্তা লৈবা খুৎশুমলগা মরী লৈনবা ৱাকৎশিং অমসুং অতোপ্পা লমদগী লাকপা শিন্মীশিংগী ৱাফমশিংগী মতাংদা য়েংশিল্লমখি।

অদুবু মমাংগী নুমিৎ খরনিদগী কন্ত্রোল রুমশিং অসি থবক তৌবা হৌরবা মতুংদা, মসিদা খঙবা ঙমখি মদুদি ঙরাং ফাওবদা কন্ত্রোল রুম ২০ অসিদা লাকখিবা অপুনবা ৱাকৎ ২১০০গী মনুংদা ১৪০০দি রাজ্য/য়ু.তি. সরকারশিং কয়া অমগা মরী লৈনৈ। মরম অদুনা শিন্মী হায়বা অসি হৌজিক হৌজিক ওইরিবা হিরম অমগী মতাংদা ওইবনা, ৱাকৎশিং অসিগী ৱারোইশিন পুরক্নবা রাজ্য/য়ু.তি. সরকারশিং কয়া অমগা মতিক চানা লেংমান্ননা থৌ পুমিন্নবা হায়বসি য়াম্না মরু ওই। মন্ত্রীনা রেফেরেন্সকীদমক্তা কেন্দ্র সরকারনা খল্লবা ওফিসরশিংগী মমিংগা লোইননা কন্ত্রোল রুম ২০গী লিস্তসু থারকখি।